ئامېرىكا شۇ يەر ۋاقتى 6-نويابىر ترامپنىڭ سايلامدا ئۇتۇپ چىققانلىقىنى مۇددەتتىن بۇرۇن جاكارلىشىغا ئەگىشىپ، خەلقئارا ۋەزىيەتتىمۇ زور ئۆزگىرىش بولىدۇ. قائىدە بويىچە ئېيتقاندا، ئامېرىكا چوڭ سايلىمىدا بېلەت تاشلاش خىزمىتى تېخى ئاخىرلاشقىنى يوق، كۆپچىلىك يەنىلا قاراپ تۇرۇش ھالىتىدە تۇرۇۋاتىدۇ، بەزى دۆلەتلەر ترامپنى مۇددەتتىن بۇرۇن تەبرىكلىدى، بۇنىڭ ئىچىدە ئۇكرائىنا زۇڭتۇڭى زېلېنسكى ۋە ئىسرائىلىيە زۇڭلىسى نىتانىياخۇ بار، بۇمۇ ئامېرىكىنىڭ قوللىشىغا ئەڭ تايىنىدىغان ئىككى دۆلەت. بىراق ترامپنىڭ ئىلگىرىكى پوزىتسىيەسىدىن قارىغاندا، زېلېنسكىينىڭ ياخشىچاق بولۇشى ۋەزىيەتنى ئۆزگەرتىشكە پايدىسىز بولۇشى مۇمكىن، ترامپ ئۇكرائىنادىن ۋاز كېچىپ، رۇسىيە-ئۇكرائىنا تىنچلىق سۆھبىتىنى ئىلگىرى سۈرىدۇ. ئىسرائىلىيەنىڭ ئىشلىرى تېخىمۇ مۇرەككەپ بولىدۇ، تىرامپنىڭ ئىسرائىلىيەنى قەتئىي قوللاش پوزىتسىيەسىدىن قارىغاندا، نىتانىياخۇ ئوتتۇرا شەرقتە تېخىمۇ رادىكال ھەرىكەت قوللىنىشى مۇمكىن.
نىتانىياخۇ باياناتىدا ترامپنىڭ سايلامدا ئۇتۇپ چىقىشىنىڭ «بىر قېتىملىق غايەت زور غەلىبە» ئىكەنلىكىنى تىلغا ئالدى، ئۇ ترامپنىڭ تارىخىي خاراكتېرلىك ئاق سارايغا قايتىپ كېلىشى «ئامېرىكىغا يېڭى باشلىنىش ئېلىپ كەلدى، شۇنداقلا ئىسرائىلىيە بىلەن ئامېرىكا ئوتتۇرىسىدىكى ئۇلۇغ ئىتتىپاققا كۈچلۈك ۋەدە بەردى» دېدى. بۇ گەپنىڭ خارىسنى مەسخىرە قىلىش مەنىسى بولۇشى مۇمكىن، چۈنكى خارىس ئىلگىرى زىيارەتنى قوبۇل قىلغاندا، قەستەن «ئامېرىكا بىلەن نىتانىياخۇ ئىتتىپاقداشمۇ» دېگەن تېمىدا سۆزلەشتىن ئۆزىنى قاچۇرغان. ئۇنىڭدىن باشقا، 11-ئاينىڭ 5-كۈنى كەچتە، نىتانىياخۇ ھازىرقى دۆلەت مۇداپىئە مىنىستىرى گالانتنى ئىشتىن بوشىتىپ، ھازىرقى ئىسرائىلىيە دىپلوماتىيە مىنىستىرى كاتسنى كۆرسەتتى.
