གྲོས་ཚོགས་ལས་བསྟན་དོན། 2024ལོར་རྫོང་ཨུའི་སྟོབས་ལྡན་གྱི་མགོ་ཁྲིད་འོག་དང་ཁུལ་ཨུའི་རྩ་འཛུགས་པུའུ་ཡི་མཛུབ་ཁྲིད་ཞིབ་ཚགས་འོག རྫོང་ཡོངས་ཀྱི་གོང་འོག་གིས་གཞི་རིམ་ཏང་འཛུགས་སྐྱོང་གི་གཅིག་དྲུག་ལས་དོན་གྱི་བླང་བྱར་དམ་པོར་དམིགས་ནས།གནས་ཐོག་དཔེ་སྟོན་དང་ཁྱོན་ཡོངས་ནས་མཐོར་འདེགས་གཏོང་བ་དམིགས་འབེན་དུ་བྱས་ཏེ།ཏང་འཛུགས་སྐྱོང་གི་སྣེ་ཁྲིད་དེ་སྲོག་ཤིང་དུ་འཛིན་རྒྱུ་མཐའ་འཁྱོངས་བྱས་ཏེ།གཞི་རིམ་གྱི་ཁྱབ་ཁོངས་ཁག་གི་ཏང་འཛུགས་སྐྱོང་སྤུས་རྟགས་དཔེ་སྟོན་ལས་དོན་མུ་མཐུད་གཏིང་ཟབ་ཏུ་བཏང་སྟེ།ཐོབ་ཐུབ་པ་དང་།གྲགས་ཆེ་བ།ཁྱབ་གདལ་གཏོང་ཐུབ་པ་བཅས་ཀྱི་སྤུས་ཚད་མཐོ་བའི་ཏང་འཛུགས་སྐྱོང་སྤུས་རྟགས་ཁག་གཅིག་སྐྱེད་སྲིང་བྱས་ཏེ།གཞི་རིམ་ཏང་འཛུགས་སྐྱོང་ལས་དོན་སྐས་རིམ་གསར་པ་ཞིག་ཏུ་སླེབས་པ་དང་གྲུབ་འབྲས་གསར་པ་ཐོབ་པར་སྐུལ་འདེད་གཏོང་དགོས།འོན་ཀྱང་དུས་རབས་གསར་པའི་ཏང་འཛུགས་སྐྱོང་གི་སྤྱིའི་བླང་བྱ་དང་ཏང་གི་རྩ་འཛུགས་ལམ་ཕྱོགས་དང་བསྡུར་ན།ཏང་རྩ་འཛུགས་ཁག་གཅིག་གི་རྩ་འཛུགས་ནུས་པ་དང་སྣེ་ཁྲིད་ནུས་པར་མི་འདང་བའི་གནད་དོན་སྔར་བཞིན་གནས་ཡོད་པས་སྔར་ལས་འབད་བརྩོན་ཆེན་པོས་ཐག་གཅོད་བྱ་དགོས་པ་བསྟན།
གྲོས་ཚོགས་ལས་ནན་གྱིས་བསྟན་དོན། གཅིག་ནི་གསར་གཏོད་ཀྱི་དམིགས་འབེན་ཁ་གསལ་བཟོས་ནས་ཁྱད་ཆོས་ལྡན་པའི་ལེགས་པའི་ཆ་གནད་དུ་ཐོན་དགོས།གཉིས་ནས་སྤུས་རྟགས་གསར་གཏོད་ལ་ཤུགས་སྣོན་བརྒྱབ་ནས་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་དགོས། གསུམ་ནི་ཏང་འཛུགས་སྐྱོང་གི་གྲུབ་འབྲས་སྲ་བརྟན་དུ་བཏང་ནས་སྤུས་རྟགས་ཀྱི་ཕན་ནུས་ཆེ་རུ་གཏོང་དགོས།བཞི་ནི་གནད་དོན་གྱི་ཕྱོགས་སྟོན་མཐའ་འཁྱོངས་བྱས་ནས་ལས་ཀའི་ཕན་འབྲས་ཆེ་རུ་གཏོང་དགོས།
རྩོམ་སྒྲིག་པ། སྐར་མ་རྡོ་རྗེ།
རྩོམ་སྒྲིག་འགན་འཁུར་བ། ཚེ་རིང་སྐྱིད།
ལྟ་སྐུལ་བ། བཀྲ་ཤིས་ཚེ་རིང་། རིག་འཛིན་རྡོ་རྗེ།
