ཉམས་ཆུང་སྦྲང་མ་འདྲ་བའི་མི་ཆུང་ངས། །
ས་ཆེན་པདྨའི་ཚལ་གྱི་མཐའ་བསྐོར་བཞིན། །
རང་དོན་ཁོང་བཅུག་རྟོག་པས་མ་སླད་པའི། །
རང་བྱུང་བདེན་པའི་ངག་སྙན་ཅི་ཡང་འགྱུར། །
ངལ་བསོས་བུ་རྣམ་སྲས། ✍🏻
དེང་རབས་ཀྱི་ལམ་བུ།
ཟ་ཉལ་ཕག་གི་མགྱོག་དར་མི་ལོན་བཞིན། །
མདུན་བསྐྱོད་མེད་པའི་མི་ལ་གྲུབ་འབྲས་མེད། །
འཁྱོག་པོའི་མདའ་ཡིས་འབེན་ལ་ཕོག་བཞིན། །
ཡོ་བཅོས་མེད་པའི་ལུགས་ལ་རྒྱལ་ཁ་མེད། །
མདོར་ན་འཁོར་འདས་བར་གྱི་བརྟན་གཡོའི་ཆོས། །
གང་ལ་བཅོས་བསྒྱུར་མེད་ན་ཡར་རྒྱས་མེད། །
མི་ནུབ་ཡར་རྒྱས་ལེགས་བཅོས་ལམ་ནས་བྱུང་། །
རྟག་བརྟན་གོང་འཕེལ་ལེགས་བསྒྱུར་ལུགས་ཀྱིས་འབྱུང་།།
སྒུལ་བསྐྱོད་མེད་པའི་རྡོ་ལ་ཡར་འཕེལ་མེད། །
ཡོ་སྲང་མེད་པའི་སྡོང་སྐམ་ཡར་སྐྱེས་མེད། །
བཅོས་སུ་མེད་པའི་རྒན་པོར་ཡར་རྒྱས་མེད། །
བསྒྱུར་དུ་མེད་པའི་རོ་ལ་ཡར་ཐོན་མེད། །
ངལ་བསོས་བུ་རྣམ་རྒྱལ།
