གསར་འགོད་པས་མཚོ་སྔོན་ཞིང་ཆེན་འགྲིམ་འགྲུལ་མ་རྐང་སྟངས་འཛིན་སྡེ་ཚོགས་ཚད་ཡོད་སྤྱི་གཉེར་ཁང་ནས་རྒྱུས་ལོན་བྱུང་བ་ལྟར་ན། གུང་གསེང་རིང་ཞིང་ཆེན་ཡོངས་ཀྱི་ཁྲལ་བསྡུ་ས་ཚིགས་སོ་སོས་འགན་ལེན་གྱི་ཞིབ་ཕྲའི་གནས་ཚུལ་བཀོད་སྒྲིག་ཞིབ་ཚགས་བྱས་པ་དང་། རླངས་འཁོར་འཁོར་རྒྱུག་གི་དུས་བབ་ཚན་རིག་དང་མཐུན་པའི་སྒོ་ནས་ཞིབ་འཇུག་བརྡར་གཅོད་བྱས་ཏེ་ལས་རེས་དང་ལས་སྒྲུབ་སྟོབས་ཤུགས་ཆེ་རུ་གཏོང་བ། བློ་གྲོས་ཅན་གྱི་ལས་སྟེགས་སྤྱད་དེ་ལམ་གྱི་གནས་ཚུལ་ལ་ལྟ་ཞིབ་ཚད་ལེན་ནན་མོ་བྱས་ནས་ལམ་གྱི་གནས་ཚུལ་གྱི་ཆ་འཕྲིན་དུས་ཐོག་ཏུ་ཁྱབ་བསྒྲགས་བྱས་ཏེ་སྤྱི་དམངས་ཕྱིར་སྐྱོད་པར་ཁྲིད་སྟོན་བྱས་ཡོད། གཞུང་ལམ་དྲ་བའི་གཉེར་སྐྱོང་གི་གནད་དོན་སྣ་ཚོགས་མགྱོགས་མྱུར་སྒོས་ཐག་གཅོད་བྱས་པ་དང་། ཁ་ལོ་བ་དང་འགྲུལ་པའི་སེམས་ཁྲལ་དང་དཀའ་ངལ་ཧུར་ཐག་སྒོས་སེལ་བ་བཅས་བྱས་ཏེ་ཚད་གཞི་མཐོ་ཤོས་ཀྱི་སྒོ་ནས་རླངས་འཁོར་མགྱོགས་མྱུར་དང་གོ་རིམ་ལྡན་པའི་ངང་ཤར་བགྲོད་ཐུབ་པའི་འགན་ལེན་གང་ལེགས་བྱས།
མྱུར་བགྲོད་གཞུང་ལམ་བདག་སྐྱོང་སྡེ་ཁག་དང་འཕྲུལ་གློག་སྐྱེལ་འདྲེན་འགན་སྲུང་རུ་ཆེན་སོ་སོ། བཟོ་ཁུལ་ཁག་གིས"འཚང་གཡོལ་དུས་གཡོལ"གྱི་བདག་སྐྱོང་བྱ་བ་དོན་འཁྱོལ་བྱས་ཏེ་བདེ་འཇགས་ཀྱི་མངོན་མེད་རྐྱེན་ངན་ཁྱོན་ཡོངས་ནས་གྲལ་བཤེར་དང་སྐོར་ཞིབ་ཐེངས་མང་བྱེད་ཤུགས་ཆེ་རུ་བཏང་ནས། གཟར་ངོས་རྡོ་ཟགས་དང་འགྲིམ་འགྲུལ་དོན་རྐྱེན་སོགས་ཐོལ་བྱུང་གནས་ཚུལ་ཐག་གཅོད་ནུས་ལྡན་བྱས།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། གུ་རུ་སྐྱབས།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།
来源/青海日报
责编/格日加布
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
