༈ སད་པར་རློམ་པ་ཕལ་ཆེར་གཉིད་ཡོད། སྒྲ་ཡིག:

སྐད་ཡིག་རིག་གནས་དཔལ་འབྱོར་ཚོང་ལས་སོགས་མི་རེ་ཡིས་རེ་རེ་འུར་རུང་།རྩ་བ་སྡོང་པོ་བསྐྱུར་ནས་ཡལ་ག་མཛེས་བཟོ།མ་སྡིག་གི་ནང་ལ་མི་བལྟ་ཕོ་རུ་ནང་མང་ཞན་གྱི་རྩོད་པ།དེ་འདྲས་ཡོང་དོན་མེད།ད་ལྟོས་དང་ཆོས་དང་ཤེས་རིག་ཚོང་ལས་སོགས་གང་རྒྱ་བསྐྱེད་བསམ་ན་དེ་བེད་སྤྱད་སའི་མི་ཡིས་མ་མདངས་ནས།གང་ནས་ཡིན་ན་ཡང་ཤུགས་གཏོད་སའི་ཁྲོམ་ར་འདྲ་བོ་དེ་སྟོང་ལ་ཁད་དུ་ཡོད་པ་ལ་ལྟོས།ལ་ལས་དེང་སང་ཚང་མས་ཐབས་མཁས་པར་བྱེད་དགོས་རེད།རེད་དེ།ད་ཐབས་མཁས་དགོས་ཅེས་པས་མི་ཕན་པས་ཐབས་མཁས་ལ་མཁས་པའི་ལམ་སྟོན་ནུས་དགོས།སུས་ཀྱང་མཚང་དུ་ཤེས་ནུས་པའི།།གཡོ་ལ་ཐབས་མཁས་ཞེས་མི་བྱ །ཟེར་བ་དེ་འདྲས་མི་ཡོང་བས། 

མིའི་ལོ་རྒྱུས་ཀྱི་སྣེ་ཅིག་ནས་བསམ་ན།དེ་ཡང་ཡི་གེའི་ནང་ནས་སྔ་མོ་མང་པོ་མི་བཤད།ང་ཚོ་ད་ལྟའི་རིང་གི་དངོས་ཡོད་ལ་བསམ་ནས་ལྟོས་དང་།ད་སྔ་བོད་པས་ཅི་བྱས་སོང་།ཅུང་ཟད་འབུ་ཉི་མས་དྲོས་པ་བཞིན་གོ་སྐབས་འདྲ་ཞིག་ཡོད་ཚེ་དེར།ནུས་འཇོན་ཡོད་ཚད་ཁ་ཕོའི་རབ་བྱུང་གི་ལམ་ནས་མཐོ་ས་ལ་ཡར་འཇར་ནས་འཇིག་འཇིག་བྱས།ཕོ་བ་དགང་།ཚུགས་གཏོད་ནས།ཁ་ཁ་བྱས་ནས་གཅིག་ཏུ་བསྡད།མི་ཚེ་ལ་ཁ་གཅིག་དག་དག་ཁུར་ནས་བསྡད་ཅིང་།དེ་མིན་ནུས་མེད་འཇོན་མེད་མང་ཆེ་བ་གྲོང་པ་དང་རྒྱ་གྲོང་བཟུང་བའི་གཞིས་བཟུང་མི་བྱས་ནས་ཕྱོགས་ཁ་ཁ་གཅིག་ལོགས་གཅིག་ཏུ་འདུག་བཅུག་བཞག་དུས།ད་མཇུག་འབྲས་ཅི་རེད་གི་འདུག།རིག་འདུག་རྒྱུ་འདི་རེད།གཞོན་སྐྱེས་ཚང་མ་རང་རིགས་ཀྱི་ཤེས་ཡོན་མེད་པ།རིག་གནས་མེད་པ།བོད་ཞེན་མེད་པ་འདི་བྱུང་བ་རེད།མ་ཟད།ངོ་ཚ་མེད་ལ་རང་འདོད་དང་གཟེ་རེ་ཆེ་བ།འཛམ་གླིང་གི་སྔོན་དུ་ཞབས་འདྲེན་འཇོག་པ།ལ་ལ་ཞབས་འདྲེན་པའི་དཔོན་པོ།ལ་ལ་ཞབས་འདྲེན་པ་དེ་ཚོའི་ཡང་ཞབས་བམ།ཡང་ན་ཞབས་འདྲེན་པའི་རྗེས་འབྲང།ཞབས་རྗེས་པ་མང་པོ་ཞིག་དོན་ནས་མགོ་ཡུ་འཁོར་དགོས་པ་བྱེད་གི་འདུག་བ།འདི་དག་བོད་ཀྱི་མི་ཆེན་དང་།སྣེ་ཁྲིད་པ་དག་གིས་རང་རང་གིས་བཟོས་པ་རེད།ད་དེ་ནི།ར་རང་གིས་བཟོས་པའི་འུར་རྡོ་དེ།ར་རང་གི་མགོ་ལ་དཀྱི་ལི་ལི།ཟེར་བ་དེ་རེད། 

ད་ཁྱོད་ཚོས་གྱིས་དང་།སྐྱ་ལམ་སེར་ལམ་ཁ་ཁ་ཁེ་རུ་མ་འགའ་ཕྱོས་དང་།གནད་འགག་ག་ན་བུད་འདུག་སྔ་བསམ་ཕྱི་འདིང་གཏན་ནས་མི་བྱེད་པར།མགོ་ཕྱི་ལོག་ལ་ཕུད་དེ་གཅིག་གཏན་ནས་མི་བལྟ་བར།རེད་བསྡད་ཡོད་པ་གཞིར་བཞག་དག་དག་གཅིག་བྱེད་ནས་གཅིག་འདུག་འདུག་དུས།. 

ད་འདི་ཚོའི་ཐད་ཁྱོད་ལ་ཚོར་བ་ཆེན་པོ་ཡོད་གི་འདུག་ན་ཟེར་ན།ལོས་ཡོད།འཛམ་གླིང་གསལ་བའི་སྒྲོན་མེ་ཆེན་པོ་ཞིག་ནུབ་རྩིས་བྱེད་གི་ཡོད་པ་རེད།ལོ་སྟོང་ཕྲག་མང་པོ་ནས་རླབས་ཆེན་གྱི་མི་རིགས་རིག་གནས་དང་བཅས་པ་ཞིག་ཚར་རྩིས་བྱེད་གི་ཡོད་པ་རེད། 

ཨེ་མ།

ཡ་མཚན་ཆེ། 

༣༽

བོད་པ་དག་ཕམ་ས་ངོ་མ་གྲངས་ཉུང་བའི་ཐོག་དེ་ན་ཕམ་ཡོད་རེད། 

སྐྱེ་བོ་རང་གི་རང་བྱས་ལས།གཞན་གྱིས་བྱས་པ་ཅུང་ཟད་མེད།ཟེར་བ་ལྟར།འདི་དག་ཐམས་ཅད་ཡར་སྟོད་དབུས་གཙང་རུ་བཞིའི་ཕྱོགས་ནས་མར་བསམ་བློ་ཐོངས།མར་ཕྱོགས་རྒྱལ་མོ་རོང་གི་རྫོང་ཁག་དག་ནས་ཡར་བསམ་བློ་ཐོངས།ཐ་ན་རང་རང་སོ་སོའི་རྗོང་དང་ཡུལ་ཚོ་ཚུན་ཆད་ནས་ཚུར་བསམ་བློ་ཐོངས།གནས་ཚུལ་ག་འདྲ་རེད་གི་འདུག།ཞིབ་མོ་བསམ་བློ་ཐོངས་དཔྱད་ཞིབ་གྱིས་དང་།ངས་བཤད་པའི་ཐབས་ལམ་འདི་མ་བྱས་ཐབས་མེད་ཀྱི་ལམ་ཀ་ཞིག་རེད་མ་གཏོགས།ཨེ་བྱེད་མི་བྱེད་ཟེེར་མོ་བརྒྱབ་དགོས་སའི་གནད་དོན་ཞིག་གཏན་མ་རེད།ནམ་རྒྱུན་བསྟན་པ་ཟེར་འདུག་རྒྱུ་དེའི་མདུན་ལམ་རིང་མོ་ལ་སྙིང་གཏན་ནས་མ་བསམ་ན་མ་བསམ་པ་རེད།གོང་རྩ་ཚོང་བདག་གི་སྒྲ་སྒམ་བཞིན།ཁ་ཡིས་རེ་རེ་བོས་ནས་བསྡད་ན་ཆོག་པ་ཡིན་ན་དེ་རེད།དེ་མིན་ན་འགྲོ་ས་གཞན་ཡོད་མ་རེད། 

མདོར་ན་ད་ཁྱོད་བོད་མི་དབང་པོ་ཚང་བ་ཞིག་ཡིན་ཞིང་།ཞ་བསྡད་འདྲ་མེད་ན་སོ་སོ་ལ་རིགས་བརྒྱུད་རེ་ངེས་པར་དུ་ཡོད་དགོས་རེད།དེ་ལས་གཞན་ཆེ་ཆེ་གཡེར་གཡེར་སྐྲག་མོ་ཅི་གང་མི་འཇོན།དེ་སྔ་དེ་ཚོ་ལ་ལྟོས་ཅི་འཇོན་འདུག།འུར་འུར་ཟིང་ཟིང་ཆེ་ས་མཐོ་ས་དག་དག་ལ་ངོས་གཡར་འདྲ་བོ་བྱས་གཅིག་རྒྱུག་བཞག་དུས།ཁ་གཅིག་གདང་བཞག་དུས།ད་ཅི་འཇོན་འདུག།འབྲས་བུ་ཅི་ལོན་འདུག། 

དངོས་ཐོག་བདེན་འཚོལ་གྱིས།གོམ་པ་བརྟན་པོ་སྤོས་མ་སོང་ན་ད་ཚར་རན་པ་རེད།ཡང་མོས་ཡང་མོ་བཅག།ཡང་མོ་རླུང་གིས་ཁུར།རང་སྡུག་རམ་པ་དག་དག་དེ་གཅིག་འཐག་མ་འདུག་ཅེས་འབོད་གི་ཡོད། 

རང་རང་སོ་སོའི་ངོས་ནས་རབས་ཕྱི་མ་རེ་ཡོད་པ་ཡིན་ན་མ་མཐའ་ཡང་།སོ་སོའི་རབས་ཕྱི་མ་ལ་རེ་བ་ཅུང་ཟད་རེ་ཡོད་རེད།རབས་ཕྱི་མ་ཙམ་ཡང་མེད་ཚར་ནས་བཟུང་།སྤྱི་ལ་རེ་བ་ཡོད་མ་རེད་་ལ་སྒེར་ལའང་དེ་བཞིན་རེད།ད་ཅི་ཡོད་རེད།ཅི་གང་ཡོད་མ་རེད།ཚར་ཚར་བ་རེད།ཞག་ཚར་བ་རེད།ལྟོས་ང་ཚོའི་རིང་ལ་ནི་འདི་རེད།དེའི་ཐོག་མ་འོངས་རེ་བའི་ས་བོན་རྩ་བ་ཙམ་ཡང་མེད་པ་བྱེད་ཚར་ནས་ད་ལྟ་ས་གང་ན་འདུག།  མཁས་པ་ཆེན་པོ་སུ་ཆིག་མས་ཆིག་ཟེར།མ་ངེས་མས་གཉིས་ཟེར་གི་ཟེར།བཤད་མ་ཡོང་།མུ་སྟེགས་པའི་ཁ་ལ་མ་སོང་ན།ཚང་མ་སྤྱང་ཀའི་རྐང་རྗེས་དག་དག་རེད།དངོས་ཡོད་མངོན་སུམ་རིག་འདུག་རྒྱུའི་གནས་ཚུལ་ལ་ཁོ་ཚོ་ལ་མའོངས་པའི་རེ་བའི་རུ་མ་ཙམ་ཡང་མེད་ན།ཆེན་པོའི་འུད་སྒྲོག་ཡོང་ས་ག་རེ་འདུག།ཤི་ཁའི་ཉི་མ།འདའ་ཁའི་འབར་ལྷབ་ཙམ་རེ་མ་རེད་བེ། 

དེས་ན་ད་གཞན་པ་ཁྱོད་ཚོས།ཆེན་པོ་མ་ཞིག་བཤད་མ་ཡོང་།ཁྱོད་ཚོས་ཆེན་པོ་མ་ཞིག་དག་དག་བཤད་ནས།ཆེན་པོ་ཆུང་ཆུང་ལ་བསྒྱུར།ཆུང་ཆུང་རྩ་མེད་དུ་བཏང་ལ་ཁད་བཟོས་ཡོད་རེད།ཤེས་རབ་ཀྱིས་གནད་མ་ཕིག་བཞིན་དེ་ན་ཆེན་པོ་ཞིག་བཤད་གི་ཡོད་མདོག་གིས་གཟི་གཏམ་འདྲ་ཆེན་པོ་མ་དེ་ཚོ་བཤད་མ་ཡོང་།  

ང་ཚོས་ཆོས་དང་རང་རིགས་ལ་བསམ་བློ་ཞིག་མ་བཏང་ན་མ་བཏང་བ་རེད།བཏང་ནས་བཟུང་།བཅོས་ཀ་ལེགས་བཅོས་འདི་དག།ད་ནི།རན་པ་བས་ཀྱང་ཕྱིས་པར་གྱུར་པ་ཙམ།།གསུངས་པ་ལྟར་འབད་རན་རེད།ཟེར་གི་ཡོད།གནས་ལུགས་ཀྱི་ཅི་དག་འཁོ་གི་འདྲ་ཡོད་ན་དེ་རེད།མིན་ནས་མི་མང་མང་ཚོགས་མགོ་བསྐོར་སའི་རྗུན་ཆེན་པོ་དེ་འདྲ་དག་དག་ལས་གཞན་འཁོ་གི་མེད་ན་དེ་རེད།. 

འབྲེལ་དང་།

བདེན་གཏམ་གླེང་།