ཡ་རབས་ཚུལ་ལྡན་གྱི་གུས་ལུགས།
གསུམ་པ། ཞྭ་མོ་ཕུད་ནས་གུས་འདུད་ཞུ་བ། གལ་ཏེ་ལམ་བར་དུ་ཁྱེད་རང་ཉིད་ཀྱིས་གུས་བཀུར་བྱེད་སའི་སྤྲུལ་སྐུ་དང་བླ་མ། ཡང་ན་སྙན་གྲགས་ཆེ་བའི་རྒན་པ་སོགས་དང་འཕྲད་ན། ཐག་རིང་ནས་ཞྭ་མོ་ཕུད་པ་དང་པུས་མོ་འགུག་པ། སྐེད་པ་བསྒུར་བ། ལག་གཉིས་བརྐྱངས་ནས་ལག་མཐིལ་ཡར་སྟོན་བྱས་ནས་གུས་ཚུལ་གྱི་རྣམ་པ་སྟོན་པ། སྤྲུལ་སྐུ་དང་འཕྲད་ན་ད་དུང་ལག་གཉིས་སྙིང་ཁར་སྦྱར་ཞིང་མགོ་སྒུར་ནས་གུས་འདུད་ཞུ་ངེས། གལ་ཏེ་ཁྱོད་རྟ་ཞོན་པའི་སྐབས་སུ་ཐུག་འཕྲད་བྱུང་ན། མྱུར་དུ་རྟ་ལས་བབས་ནས་གུས་འདུད་ཞུ་དགོས་པ་མ་ཟད། བཀུར་བའི་མི་དེ་ཐག་རིང་དུ་ཕེབས་པ་ན་ད་གཟོད་རང་ཉིད་རྟ་ལ་ཞོན་ནས་ལམ་ལ་འབུད་པ་ཡིན། གཞན་ཡང་གུས་འདུད་ཞུ་བ་དང་དུས་མཉམ་དུ་ད་དུང་ཞེ་ཚིག་གིས་འཚམས་འདྲི་ཞུ་བའོ།།
ཡོང་ཁུངས། མཚོ་སྔོན་བོད་ཡིག་ཁྲིམས་སྐྱོང་ཚགས་པར།
ཀུན་ཁྱབ་འོད་སྣང་འཕྲིན་སྟེགས།
གཞན་ལ་སྐུར།
ཉར་ཚགས།
མཐེ་བོང་ནོན།
མེ་ཏོག་ནོན།
