ཀྲུང་གུང་མཚོ་ལྷོ་ཁུལ་ཨུ་ཡོན་ལྷན་ཁང་གི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཅུ་བ་འཚོགས་པ།
ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་གྲོས་ཚོགས་ལ་མགོ་འཛིན་བྱས། ལིས་ཀང་དང་ཀརྨ་ཕུན་ཚོགས་ཀྱིས་གསུང་བཤད་གནང་།
ཟླ1པོའི་ཚེས13ཉིན། ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་སྐབས་བཅུ་བཞི་པའི་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་བཅུ་བ་འཚོགས་ཤིང་། ཚང་འཛོམས་གྲོས་ཚོགས་ལས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བཟུང་བ་དང་། ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པ། ཀྲུང་དབྱང་གི་དཔལ་འབྱོར་བྱ་བའི་ཚོགས་འདུ་བཅས་ཀྱི་དགོངས་དོན་ལག་ལེན་མཐར་ཕྱིན་བྱས་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་དང་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བརྒྱད་པའི་བཀོད་སྒྲིག་ཁྱོན་ཡོངས་ནས་དོན་འཁྱོལ་ནན་མོ་བྱས་པ་དང་།2024ལོའི་བྱ་བར་སྤྱི་བསྡོམས་དང་གནས་བབ་ཀྱི་བླང་བྱ་ཁོང་དུ་ཆུད་པར་བྱས་ཏེ2025ལོའི་ལས་འགན་བཀོད་སྒྲིག་བྱས་ནས་ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་ལ་མཐུན་སྒྲིལ་སྒོས་སྣེ་ཁྲིད་དེ་ལོ་གསར་པའི་ནང་ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོའི་ལེའུ་གསར་པ་འབྲི་བར་འབད་འཐབ་མེད་ལྷོད་མེད་བྱ་དགོས་པའི་སྐུལ་སློང་བྱས།
ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གིས་ཚང་འཛོམས་གྲོས་ཚོགས་ལ་མགོ་འཛིན་བྱས།ཁུལ་ཨུའི་ཧྲུའུ་ཅི་ལིས་ཀང་གིས་ཁུལ་ཨུའི་རྒྱུན་ལས་ཨུ་ཡོན་ལྷན་ཁང་གི་ཚབ་བྱས་ནས2024ལོའི་བྱ་བའི་སྙན་ཞུ་ཕུལ་བ་དང་། 2025ལོའི་བྱ་བར་བཀོད་སྒྲིག་ཞིབ་མོ་བྱས། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀརྨ་ཕུན་ཚོགས་ཀྱིས་ཁུལ་ཨུའི་ཚབ་བྱས་ནས2024ལོའི་ཁུལ་ཡོངས་ཀྱི་དཔལ་འབྱོར་བྱ་བར་ཕྱོགས་སྡོམ་བྱས་ཤིང་། 2025ལོའི་བྱ་བར་བཀོད་སྒྲིག་ཞིབ་མོ་བྱས། ཁུལ་ཨུའི་ཧྲུའུ་ཅི་གཞོན་པ་ཝང་ཀྲུང་དབྱི། ཁུལ་ཨུའི་རྒྱུན་ཨུ་ཀྲང་ཅི་ཙུང་། ལིའུ་ཡན། ཝུན་ཧྥེང་། དགེ་འདུན་རྒྱལ། སུན་ཅུའུ་ཞཱ། ཀྲེང་ཕིན་ཞན། ཀྲང་ཏུ་ཞན། ལི་ཝའེ་བཅས་ཚོགས་འདུར་ཞུགས།
ཚང་འཛོམས་གྲོས་ཚོགས་ལས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་གི་དཔལ་འབྱོར་བྱ་བའི་ཚོགས་འདུའི་སྟེང་གནང་བའི་གསུང་བཤད་གལ་ཆེན་གྱིས་རང་རྒྱལ་གྱི་དཔལ་འབྱོར་འཁོར་བསྐྱོད་ཁྲོད་འཕྲད་པའི་དཀའ་ངལ་དང་འགྲན་སློང་ལ་དབྱེ་ཞིབ་གཏིང་ཟབ་བྱས་པ་དང་། མིག་སྔའི་དཔལ་འབྱོར་འཕེལ་རྒྱས་ཀྱི་རིགས་པའི་གཞུང་ལུགས་དང་ལག་ལེན་གྱི་གནད་དོན་གསར་པར་ཚན་རིག་དང་མཐུན་པའི་སྒོ་ནས་ལན་གསལ་བོ་བཏབ་སྟེ། དུས་རབས་གསར་པའི་དཔལ་འབྱོར་བྱ་བ་བཟང་པོར་སྒྲུབ་པའི་ཐད་མདུན་སྐྱོད་ཀྱི་ཁ་ཕྱོགས་གསལ་པོ་བསྟན་པ་དང་རྩ་བའི་བསྲུང་བྱ་འདོན་སྤྲོད་བྱས་ཡོད། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བརྒྱད་པའི་སྟེང་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པ། ཀྲུང་དབྱང་གི་དཔལ་འབྱོར་བྱ་བའི་ཚོགས་འདུ་བཅས་ཀྱི་དགོངས་དོན་སྒོ་ཀུན་ནས་ལག་ལེན་དོན་འཁྱོལ་བྱས་ཏེ་ཞིང་ཆེན་ཡོངས་སུ་ད་ལོའི་བྱ་བ་གཙོ་བོའི་ལས་འགན་བཀོད་སྒྲིག་བྱས་ནས། ལས་འགན་གཏན་འབེབས་བྱས་པ་དང་ཁ་ཕྱོགས་གསལ་སྟོན་བྱས་ཡོད། ཁུལ་ཡོངས་ཀྱི་གོང་འོག་ཚང་མས་ཏང་ཀྲུང་དབྱང་གིས་དཔལ་འབྱོར་གནས་བབ་ལ་ཚན་རིག་དང་མཐུན་པའི་སྒོ་ནས་བརྡར་ཤ་གཅོད་པར་གོ་བ་གཏིང་ཟབ་ལེན་པ་དང་འབྲེལ་བ་གལ་ཆེན་ལྔ་ལ་འཛིན་པའི་ཆོས་ཉིད་རང་བཞིན་གྱི་ངོས་ཟིན་ཇེ་ཟབ་ཏུ་གཏོང་བ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་ཁ་ཕྱོགས་སུ་བཟུང་སྟེ་མདུན་དུ་བསྐྱོད་པ། ཞིང་ཆེན་ཏང་ཨུའི་བཀོད་སྒྲིག་ཕྱོགས་ཡོངས་ནས་ལག་བསྟར་དོན་འཁྱོལ་བྱས་ཏེ་སྔར་ལས་རང་འགུལ་གྱིས་རྒྱལ་ཡོངས་དང་ཞིང་ཆེན་ཡོངས་ཀྱི་ཁྱོན་ཡོངས་ལ་འདྲེས་པ་དང་ཞབས་འདེགས་ཞུ་བ་བཅས་བྱས་ཏེ། སྔར་ལས་སྤུས་ཚད་མཐོ་བའི་འཕེལ་རྒྱས་འགྲོ་བར་ཡིད་ཆེས་དང་ཆོད་སེམས་ཀྱིས་ཁེངས་ནས་མཚོ་ལྷོའི་དོན་དངོས་དང་ཟུང་འབྲེལ་བྱས་ཏེ་སྐྱེ་ཁམས་དཔལ་ཡོན་གྱི་མཐོ་ས་དང་ཐོན་ལས་ཀྱི་གནས་བཞི་འཛུགས་སྐྲུན་བྱེད་པའི་གོམ་སྟབས་ཇེ་མགྱོགས་སུ་བཏང་ནས་བརྟན་སྲུང་གི་རྨང་གཞི་རྒྱུན་མཐུད་ངང་ཇེ་ལེགས་སུ་་གཏོང་བ་དང་། མདུན་བསྐྱོད་ལ་སྒུལ་ཤུགས་བསྩོལ་བར་ནུས་པ་འདོན་པ། འཛུགས་སྐྲུན་གྱི་སྤུས་ཚད་མཐོ་རུ་གཏོང་བ། ཐོད་བརྒལ་གྱི་གོམ་སྟབས་ཇེ་བརྟན་དུ་གཏོང་བ་བཅས་བྱས་ཏེ་མཚོ་ལྷོའི་སྤྱི་ཚོགས་དཔལ་འབྱོར་འཕེལ་རྒྱས་ཐད་ཕུལ་བྱུང་གྲུབ་འབྲས་མངོན་ཐུབ་པར་འདོད།
ཚང་འཛོམས་གྲོས་ཚོགས་ལས་ན་ནིང་གི་ཁུལ་ཨུའི་རྒྱུན་ལས་ཡོན་ལྷན་ཁང་གི་བྱ་བར་ཁས་ལེན་གང་ལེགས་བྱས་པ་དང་། འདས་པའི་ལོ་ངོ་གཅིག་གི་རིང་ལ་ཁུལ་ཨུའི་རྒྱུན་ལས་ཡོན་ལྷན་ཁང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་བྱེད་པ་རྒྱུན་འཁྱོངས་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་དང་ཏང་གི་ཚོགས་ཆེན་ཐེངས་ཉི་ཤུ་པ། སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པ། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དྲུག་པ་དང་བདུན་པ་བཅས་ཀྱི་དགོངས་དོན་སློབ་སྦྱོང་དང་ལག་ལེན་དོན་འཁྱོལ་བྱས་ཏེ། ཁུལ་ཡོངས་ཀྱི་རིགས་སོ་སོའི་ལས་བྱེད་མང་ཚོགས་ལ་མཐུན་སྒྲིལ་སྒོས་སྣེ་ཁྲིད་དང་བསམ་བློ་བཅིངས་འགྲོལ། གོ་སྐབས་དམ་འཛིན་བཅས་བྱས་ཏེ་བཀའ་དྲིན་ཚོར་ཞིང་འབད་འབུངས་ཡར་བརྩོན་དང་བློ་སྟོབས་ཆེན་པོས་མདུན་དུ་བསྐྱོད་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཐོ་སྒང་གི་ས་ཁུལ་ཆེན་པོ་འདི་དང་རིགས་སོ་སོའི་ལས་བྱེད་མང་ཚོགས་ལ་བཅངས་པའི་བརྩེ་སེམས་དང་ཐུགས་ཁུར། མངགས་བཅོལ་དེ་སྤྱི་ཁྱབ་ཧྲུའུ་ཅིར་བརྩེ་བ་བཅངས་པ་དང་ཏང་ཀྲུང་དབྱང་གི་ཆབ་སྲིད་དང་བསམ་བློ། བྱ་སྤྱོད་བཅས་ཀྱི་རང་རྟོགས་དམ་པོར་སྲུང་ནས། སྤྱི་ཁྱབ་ཧྲུའུ་ཞི་ཅིན་ཕིང་གིས་མཚོ་སྔོན་གྱི་བྱ་བའི་ཐད་གནང་བའི་གསུང་བཤད་གལ་ཆེན་གྱི་མཛུབ་སྟོན་དེ་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པའི་འཕེལ་རྒྱས་ཀྱི་བསམ་ཕྱོགས་དང་སྤྱིའི་དམིགས་འབེན་དུ་འཛིན་པ། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་བཅོས་སྒྱུར་སྔར་ལས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཐབས་ཇུས་གལ་ཆེན་དེ་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པར་སྐུལ་འདེད་གཏོང་བའི་འཕེལ་རྒྱས་ཐབས་ལམ་དང་གསོན་ཉམས་ལྡན་པའི་ལག་ལེན་དུ་བསྒྱུར་ནས། ཏང་གི་སྒྲིག་ཁྲིམས་དང་སློབ་གསོའི་གྲུབ་འབྲས་དེ་དེང་རབས་ཅན་གྱི་མཚོ་ལྷོ་གསར་པའི་ལག་ལེན་གྱི་སྒྲིག་ཁྲིམས་དང་སྤྱོད་ཚུལ་འགན་སྲུང་བྱེད་པར་བསྒྱུར་ཏེ།（པར་ངོས1པོར་མཐུད་པ།）བློ་བརྟན་འགྱུར་མེད་ཀྱིས་སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་། དེང་རབས་ཅན་དུ་འགྱུར་བའི་ཐོན་ལས་མ་ལག་གིས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ། དེང་རབས་ཅན་འཛུགས་སྐྲུན་བྱེད་པའི་སྒུལ་ནུས་གསར་པ་དང་དགེ་མཚན་གསར་པ་འདོན་སྤེལ་བཅས་བྱས་ནས། རིགས་སོ་སོའི་མང་ཚོགས་ལ་ཐོབ་སྣང་དང་བདེ་སྣང་ཚོར་དུ་བཅུག་སྟེ། སྤྱི་ཚོགས་རིང་ལུགས་ཀྱི་དམངས་གཙོའི་ཁྲིམས་སྐྱོང་འཛུགས་སྐྱོང་ལ་སྐུལ་འདེད་གཏོང་བ་དང་། བཀའ་དྲིན་ཚོར་ཞིང་འབད་འབུངས་ཡར་བརྩོན་གྱི་བསམ་པའི་སྟོབས་ཤུགས་གཅིག་ཏུ་སྒྲིལ་ནས། ཕྱོགས་ཡོངས་ནས་ཏང་ནན་སྐྱོང་བྱེད་པར་སྐུལ་འདེད་གཏོང་བ། ལོ་སྟོད་དུ་གཏན་འཁེལ་བྱས་པའི་དམིགས་ཚད་ལས་འགན་སོ་སོ་སྒོ་ཀུན་ནས་ལེགས་གྲུབ་བྱུང་ནས་ཉེ་བའི་ལོ་ལྔའི་ནང་དཔལ་འབྱོར་འཕེལ་རྒྱས་ཐད་གྲུབ་འབྲས་གཡུར་དུ་ཟ་བ་བླངས་ཏེ་དེང་རབས་ཅན་གྱི་མཚོ་ལྷོའི་འཛུགས་སྐྲུན་ཐད་གྲུབ་འབྲས་གསར་པ་བླངས་ཡོད།
ཚང་འཛོམས་གྲོས་ཚོགས་སྟེང2024ལོའི་ཁུལ་ཡོངས་ཀྱི་དཔལ་འབྱོར་བྱ་བར་ཕྱིར་ལྟ་དང་སྤྱི་བསྡོམས་བྱས་ནས་བསྟན་དོན། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཡང་དག་པའི་མགོ་ཁྲིད་བརྟན་པོའི་འོག་འཕེལ་རྒྱས་ཀྱི་བྱ་བའི་གཞི་རྩའི་དགོངས་གཞི་མཐའ་འཁྱོངས་དང་།ཕྱོགས་ཡོངས་འཕེལ་རྒྱས་ཀྱི་འདུ་ཤེས་གསར་པ་ལག་ལེན་མཐར་ཕྱིན་བྱེད་པ། དཀའ་ངལ་ལ་མི་འཛེམ་པར་འཕེལ་རྒྱས་དམ་འཛིན་དང་བྱ་བ་དོན་ཐོག་ཏུ་འཁྱོལ་བར་བྱེད་པ། སྲུང་སྐྱོང་དང་བཅོས་སྐྱོང་བྱ་རྒྱུ་འབུར་དུ་ཐོན་པར་བྱས་ཏེ། མ་དངུལ་འཇོག་པར་བརྟེན་ནས་སྐུལ་ཁྲིད་དང་བརྟན་པོ་ཡོང་བའི་རྨང་གཞི་རྒྱུན་འཁྱོངས་བྱས། སྟོབས་དང་ལྡན་པའི་འགུལ་ནུས་གཅིག་བསྡུས།གྲོང་ཁྱེར་དང་གྲོང་གསེབ་མཉམ་འདྲེས་ཡོང་བར་དོ་སྣང་། གོང་འཕེལ་ཇེ་མགྱོགས་སུ་གཏོང་བ། བཅོས་སྒྱུར་སྒོ་འབྱེད་ཟབ་སྤེལ། གསོན་ཤུགས་སྐུལ་སྤེལ་གཏོང་བ། དམངས་ཚིས་འགན་སྲུང་ལ་ཤུགས་སྣོན་དང་། ཕན་ཁེ་ཇེ་ཆེར་གཏོང་བ་བཅས་ཀྱི་སྤུས་ཚད་དང་ཕན་ནུས་ཇེ་ཆེར་གཏོང་བ། འགྲན་སློང་ལ་ཁ་གཏད་ཕོད་པའི་ཁྲོད་རང་འགུལ་ངང་བྱས་རྗེས་འཇོག་པ་དང་།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློ་མཛུབ་སྟོན་དུ་བཟུང་ནས་ཁུལ་ཡོངས་ཀྱི་དཔལ་འབྱོར་འཕེལ་རྒྱས་ཆེན་པོ་བྱུང་ཡོད།
ཚང་འཛོམས་གྲོས་ཚོགས་སྟེང་ད་ལོའི་ཁུལ་ཡོངས་ཀྱི་བྱ་བའི་སྤྱིའི་བླང་བྱ་བཏོན་ནས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་དགོངས་པ་མཛུབ་སྟོན་དུ་བཟུང་ནས། ཏང་གི་ཚོགས་ཆེན་ཐེངས་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་སྒོ་ཀུན་ནས་ལག་ལེན་དུ་བསྟར་བ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བའི་ཐད་བཏོན་པའི་བླང་བྱ་གལ་ཆེན་ཆད་ལུས་མེད་པར་དོན་འཁྱོལ་བྱེད་པ།ཀྲུང་དབྱང་གི་དཔལ་འབྱོར་བྱ་བའི་ཚོགས་འདུའི་བཀོད་སྒྲིག་ཁག་དོན་འཁྱོལ་གཏིང་ཟབ་བཅས་བྱས་ཏེ། ཞིང་ཆེན་དང་རང་སྐྱོང་ཁུལ་གྱི་ཏང་གི་འཐུས་མིའི་ཚོགས་ཆེན་ཐེངས་བཅུ་བཞི་པ་དང་།ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དྲུག་པ་དང་བདུན་པ།བརྒྱད་པ་བཅས་ཀྱི་དགོངས་དོན་དོན་འཁྱོལ་བྱས་ནས། འཕེལ་རྒྱས་ཀྱི་བྱ་བའི་སྤྱིའི་ནང་དོན་རྒྱུན་འཁྱོངས་དང་།ཕྱོགས་ཡོངས་སུ་ཡང་དག་པའི་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་དང་།འཕེལ་རྒྱས་ཀྱི་རྣམ་པ་གསར་པའི་ནང་འདྲེས་པ། སྐྱེ་ཁམས་དཔལ་ཡོན་གྱི་མཐོ་ས་བསྐྲུན་པ་དང་།ཐོན་ལས་ཀྱི་གནས་བཞི་འཛུགས་སྐྲུན་བྱེད་པ། སྤུས་ཚད་མཐོ་བའི་འཕེལ་རྒྱས་དང་ཆུ་ཚད་མཐོ་བའི་བདེ་འཇགས་གཅིག་གྱུར་གྱིས་འཆར་འགོད་དང་། སྔར་ལས་བློ་རྩ་བརྟན་པོ། རང་འགུལ་ངང་རྒྱལ་ཡོངས་ཀྱི་འཕེལ་རྒྱས་ཀྱིས་སྔར་ལས་ཁྱོན་ཡོངས་ལ་ཞབས་འདེགས་ཞུ་བ་བཅས་བྱས་ཏེ། ངེས་ཤུགས་རྒྱུན་འཁྱོངས་དང་ཡིད་ཆེས་བརྟན་པོ། སྐབས་བསྟུན་ཡར་བརྩོན། ཡང་འབད་བསྐྱར་འབད་བཅས་བྱས་ནས་ལོ་ལྔའི་འཆར་གཞི་བཅུ་བཞི་པའི་འཆར་འགོད་ཀྱི་དམིགས་འབེན་དང་ལས་འགན་སྤུས་ཚད་མཐོན་པོའི་སྒོ་ནས་ལེགས་འགྲུབ་དང་། ལོ་ལྔའི་འཆར་གཞི་བཅོ་ལྔ་པ་མངོན་འགྱུར་ཡོང་བར་མགོ་ཡག་པོ་འཛུགས་ཐུབ་པར་རྨང་གཞི་བརྟན་པོ་བཏིང་སྟེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོའི་ལེའུ་འབྲི་བར་འབད་དགོས།
ཚང་འཛོམས་གྲོས་ཚོགས་སྟེང་། རྒྱལ་ཡོངས་དང་ཞིང་ཆེན་ཡོངས་ཀྱི་གཟིགས་སྐྱོང་སྲིད་ཇུས་རིམ་བསྟར་དངོས་འབེབས། མཚོ་ལྷོའི་སྤུས་ཚད་མཐོ་བའི་འཕེལ་རྒྱས་ཀྱི་རྨང་གཞིའི་ཆ་རྐྱེན་ཇེ་ལེགས་སུ་གཏོང་བ། ཁུལ་ཡོངས་ཀྱི་མཐུན་སྒྲིལ་ལས་སྒྲུབ་ལེགས་པའི་གནས་བབ་འོག ཁུལ་ཡོངས་ཀྱིས་ངེས་པར་དུ་སྔར་ལས་ལྷག་པའི་སྒོ་ནས་བསམ་བློ་བཅིངས་འགྲོལ་དང་བཅོས་སྒྱུར་གསར་གཏོད་བྱས་ཏེ།མདུན་བསྐྱོད་ཀྱི་འགན་འཁྲིའི་འདུ་ཤེས་བརྟན་པོར་བཙུགས་ཏེ། སྤྱོད་ཚུལ་ལེགས་བསྒྱུར་དང་། བདེན་དངོས་གཙོ་བོར་འཛིན་པ།བྱ་བ་དངོས་སྒྲུབ་པར་ཆབ་སྲིད་ཀྱི་འགན་འཁྲི་འཁུར་དགོས་པ།འགན་འཁྲི་འཁུར་སེམས་ལག་བསྟར་བྱས་ནས་སྤུས་ཚད་མཐོ་བའི་འཕེལ་རྒྱས་ཁྲོད་སེམས་ཤུགས་གཅིག་སྒྲིལ་གྱིས་མདུན་དུ་བསྐྱོད་དགོས། སྐྱེ་ཁམས་དཔལ་ཡོན་གྱི་མཐོ་སར་བྱས་རྗེས་གསར་པ་འཇོག་དགོས། སྐྱེ་ཁམས་ལ་བརྟེན་ནས་ཁུལ་འཛུགས་པ་དང་སྐྱེ་ཁམས་གཙོར་འཛིན་པ།སྐྱེ་ཁམས་དཔལ་ཡོན་གྱི་སྒྲིག་སྲོལ་བཅོས་སྒྱུར་ཟབ་སྤེལ་བྱས་ཏེ། ས་ཁོངས་ཡོངས་ཀྱི་སྐྱེ་ཁམས་ཁོར་ཡུག་ཕྱོགས་བསྡུས་བཅོས་སྐྱོང་བྱེད་པར་ནུས་ཤུགས་ཡོད་རྒུས་སྐུལ་འདེད་གཏོང་བ་དང་། མཚོ་སྔོན་པོའི་རྒྱལ་ཁབ་སྤྱི་གླིང་འཛུགས་སྐྲུན་ལ་སྐུལ་འདེད་གཏོང་བ། ཐཱན་གཉིས་བྱ་བ་སྔོན་དུ་བསྐྱོད་དེ་སྐྱེ་ཁམས་དཔལ་ཡོན་གྱི་འདུ་ཤེས་མི་སེམས་སུ་འཇགས་པར་སྐུལ་འདེད་གཏོང་བ་དང་། རང་རྟོགས་སྒོས་སྐྱེ་ཁམས་བདེ་འཇགས་སྲུང་སྐྱོང་དང་གཙང་གསུམ་མགོ་ཁུངས་སྲུང་བ། ཀྲུང་ཧྭའི་ཆུ་མཛོད་སྲུང་བ་བཅས་ཀྱི་ལས་འགན་གལ་ཆེན་ཕྲག་ཏུ་འཁུར་བ། དྭངས་གཙང་ཆུ་མོ་ཤར་དུ་བཞུར་བར་ཁག་ཐེག་བྱ་དགོས། དཔལ་འབྱོར་རྒྱུན་མཐུད་ངང་ཇེ་ལེགས་སུ་འཕེལ་བར་སྐུལ་འདེད་གཏོང་བའི་ཐད་ནུས་ཤུགས་གསར་པ་བསྩོལ་བ། དཔལ་འབྱོར་སྒྲིག་སྲོལ་བཅོས་སྒྱུར་གྱི་སྐུལ་ཁྲིད་ནུས་པ་ཆེ་རུ་གཏོང་བ་དང་། གསར་པ་གཉིས་དང་གལ་ཆེན་གཉིས་ཀྱི་སྲིད་ཇུས་གོ་སྐབས་དམ་འཛིན་བྱས་ཏེ། ལས་གཞི་དོན་ཐོག་ཏུ་འཁྱོལ་བའི་སྒོ་ནས་ཕན་ནུས་ལྡན་པའི་དགོས་མཁོ་ཆེ་རུ་གཏང་གང་ཐུབ་བྱེད་པ་དང་། ཚོང་འགུག་དངུལ་འདྲེན་གྱིས་ཐོན་ལས་འཕེལ་རྒྱས་ལ་སྐུལ་འདེད་གཏོང་བ།མཁོ་སྤྲོད་གསར་གཏོད་ལ་བརྟེན་ནས་འཛད་སྤྱོད་རྒྱ་སྐྱེད་གཏོང་བར་སྐུལ་འདེད་གཏོང་བ་དང་། བཅོས་སྒྱུར་ཟབ་སྤེལ་བྱེད་པར་བརྟེན་ནས་གནད་འགག་སེལ་གང་ཐུབ་བྱེད་པ། སྒོ་འབྱེད་རྒྱ་ཆེར་གཏོང་བར་བརྟེན་ནས་མཉམ་ལས་ཀྱི་ཁྱབ་ཁོངས་རྒྱ་སྐྱེད་གཏོང་བ་དང་། ཉེན་ཁ་མེད་པར་བཏང་ནས་འཕེལ་རྒྱས་ཀྱི་ཁོར་ཡུག་ལ་སྲུང་སྐྱོང་བྱེད་པ། ཞབས་ཞུའི་སྤུས་ཚད་ཇེ་ལེགས་སུ་བཏང་ནས་འཚོང་གཉེར་གྱི་ཁོར་ཡུག་ཇེ་ལེགས་སུ་གཏོང་བ། གསོག་ཚད་ཀྱི་སྲིད་ཇུས་འཐུས་ཚང་དུ་གཏོང་བ་དང་འཕར་ཚད་ཀྱི་སྲིད་ཇུས་བཏོན་པ་བརྒྱུད། མ་དངུལ་འཇོག་པ་དང་འཛད་སྤྱོད་ཕན་ཚུན་ལ་སྐུལ་འདེད་གཏོང་བ།འཁོར་རྒྱུག་བཟང་པོ་ཆགས་པ་བཅས་བྱས་ནས་དཔལ་འབྱོར་གོང་དུ་འཕེལ་བའི་རྣམ་པ་རྒྱུན་མཐུད་ངང་སྲ་བརྟན་དུ་གཏོང་དགོས། ཐོན་ལས་ཀྱི་གནས་བཞིའི་འཛུགས་སྐྲུན་སྟེང་གོམ་སྟབས་གསར་པ་སྤོ་དགོས། རྒྱལ་ཁབ་རྒྱུན་མཐུད་འཕེལ་རྒྱས་ཀྱི་གྲོས་རིམ་གསར་གཏོད་དཔེ་སྟོན་ཁུལ་འཛུགས་སྐྲུན་བྱ་རྒྱུར་སྣེ་ཁྲིད་བྱས་ནས། ཚན་རྩལ་གསར་གཏོད་ཀྱི་ལས་སྟེགས་འཛུགས་སྐྲུན་གྱི་གོམ་སྟབས་ཇེ་མགྱོགས་སུ་གཏོང་བ་དང་། ཚན་རྩལ་སྒྲིག་སྲོལ་བཅོས་སྒྱུར་གཏིང་ཟབ་ཏུ་གཏོང་བ། ཤེས་ལྡན་མི་སྣ་གདན་འདྲེན་དང་གསོ་སྦྱོང་བྱེད་པའི་འཐབ་ཇུས་ལག་བསྟར་བྱས་ཏེ། རྒྱལ་ཁབ་ཀྱི་ནུས་ཁུངས་གཙང་མའི་ཐོན་ལས་མཐོ་ས་དང་། གློག་ཆས་མཉམ་དུ་འཕེལ་རྒྱས་སུ་གཏོང་བའི་ཐཱན་ཉུང་ཐོན་ལས་འདུ་གནས་དང་རྒྱལ་སྤྱིའི་སྐྱེ་ཁམས་ཡུལ་སྐོར་གྱི་དམིགས་ས།ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱེད་ས་བཅས་མགྱོགས་མྱུར་ངང་འཛུགས་སྐྲུན་བྱས་ནས། ལོ་རྒྱུས་ཀྱི་ཆོས་ཉིད་རང་བཞིན་དང་ངེས་ཤུགས་རྒྱུན་འཁྱོངས་བྱས་ཏེ། ཐོན་ཁུངས་ཀྱི་གྲུབ་རྐྱེན་གཙོ་བོ་ཐོན་ལས་གཙོ་བོའི་ཕྱོགས་སུ་འདུ་བར་ཁྲིད་སྟོན་དང་། མཉམ་འདྲེས་འཕེལ་རྒྱས་ཀྱི་ལམ་བུའི་ཐོག་བསྐྱོད་རྒྱུར་སྐུལ་འདེད་བཏང་ཐོག རྨ་ཆུའི་སྟོད་སྨད་ཀྱི་ཐོན་ལས་འཁོར་རྒྱུག་ཐུབ་པར་ཤུགས་འདོན་དགོས། དམངས་ཚིས་ལེགས་བཅོས་དང་འགན་སྲུང་ཐད་གྲུབ་འབྲས་གསར་བ་ལེན་དགོས། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་རྒྱུན་འཁྱོངས་དང་། མི་དམངས་ཀྱི་འཚོ་བ་ལེགས་བཅོས། དམངས་ཚིས་གཟིགས་སྐྱོང་བྱ་བ་དོན་ཐོག་ཏུ་འཁྱོལ་བར་བྱས་ཏེ་སྤུས་ཚད་ལེགས་པའི་སྒོ་ནས་ལས་ཞུགས་ལ་སྐུལ་འདེད་དང་། གྲོང་ཁྱེར་དང་གྲོང་གསེབ་མཉམ་འདྲེས་འཕེལ་རྒྱས་ཡོང་བར་སྐུལ་འདེད་བཅས་བྱ་དགོས། གྲོང་གསེབ་ཁྱོན་ཡོངས་ནས་དར་རྒྱས་ཡོང་བར་སྐུལ་འདེད་དང་། གནོད་འགོག་གནོད་སེལ་གྱི་བྱ་བར་སྐུལ་འདེད་གཏོང་བ། སྤྱི་པའི་ཞབས་ཞུ་ཆ་སྙོམས་ཅན་དང་། ཀུན་ཕན་རང་བཞིན། རྨང་གཞིའི་རང་བཞིན། མཐིལ་རྟོགས་རང་བཞིན་བཅས་ལྡན་པའི་དམངས་ཚིས་བྱ་གཞག་འཛུགས་སྐྲུན་བྱེད་ཤུགས་ཆེ་རུ་གཏོང་བ། མི་དམངས་མང་ཚོགས་ལ་བྱ་བ་བཟང་པོ་སྒྲུབ་པ་དང་བྱ་བ་དངོས་སྒྲུབ་པ། དཀའ་གནད་སེལ་བ་བཅས་བྱས་ནས། རིགས་སོ་སོའི་མི་དམངས་མང་ཚོགས་ཀྱིས་དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པའི་རེ་འདུན་བསྐང་དགོས། གཞི་རིམ་གྱི་སྤྱི་ཚོགས་བཅོས་སྐྱོང་ལ་ཤུགས་སྣོན་དང་སྤྱི་ཚོགས་བརྟན་བརླིང་། མི་རིགས་མཐུན་སྒྲིལ་ལ་སྐུལ་འདེད་གཏོང་བའི་ཐད་ཚད་གཞི་གསར་པ་གཟུག་དགོས། དུས་རབས་གསར་པའི་ཏང་གི་བོད་སྐྱོང་འཐབ་ཇུས་ཕྱོགས་ཡོངས་ནས་ལག་ལེན་དོན་འཁྱོལ་བྱས་ཏེ་མི་རིགས་མཐུན་སྒྲིལ་ཡར་ཐོན་ཡོང་བའི་ཐད་མུ་མཐུད་དུ་ཞིང་ཆེན་ཡོངས་ཀྱི་སྔོན་དུ་བསྐྱོད་དགོས་ལ། ཆོས་ལུགས་བྱ་བའི་དོ་དམ་ཐད་མུ་མཐུད་དུ་གསར་གཏོད་འཕེལ་རྒྱས་སུ་འགྲོ་དགོས། གཞི་རིམ་བཅོས་སྐྱོང་སྟེང་མཉམ་འཛུགས་དང་མཉམ་སྤྱོད་བྱས་ཏེ། སྤྱི་ཚོགས་བརྟན་བརླིང་སྲུང་སྐྱོང་བྱེད་པའི་ཐད་ནུས་པ་འདོན་ཕོད་པ་དང་། སྤྲོད་པ་གསུམ་དང་ཕན་ཡོན་གཅིག་གི་བླང་བྱ་དོན་ཐོག་ཏུ་འཁྱོལ་བར་བྱས་ནས་རིགས་སོ་སོའི་མང་ཚོགས་ཀྱིས་ཏང་གི་བཀའ་དྲིན་ཚོར་བ་དང་ཏང་གི་སྐད་ཆར་ཉན་པ། ཏང་གི་རྗེས་སུ་འབྲངས་བར་ཁྲིད་སྟོན་བྱ་དགོས་ཞེས་ནན་གྱིས་བསྟན།
ཚང་འཛོམས་གྲོས་ཚོགས་ལས་ནན་གྱིས་བསྟན་དོན། ད་ལོའི་ལས་དོན་ཡག་པོར་འཁྱོངས་རྒྱུའི་འགག་རྩ་ནི་ཏང་འཛུགས་སྐྱོང་དང་ཏང་གི་ཁྱོན་ཡོངས་ཀྱི་སྣེ་ཁྲིད་ལ་ཤུགས་སྣོན་རྒྱག་རྒྱུ་དེ་ཡིན། དུས་རབས་གསར་པའི་ཏང་འཛུགས་སྐྱོང་གི་སྤྱིའི་བླང་བྱ་སྒོ་ཀུན་ནས་དོན་འཁྱོལ་དང་རང་འགན་གཙང་སྒྲུབ་སྒོས་ཆབ་སྲིད་འཛུགས་སྐྱོང་ལ་ཁྱོན་ཡོངས་ནས་ཤུགས་སྣོན་བྱས་ནས་དམངས་གཙོའི་ཆབ་སྲིད་ཀྱི་རྨང་གཞི་སྲ་བརྟན་དུ་གཏོང་བ། བསམ་བློའི་དྲིལ་སྒྲོག་དང་སྣེ་ཁྲིད་བྱེད་ཤུགས་ཆེ་རུ་གཏོང་བ་བཅས་བྱས་ཏེ། དེང་རབས་ཅན་གྱི་མཚོ་ལྷོ་གསར་པ་འཛུགས་སྐྲུན་བྱེད་པར་སྣེ་ཁྲིད་ཀྱི་སྟོབས་ཤུགས་གཅིག་ཏུ་སྒྲིལ་དགོས།
ཚང་འཛོམས་གྲོས་ཚོགས་ལས་དཔྱིད་གསར་དུས་ཆེན་ཐོན་ལ་ཉེ་བའི་སྐབས་སུ། ཚོང་འགུག་དངུལ་འདྲེན་དང་ཁེ་ལས་ཀྱི་ལས་མགོ་བསྐྱར་འཛུགས་ཀྱི་ལས་འགན་གཙོ་བོར་གཅིག་གྱུར་གྱིས་སྐུལ་འདེད་གཏོང་བ་དང་། ལོ་ལྔའི་འཆར་གཞི་བཅོ་ལྔ་པའི་འཆར་འགོད་ནན་ཏན་གྱིས་བཟོ་དགོས།དམངས་ཚིས་འགན་སྲུང་དང་སྤྱི་ཚོགས་བརྟན་བརླིང་སྲུང་སྐྱོང་གི་བྱ་བ་ལེགས་པོར་བསྒྲུབ་དགོས། མང་ཚོགས་རང་བཞིན་གྱི་རིག་གནས་བྱ་འགུལ་ལུགས་མཐུན་གྱིས་བཀོད་སྒྲིག་བྱས་ཏེ་དཔྱིད་གསར་དུས་ཆེན་ལ་འཚམས་འདྲི་དང་རོགས་སྐྱོར། གནོད་འགོག་ཕྱུགས་སྲུང་། ཚོང་རའི་མཁོ་སྤྲོད། ཟས་རིགས་དང་སྨན་རྫས་ཀྱི་བདེ་འཇགས། ལོ་སར་ཟོག་སྐྱེལ་འགྲིམ་འགྲུལ་དང་། གླ་ཕོགས་ཆད་འགྱངས། གཞི་རིམ་གྱི་ཁུར་པོ་ཇེ་ཡང་དུ་གཏོང་བ་སོགས་ཀྱི་བྱ་བ་ལེགས་པོར་བསྒྲུབ་དགོས། ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེ་བཞིན་ལག་བསྟར་ཞིབ་སྲོལ་གྱི་དགོངས་དོན། ཞིང་ཆེན་དང་རང་སྐྱོང་ཁུལ་ཨུ་ཡོན་ལྷན་ཁང་གི་བྱེད་ཐབས་འགའ། ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ནན་སྲུང་བཅུ། ཁུལ་ཨུའི་རེ་བ་དོན་ཚན་བཅུ་བཅས་གཙིགས་སུ་བཟུང་སྟེ་བྱ་སྤྱོད་དང་ཡ་རབས་ཚུལ་མཐུན་གྱི་ལོ་སར་ཅིག་རོལ་ཐུབ་པར་བྱ་དགོས་པའི་བླང་བྱ་བཏོན།
ཚང་འཛོམས་གྲོས་ཚོགས་ལས་ཁུལ་ཡོངས་ཀྱི་གོང་འོག་ཚང་མས་བློ་མཐུན་ཞི་ཅིན་ཕིང་སྲོག་ཤིང་ཡིན་པའི་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་སྔར་ལས་དམ་ཟབ་སྒོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་བྱ་བར་གནང་བའི་མཛུབ་སྟོན་གལ་ཆེན་གྱི་བླང་བྱ་སྒོ་ཀུན་ནས་ལག་བསྟར་དོན་འཁྱོལ་དང་ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བརྒྱད་པའི་བཀོད་སྒྲིག་ཞིབ་ཕྲ་དོན་འཁྱོལ་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་གྱི་མཚོ་ལྷོའི་ལག་ལེན་ལ་སྐུལ་འདེད་གཏོང་ཆེད་ནུས་ཤུགས་ཡོད་རྒུ་འབུལ་དགོས་ཅེས་འབོད་སྐུལ་བཏང་།
ཚང་འཛོམས་གྲོས་ཚོགས་ལས་གནམ་ལྷ་ཀྲུང་གོ་གུང་ཁྲན་ཏང་མཚོ་ལྷོ་བོད་རིགས་རང་སྐྱོང་ཁུལ་གྱི་འཐུས་མི་ཚོགས་ཆེན་ཐེངས་བཅུ་བཞི་པའི་འཐུས་མིའི་ཐོབ་ཐང་ལེན་རྒྱུའི་སྐོར་གྱི་ཆོད་དོན་ལ་གྲོས་འཆམ་བྱུང་། ཁུལ་ཨུའི་ཨུ་ཡོན་གྲོས་ཚོགས་ལ་ཞུགས། ཁུལ་ཨུའི་ཨུ་ཡོན་མིན་པའི་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་དང་ཁུལ་སྲིད་གཞུང་། ཁུལ་སྲིད་གྲོས་ཀྱི་ཏང་ཙུའུ་ཡི་ཁོངས་མི། ཁུལ་ཨུའི་འབྲེལ་ཡོད་དྲུང་ཡིག་ཆེན་མོ་གཞོན་པ། ཁུལ་སྒྲིག་ཨུའི་རྒྱུན་ཨུའམ་ཞིབ་བཤེར་ཨུ་ཡོན། རྫོང་ཁག་སོ་སོའི་ཏང་སྲིད་འགན་འཁུར་བློ་མཐུན་གཙོ་བོ། ཤང་དང་གྲོང་རྡལ་སོ་སོའི་ཏང་ཨུའི་ཧྲུའུ་ཅི། ཁུལ་ཨུའི་པུའུ་ཨུ་སོ་སོ། ཁུལ་ཐད་གཏོགས་སྡེ་ཁག་དང་ལས་ཁུངས་སོ་སོ། མི་དམངས་ཚོགས་པ་དང་མང་ཚོགས་ཚོགས་པ་སོ་སོ། ཁུལ་ཨུས་མངགས་པའི་ཏང་གི་བྱ་བའི་ཨུ་ཡོན་ལྷན་ཁང་སོ་སོ། ཁུལ་དུ་སྡོད་པའི་ཞིང་ཆེན་གྱི་སྡེ་ཁག་སོ་སོ། ཁུལ་གཏོགས་ཀྱི་སློབ་གྲྭ་དང་སྨན་ཁང་། ཁུལ་དོ་དམ་ཁེ་ལས་ཀྱི་འགན་ཁུར་བློ་མཐུན་གཙོ་བོ། རང་ཁུལ་གྱི་ཏང་གི་ཚོགས་ཆེན་ཐེངས་ཉི་ཤུ་པར་ཞུགས་པའི་འཐུས་མི། ཞིང་ཆེན་གྱི་ཏང་གི་འཐུས་མིའི་ཚོགས་ཆེན་ཐེངས་བཅུ་བཞི་པའི་འཐུས་མི་ཁག་ཅིག ཁུལ་གྱི་ཏང་གི་འཐུས་མི་ཚོགས་ཆེན་ཐེངས་བཅུ་བཞི་པའི་འཐུས་མི་བཅས་གྲོས་ཚོགས་སུ་ཟུར་ཞུགས་བྱས་ཡོད།
ཡོང་ཁུངས། མཚོ་ལྷོ་ཁུལ་མཉམ་འདྲེས་སྨྱན་སྦྱོར་ལྟེ་གནས།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
