ཚོང་ཟོག་གལ་ཆེན་གྱི་རིན་གོང་སྙོམས་སྒྲིག་ལམ་སྲོལ་སྔར་ལས་འཐུས་ཚང་དུ་གཏོང་བ་དང་། དུས་ཆེན་གཉིས་ཀྱི་སྐབས་སུ་ཁྲོམ་རའི་བདེ་འཇགས་འགན་ལེན་དང་རིན་གོང་བརྟན་པོ་ཡོང་ཆེད། ཞིང་ཆེན་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གི《2025ལོའི་ལོ་གསར་དང་དཔྱིད་གསར་དུས་ཆེན་རིང་གི་དམངས་ཚིས་ཚོང་ཟོག་གལ་ཆེན་མཁོ་སྤྲོད་འགན་ལེན་དང་རིན་གོང་བརྟན་པོ་ཡོང་བའི་བྱ་བ་ལེགས་སྒྲུབ་བྱ་རྒྱུའི་སྐོར་གྱི་བརྡ་ཐོ》ཡི་འབྲེལ་ཡོད་བླང་བྱ་གཞིར་བཟུང་ནས། ཁུལ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་རྫོང་སྲིད་གཞུང་སོ་སོ་དང་ཁུལ་རིམ་པའི་འབྲེལ་ཡོད་སྡེ་ཁག་དང་མཐུན་སྦྱོར་བྱས་ཏེ།ལོ་གསར་དང་དཔྱིད་གསར་དུས་ཆེན་སྐབས་སྲིད་གཞུང་གིས་གྲབས་གསོག་བྱས་པའི་རིན་གོང་སྙོམས་སྒྲིག་བྱ་བ་ཁྱོན་ཡོངས་ནས་སྤེལ་མགོ་ཚུགས་པ་རེད།
རང་ཁུལ་གྱིས་གྲབས་གསོག་བྱས་པའི་རིན་གོང་སྙོམས་སྒྲིག་དངོས་ཟོག་མཁོ་འདོན་བྱ་བར་གཅིག་གྱུར་ལྔའི་རྣམ་པ་སྤྱད་དེ། དུས་ཡུན་དང་རིགས།རིན་གོང་ཁ་གསབ་དང་སྤུས་ཚད། ལྟ་སྐུལ་དོ་དམ་བཅས་ཁུལ་ཡོངས་ཀྱི་གཅིག་གྱུར་ཡིན་པ་དང་། ཁུལ་འཕེལ་རྒྱས་བཅོས་སྒྱུར་ཨུ་ཡོན་ལྷན་ཁང་གིས་མཛུབ་ཁྲིད་རང་བཞིན་གྱི་འཆར་གཞི་དང་། རྫོང་སོ་སོས་དོན་དངོས་དང་ཟུང་འབྲེལ་བྱས་ནས། འགན་འཁྲི་ལག་བསྟར་བྱེད་པ་དང་སྲིད་གཞུང་གིས་གྲབས་གསོག་བྱས་པའི་རིན་གོང་སྙོམས་སྒྲིག་དངོས་རྫས་ཀྱི་རིན་གོང་དེ་ཁྲོམ་རའི་རིགས་མཐུན་སྤུས་ཚད་གཅིག་མཚུངས་ཀྱི་རིན་གོང་ལས་དམའ་བར་བྱས་ཡོད་པ་སྟེ།ནོར་ལུག་ཤ་རྒྱ་མ་རེར་ཁྲོམ་རའི་རིན་གོང་ལས་སྒོར3གྱིས་དམའ་བ་དང་། ཕག་ཤ་རྒྱ་མ་རེར་ཁྲོམ་རའི་རིན་གོང་ལས་སྒོར2ཀྱིས་དམའ་ལ། གྲོ་ཕྱེ་རྒྱ་མ་རེར་ཁྲོམ་རའི་རིན་གོང་ལས་སྒོར0.2ཀྱིས་དམའ་བ་དང་། བཟའ་སྣུམ་ཧྲེང་རེར་ཁྲོམ་རའི་རིན་གོང་ལས་སྒོར1གིས་དམའ་བ་བཅས་ཀྱི་ཚད་ངེས་དང་རིན་གོང་།དུས་བཀག་བཅས་གཏན་འཁེལ་བྱས་ནས།སྲིད་གཞུང་གིས་གྲབས་གསོག་བྱས་པའི་རིན་གོང་སྙོམས་སྒྲིགདངོས་རྫས་ལུགས་མཐུན་ངང་ཕྱིར་འཚོང་བྱས།2025ལོར་ཁུལ་ཡོངས་ཀྱིས་སྲིད་གཞུང་གིས་གྲབས་གསོག་བྱས་པའི་རིན་གོང་སྙོམས་སྒྲིག་དངོས་ཟོག་ཁ་གསབ་མ་དངུལ་སྒོར་ཁྲི390ལྷག་གཅིག་གྱུར་འཆར་འགོད་བྱས་པ་དང་རིན་གོང་སྙོམས་སྒྲིག་བྱས་པའི་ཤ་ཏུན620（དེའི་ནང་ནོར་ལུག་ཤ་ཏུན520དང་ཕག་ཤ་ཏུན100）དང་། གྲོ་ཕྱེ་ཏུན800། བཟའ་སྣུམ་ཧྲེང་ཁྲི10བཅས་གྲ་སྒྲིག་བྱས་ཡོད་པ་རེད།
ལོ་གསར་སྐབས་སུ་རྫོང་སོ་སོས་ནོར་ལུག་ཤ་ཏུན35.18དང་། ཕག་ཤ་ཏུན23.69། གྲོ་ཕྱེ་ཏུན་360།བཟའ་སྣུམ་ཧྲེང་ཁྲི4.6བཅས་གྲ་སྒྲིག་བྱས་ཡོད་པ་རེད།མིག་སྔར་རྫོང་སོ་སོས་གྲབས་གསོག་བྱས་པའི་རིན་གོང་སྙོམས་སྒྲིག་བྱས་ཡོད་པའི་དངོས་ཟོག་གཅིག་རྗེས་གཉིས་མཐུད་ངང་ཁྲོམ་རར་བཏོན་པ་དང་།གྲོང་ཁྱེར་དང་གྲོང་གསེབ་ཀྱི་ཁྲོམ་རའི་དངོས་ཟོག་གི་རིན་གོང་ཉིན་རེ་བཞིན་ཇེ་བརྟན་དུ་འགྲོ་བཞིན་ཡོད།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
