阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
来源：劳动报
作者：金洪远
沪语改写：郭莉
讲述：顾卫芳
文字、语音审核：丁迪蒙
编辑：王乙其
今年大热天，气温直冲40度，外出活动自然就少了，倒正好是孵勒屋里读书个好辰光。打开上海文化出版社出版个《聂耳·上海记忆》，一杯茶，一本书，心静自然凉，我就用迭个方式来消夏。
《上海记忆》是部追踪聂耳短暂一生个长篇纪实文学作品，作者是资深编辑陆林森先生，作品立足勒聂耳生命个最后五年展开，笔触探及聂耳人生走向，搭仔伊音乐创作个成就。
作者自家讲，为了写搿本书，伊跑了勿少地方。“汝果欲学诗,工夫在诗外。”迭个是宋代诗人陆游留下来个至理名言。饱读诗书个陆先生深得其中真意。
为了拿聂耳最具华彩个“上海五年”真实个呈现拨读者，作品从聂耳住个虹口同春里31号出发，经过黄浦个江边码头，经过影棚剧院，经过淮海路浪传出《义勇军进行曲》第一声个小洋楼，再到国歌纪念广场，陆林森一直勒勒追踪。伊个视线甚至飞越上海。先后两次到昆明、玉溪等聂耳出生成长个地方去采风，查阅聂耳及屋里人、朋友个大量珍贵书信，勒当地图书馆度过一天又一天，仔细考证公开披露个搭仔未及披露个史料。为写作《上海记忆》打了扎实基础。
我记得，勒中华艺术宫举办个《聂耳在上海的最后五年》讲座浪，陆林森个讲述打动了台下头聆听个读者，原中宣部副部长龚心翰亲临现场，听完讲述，伊用八个字表达听众个共同心声：史料珍稀，难能可贵。
陆先生年已古稀，写作期间有多种基础病折磨，勿好久坐，但是伊邪气顽强，立勒海写，一个字一个字，认真敲打键盘，让人感动。伊顽强搭仔求真务实个精神，让熟悉伊个文友大为感叹。有位诗人朋友讲，陆先生不辞辛劳，一串串脚印化成了一行行文字，真个是“跑”出了厚厚个一本《海记忆》呀。
作者：金洪远
讲述：顾卫芳
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“海上梦叠”公众号
我知道你在看哟~
