༼ 索南贡布&李南樨 ༽24年5月19日星期天，敬备吉祥素宴
གནག་སྣུམ་སྐྲ་ལོ་གཡོ་བའི་ན་གཞོན་ནས།།
དཀར་པོ་དུང་སྐྲ་འཐུ་བའི་ཚེ་ཐག་རིང་།།
ཕན་ཚུན་མཛའ་མཐུན་གཡང་གི་ར་བ་ལས།།
ཚེ་བསོད་དཔལ་འབྱོར་ཡིད་བཞིན་འགྲུབ་པར་སྨོན།།
བཀྲ་ཤིས་ཕྱྭ་གཡང་ཁུག་པའི་རྟེན་འབྲེལ་ཡིན།།
བདེ་ལེགས་འབྲས་བུ་འབྱུང་བའི་སྔ་ལྟས་ཡིན།།
མི་ཚེ་བདེ་སྐྱིད་བསུ་བའི་གཞི་མ་ཡིན།།
དཀར་ཟས་འབྲི་ཞོ་འོ་མའི་གཡང་འཁྱིལ་ལས།།
དཀར་ཕྱོགས་ལྷ་སྲུང་དགྱེས་པའི་ཟློས་གར་ཁྲོད།།
དཀར་གཙང་ལྷད་མེད་བརྩེ་བའི་གཉེན་སྟོན་འདིར།།
དཀར་སྐྱོང་ཡུལ་ལྷ་རྣམས་ཀྱིས་སྡོང་གྲོགས་མཛོད།།
