ཚིག ཤར་གླིང་ར་སྨྱུག
དབྱངས། འདན་མ་མཁྱེན་བརྩེ།
ལེན་མཁན། རིན་ཆེན་རྒྱལ་མཚན།
ད་ནངས་གཉིད་ལས་སད་དུས། །
གནམ་ལོ་གསར་པ་ཚེས་འདུག །
ཨ་ཕའི་ཆོས་ཁང་ནང་གི། །
མཆོད་བཤམ་ཡིད་དུ་འོང་བ། །
ཨ་མའི་ཅོག་ཙེའི་སྟེང་གི། །
སྡེར་ཁ་ཅི་འདྲ་མཛེས་པ། །
ཨ་ཧ་ཧ་ཧ། ང་ཚོ་བོད་ཀྱི་ལོ་གསར། ལོ་གསར་སྐྱིད་པོ།
ཕོ་གསར་སྟག་ཤར་དེ་ཚོས། །
ཀི་བསྭོས་ལུང་པ་བཀང་སོང་། །
བསང་མཆོད་དུ་བའི་ཁྲོད་དུ། །
ཁ་གཡང་བརྒྱ་འབོད་སྟོང་འབོད། །
ཨ་ཇོ་ཅི་འདྲ་རྫིག་པོ། །
གཅུང་པོ་དེ་འདྲ་ཡག་པ། །
ཨ་ཧ་ཧ་ཧ། ང་ཚོ་བོད་ཀྱི་ལོ་གསར། ལོ་གསར་སྐྱིད་པོ།
དེང་གི་ཕོ་གཞོན་མོ་གཞོན། །
ཞབས་བྲོ་ང་འཁྲབ་ཁྱོད་འཁྲབ། །
དགའ་སྤྲོ་གླུ་གར་ཁྲོད་དུ། །
སྨོན་ཚིག་ཅི་འདྲ་སྙན་པ། །
ཨ་ཅེ་སྐྱེས་གཟུགས་ཡག་པ། །
ནུ་མོ་སྙིང་ལ་རྗེ་མོ། །
ཨ་ཧ་ཧ་ཧ། ང་ཚོ་བོད་ཀྱི་ལོ་གསར། ལོ་གསར་སྐྱིད་པོ།
