![]()
ཉེ་ཆར། རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་གྱིས་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས། དུས་ཚིགས་ཀྱི་འགྱུར་བ་དང་བདེ་ཐང་གི་འབྲེལ་ཡོད་གནས་ཚུལ་ངོ་སྤྲོད་བྱས་པ་རེད།![]()
པེ་ཅིང་སྨན་ཁང་གི་སྨན་པ་འབུམ་རམས་པ་ལི་ཡན་མིང་གིས་ཆམ་རིམས་ནི་རྒྱུན་མཐོང་གི་དབུགས་ལམ་གྱི་འགོ་ནད་རང་བཞིན་གྱི་རིམས་ནད་ཅིག་ཡིན་པས། མི་ཚོགས་ཚང་མར་ཡོངས་ཁྱབ་ངང་ནད་དེ་འགོ་སླ་པོ་ཡོད། དེ་ན་མི་ཚོགས་གང་དག་ལ་ཧ་ཅང་འགོ་སླ་བ་རེད་དམ་ཞེ་ན། གཙོ་བོ་ནད་དུག་དང་འབྲེལ་འདྲིས་བྱེད་པའི་གོ་སྐབས་ཅུང་མང་བའི་མི་སྟེ། དཔེར་ན། སྨན་དོན་མི་སྣ་ལྟ་བུ། དེ་མིན་དུས་ཡུན་རིང་པོར་མཁའ་རླུང་རྒྱུ་མི་ཐུབ་པའི་ཁོར་ཡུག་ཏུ་འདུས་པའི་མི་ཚོགས་ཏེ། དཔེར་ན། བྱིས་སྙོར་ཁང་དང་། སློབ་གྲྭ། བཟོ་གྲྭ་སོགས་ལྟ་བུ། མི་ཚོགས་ཁ་ཤས་ནི་ཆམ་རིམས་ལྕི་བའི་ཉེན་ཁ་ཆེ་བའི་མི་ཚོགས་ཡིན་པས། ཆམ་རིམས་འགོས་ན་ནད་གཞི་ལྕི་རིགས་དང་འདུས་ནད་འབྱུང་སླ། མི་ཚོགས་དེ་དག་གི་གྲས་སུ་ལོ65ཡན་ཆད་ཀྱི་བགྲེས་སོང་དང་། ལོ5མན་ཆད་ཀྱི་བྱིས་པ། སྦྲུམ་མ། རྨང་གཞིའི་ནད་ཡོད་པ། ནད་འགོག་ནུས་ཤུགས་ཞན་པ། ཤ་རྒྱགས་པའི་མི་ཚོགས་སོགས་འདུས་ཡོད་ཅེས་ངོ་སྤྲོད་གནང་བ་རེད།ཉེན་ཁ་ཆེ་བའི་མི་ཚོགས་འདི་དག་ལ་མཚོན་ན། ཐོག་མར་རིམས་འགོག་སྨན་ཁབ་རྒྱག་དགོས། དེ་ནི་མིག་སྔར་ཆམ་རིམས་སྔོན་འགོག་བྱེད་པའི་ཆེས་ཕན་ནུས་ལྡན་པའི་བྱེད་ཐབས་ཤིག་ཡིན། ཉེན་ཁ་ཆེ་བའི་མི་ཚོགས་ཕུད་ཕྲུ་གུ་དམར་འབྱར་དང་རྒན་རྒོན་ལ་ལྟ་རྟོག་བྱེད་མཁན་ཁྱིམ་ཚང་གི་ལྟ་སྐྱོང་བ་སྔོན་ལ་སྨན་ཁབ་རྒྱག་དགོས་པའི་མི་ཚོགས་ཀྱི་གྲས་སུ་འཇོག་དགོས། སྤྱིར་འགོག་སྨན་བརྒྱབ་རྗེས་ཉུང་མཐར་ཡང་གཟའ་འཁོར་གཉིས་ཀྱི་དུས་ཚོད་རིང་འགོག་གཟུགས་ངེས་ཅན་ཞིག་གྲུབ་ནས་སྲུང་སྐྱོང་གི་ནུས་པ་ཐོབ་ཐུབ་པས། དེའི་ཕྱིར་ལོ་རེར་ཟླ10པའི་ཟླ་མཇུག་གོང་རིམས་འགོག་སྨན་ཁབ་བརྒྱབ་ཚར་དགོས།རིམས་འགོག་སྨན་ཁབ་རྒྱག་པ་དང་འགོག་སྲུང་གི་བྱེད་ཐབས་ལ་དོ་སྣང་བྱེད་དགོས་པ་ལས་གཞན། རྒན་རྒོན་དང་གཅོང་ནད་ཕོག་མཁན་གྱིས་རྨང་གཞིའི་ནད་དེ་ཚོད་འཛིན་ཡག་པོ་བྱེད་དགོས། གཞན་ཡང་ཁྱིམ་དུ་ཕྲུ་གུ་དམར་འབྱར་དང་རྒན་རྒོན་ཡོད་པའི་ཁྱིམ་ཚང་གི་ཁོངས་མི་ཚོས་ཀྱང་འགོག་སྲུང་ལ་དོ་སྣང་བྱས་ཏེ་ཕྲུ་གུ་དང་རྒན་རྒོན་ལ་ཆམ་ནད་མི་ཕོག་པ་བྱ་དགོས།ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།![]()
责编/项吉当知
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
