སྒྲིག་གཞིའི་ནང་ནོར་འཁྲུལ་ཅི་འདྲ་བཟོས་ན་ལས་གནས་ལས་ཕུད་སྲིད།
རང་རྒྱལ《གཞུང་ཞབས་པའི་བཅའ་ཁྲིམས》ཀྱི་དོན་ཚན83པའི་གཏན་འཁེལ་ལྟར་ན། གཞུང་ཞབས་པར་གཤམ་གསལ་གྱི་གནས་ཚུལ་ལས་རིགས་གཅིག་ཡོད་ན། ལས་གནས་ལས་ཕྱིར་ཕུད་རྒྱུའི་གཏན་འཁེལ་བྱས་ཡོད་དེ།
(གཅིག) ལོ་འཁོར་མོའི་དཔྱད་ཞིབ་བྱེད་སྐབས་ལོ་གཉིས་བསྟུད་མར་ལས་སྒོ་མི་འཕར་བའི་རིགས།
(གཉིས) ད་ལྟའི་ལས་འགན་འཁུར་མི་ཐུབ་ལ་བཀོད་སྒྲིག་གཞན་དག་ཀྱང་དང་ལེན་མི་བྱེད་པའི་རིགས།
(གསུམ) གནས་སའི་ལས་ཁུངས་ལེགས་སྒྲིག་དང་མེད་པར་བཟོ་བ། ཟླ་སྒྲིལ་གཏོང་བའམ་ཡང་ན་སྒྲིག་གཞིའི་མི་གྲངས་ཉུང་དུ་གཏོང་བ་བཅས་ཀྱི་དབང་གིས་ལས་ཀ་ལེགས་སྒྲིག་བྱེད་སྐབས་ལུགས་མཐུན་གྱིས་བཀོད་སྒྲིག་བྱ་རྒྱུ་ཁས་མ་བླངས་པའི་རིགས།
(བཞི) གཞུང་ཞབས་པའི་འོས་འགན་མི་སྒྲུབ་པ་དང་གཞུང་ལས་པའི་སྒྲིག་ཁྲིམས་ལ་བརྩི་སྲུང་མི་བྱེད་པ། སློབ་གསོ་བཏང་ཡང་སྔར་བཞིན་འགྱུར་བ་མེད་པ། ལས་ཁུངས་སུ་མུ་མཐུད་དུ་ལས་ཀ་བྱེད་པར་མི་འཚམ་ལ་ཕྱིར་ཕུད་ཀྱི་ཆད་པའང་གཅོད་མི་འོས་པའི་རིགས།
(ལྔ) ལས་བྱོལ་བྱས་པའམ་གཞུང་དོན་དུ་ཕྱི་ལ་སོང་བ་དང་། གུང་གསེང་དུས་ཡུན་ལོན་ཡང་རྒྱུ་མཚན་མེད་པར་ལས་ཁུངས་སུ་མ་ལོག་པར་བསྟུད་མར་ཉིན15ལས་བརྒལ་བའམ་ཡང་ན་ལོ་གཅིག་ནང་ཉིན30ལས་བརྒལ་བའི་རིགས་བཅས་ཡིན།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
