★
༄༅།།ཀུན་མཁྱེན་བླ་མ་རྫོགས་པའི་སངས་རྒྱས་ལ་
དུས་རྣམས་ཀུན་ཏུ་གུས་པས་
ཕྱག་མཚལ་ལོ།།
☆
🌹🌹🌹
🙏🏻🙏🏻🙏🏻
རང་བཞིན་རྣམ་དག་འོད་གསལ་གཉུག་མ་ཡི་ཀློང་ན།།
རང་གསལ་ཆོས་སྐུ་ཀུན་མཁྱེན་བླ་མ་དེ་བཞུགས་སོ།།
རང་དང་འདྲ་བའི་གདུལ་བྱའི་དད་མོས་ཀྱི་ཀློང་ན།།
རང་ཅག་ཀུན་ལ་དྲིན་ཆེན་བླ་མ་དེ་བཞུགས་སོ།།
ལྷ་ཕྱག་མ་འཆོར་ཙམ་གྱིས་སྐལ་ངན་གྱི་སློབ་བུ།།
མ་དག་སྙིགས་མའི་འགྲོ་ལ་ཐུགས་རྗེ་རེ་མ་ཆུང་།།
མཁའ་ལྟར་ཡངས་པའི་ཐེག་མཆོག་དགོངས་པ་ཡི་དབྱིངས་ལས།།
ཐུགས་རྗེའི་ཉི་འོད་སྒུག་ནས་རིང་པོ་ཞིག་སོང་ཟིན།།
ལམ་ལོག་ལམ་སྟོར་གཏད་མེད་ཆོས་གཟུགས་ཙམ་བདག་ལ།།
རང་རིག་རང་དབང་འབྱོར་བའི་ལམ་སྣེ་དེ་སྟོན་འཚལ།།
མུན་པ་མུན་ནག་མ་དག་རབ་འབྱམས་ཀྱི་མི་ལ།།
དག་པ་རབ་འབྱམས་ཀུན་ཁྱབ་འོད་སྣང་དེ་རྩོལ་དང་།།
དབང་པོའི་དྭངས་མ་མིག་ཟུང་འཇིག་རྟེན་དུ་བྱེ་བ།།
ཁྱོད་གསུང་མཐོང་འདི་ཡོངས་རྫོགས་རིན་ཐང་ལ་རྩིས་ཡོད།།
སྣ་ཚོགས་ཉན་ཤེས་སྒྲ་འཛིན་དབང་པོ་དང་ལྡན་པ།།
ཁྱོད་གསུང་ཐོས་པས་ཐོས་འཛིན་དོན་ལྡན་དུ་རྟོགས་ཡོད།།
སྒྱུ་མའི་དལ་རྟེན་སྙིང་པོ་ཚེ་གང་ལ་སྟོར་ཞིང་།།
ཡིད་ཁམས་སྟོང་པ་ཁྱོད་གསུང་སྣང་བ་ཡིས་བཀང་སོང་།།
ཐོག་མེད་དུས་ནས་མཐའ་མེད་སྲིད་པ་རུ་འཁྱམས་ཀྱང་།།
བརྒྱུད་པ་འདི་འཕྲད་སེམས་ཁམས་བདེ་བག་གིས་ཚིམ་ཡོད།།
ལྗོངས་འདིར་ཆེ་བ་མཆོག་ལྡན་རྣམ་གི་མང་གི་མཁས་གྲུབ།།
གཅིག་ལས་གཅིག་མཚར་གྲགས་སྙན་ཕྱོགས་ཕྱོགས་ནས་སྒྲོག་ཀྱང་།
མཐར་ཐུག་ཟབ་མོ་སྟོན་ལ་ཁྱེད་ཉིད་དང་འདྲ་བ།།
སྲིད་པའི་ཁོངས་འདིར་རྙེད་པའི་ཤུལ་རྗེས་ཙམ་མི་གདའ།།
སེམས་ཕུག་གི་བླ་མ།
སྙན་ཚིག་འདི་ཡང་ཁྱོད་ལ་ཕུལ་བ་སྟེ། །
བསྟོད་གླུ་འདི་ཡང་ཁྱོད་ལ་སོང་ནས་འདུག །
●●○
ངལ་བསོའི་ཉི་མའི་བུ། ✍🏻
