ཞོགས་པའི་ཇ་ཡུན་གསར་འགྱུར།

གསར་འགྱུར་གལ་ཆེན།

➤ཞི་ཅིན་ཕིང་གིས་ཀན་སུའུ་རུ་རྟོག་ཞིབ་གནང་སྐབས་བཅོས་སྒྱུར་གཏིང་ཟབ་ཏུ་གཏོང་བ་དང་། གསར་གཏོད་བྱེད་ཕོད་པ། དཀའ་སྒྲུབ་དངོས་སྒྲུབ། དམངས་ཕྱུག་ལུང་དར་བཅས་བྱས་ནས་ནུས་ཤུགས་ཡོད་རྒུས་ཀྲུང་གོའི་དེང་རབས་ཅན་གྱི་ཀན་སུའུ་ཡི་ལེའུ་ཞིག་རྩོམ་དགོས་ཞེས་ནན་བཤད་གནང་བ་རེད།     ལམ་བར་དུ་ཧྲན་ཞི་པའོ་ཅི་རུ་རྟོག་ཞིབ་གནང་།     

➤ཟླ9པའི་ཚེས13ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཀྲུའུ་ཞིའི་བཀའ་རྒྱར་མཚན་རྟགས་བཀོད་པ་དང་ཚེས13ཉིན་གྱི་སྔ་དྲོར། རྒྱལ་ཡོངས་མི་དམངས་འཐུས་ཚོགས་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་བཅུ་གཅིག་པའི་ཐོག་བརྡས་ཐག་བཅད་ནས་གྲོས་འཆམ་བྱུང་བའི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་དོན་ལྔ་འཁོར་བའི་སྐབས་སུ། རྒྱལ་ཁབ་ཀྱི་བྱས་རྗེས་གཟེངས་རྟགས་དང་རྒྱལ་ཁབ་ཀྱི་གཟི་བརྗིད་མཚན་སྙན་སྤྲོད་རྒྱུའི་སྐོར་གྱི་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་གཏན་འབེབས་གཞིར་བཟུང་ནས་མི15ལ་རྒྱལ་ཁབ་ཀྱི་བྱས་རྗེས་གཟེངས་རྟགས་དང་རྒྱལ་ཁབ་ཀྱི་གཟི་བརྗིད་མཚན་སྙན་གནང་བ་རེད།  

➤ཟླ9པའི་ཚེས13ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པེ་ཅིང་ཤང་ཧྲན་གླེང་སྟེགས་སྐབས་བཅུ་གཅིག་པར་རྟེན་འབྲེལ་འཕྲིན་ཡིག་སྤྲིངས།     

➤ཟླ9པའི་ཚེས13ཉིན། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཚོགས་འདུའི་ཐོག་ཁྲིམས་གཏན་འཁེལ་པའི་ལས་འཁྱུར་ངལ་གསོའི་ལོ་ཚད་རིམ་བཞིན་ནར་འགྱངས་བྱ་རྒྱུའི་སྐོར་གྱི་གཏན་འབེབས་ལ་བརྡས་ཐག་བཅད་ནས་གྲོས་འཆམ་བྱུང་ཞིང་། 2025ལོའི་ཟླ1པོའི་ཚེས1ཉིན་ནས་བཟུང་རང་རྒྱལ་གྱིས་སྐྱེས་པ་ལས་བཟོ་བའི་ཁྲིམས་གཏན་འཁེལ་བའི་ལས་འཁྱུར་ངལ་གསོའི་ལོ་ཚད་དེ་སྔའི་ལོ60ནས་ལོ63བར་ནར་འགྱངས་བྱ་རྒྱུ་དང་། བུད་མེད་ལས་བཟོའི་ཁྲིམས་གཏན་འཁེལ་བའི་ལས་འཁྱུར་ངལ་གསོའི་ལོ་ཚད་དེ་སྔའི་ལོ50དང་ལོ55ནས་ནར་འགྱངས་བྱེད་པ། སོ་སོ་ལོ55དང་ལོ58བར་ནར་འགྱངས་བྱ་རྒྱུ་ཡིན་པ་རེད།     

➤ཀྲུང་དབྱང་དངུལ་ཁང་གི་གྲངས་གཞི་ལས་མངོན་པ་ལྟར་ན།    ཟླ1པོ་ནས8པའི་བར་རང་རྒྱལ་གྱི་མི་དམངས་ཤོག་སྒོར་གྱི་དངུལ་བུན་སྒོར་དུང་ཕྱུར་ཁྲི14.43མང་དུ་བཏང་བའི་ནང་། ཁེ་ལས（ལས་རིགས）ཚན་པའི་དངུལ་བུན་སྒོར་དུང་ཕྱུར་ཁྲི11.97མང་དུ་བཏང་ཡོད་པ་རེད།     

➤རྒྱལ་ཁབ་ཀྲུང་ལུགས་གསོ་རིག་སྨན་རྫས་དོ་དམ་ཅུ་སོགས་སྡེ་ཚན་ལྔས་མཉམ་འབྲེལ་ཐོག་ཡིག་ཆ་བཀྲམས་ནས2030ལོར་སླེབས་སྐབས། མི་འབོར་ཉུང་བའི་རྫོང་ཕུད། ཀྲུང་ལུགས་གསོ་བཅོས་དེ་རྫོང་གཉེར་སྨན་ཁང་ཡོངས་ལ་ཁྱབ་པ་བྱ་རྒྱུ་རེད།     

➤སྙན་ཞུའི་ནང་མངོན་པ་ལྟར་ན། 2023ལོར་རང་རྒྱལ་གྱི་ཞབས་ཞུ་ཕྱིར་གཏོང་ནང་འདྲེན་གྱི་དངུལ་འབོར་ཨ་སྒོར་དུང་ཕྱུར9331.2སླེབས་པ་དང་། དུས་མཚུངས་ལས4.9%འཕར་ཡོད་པ་རེད།    

➤ཚེས13ཉིན། ཀྲུང་གོ་མཚོ་ཐོག་ཉེན་རྟོག་ཅུའི་མེ་ཧྲན་དམག་གྲུ་དང་ཤིའུ་ཧྲན་དམག་གྲུ་ལས་གྲུབ་པའི་དཔུང་རུ་དངོས་སུ་ཨུ་རུ་སུ་བསྐྱོད་ནས་ཀྲུང་ཨུའི་མཚོ་ཐོག་ཉེན་རྟོག་པའི2024ལོའི་མཉམ་འབྲེལ་ནང་སྦྱོང་དང་མཉམ་འབྲེལ་སྐོར་ཞིབ་ཀྱི་ལས་འགན་སྒྲུབ་པར་བསྐྱོད་པ་རེད།     

སྤྱི་ཚོགས། 

➤ད་ལོའི་མཚོ་རླུང་དྲག་པོ་ཨང13པ“པེ་པི་ཅ”དེ་སྔོན་དཔག་བྱས་ན་ཚེས16ཉིན་གྱི་ཐོ་རེངས་ནས་སྔ་དྲོའི་བར་ཅང་སུའུ་ལྷོ་རྒྱུད་ནས་ཀྲེ་ཅང་གི་དབུས་རྒྱུད་རྒྱུད་ཀྱི་མཚོ་རྒྱུད་དུ་ཐོན་རྒྱུ་ཡིན་པ་དང་།    སྐམ་སར་ཐོན་སྐབས་མཚོ་རླུང་དང་ཡང་ན་མཚོ་རླུང་དྲག་པོ་ཡིན་པ་དང་། སྐམ་སར་ཐོན་རྗེས་ཤུགས་ཚད་རིམ་བཞིན་ཆུང་དུ་འགྲོ་རྒྱུ་ཡིན་པ་རེད།     

➤དུས་ཡུན་ཉིན5ཡིན་པའི་ལྕགས་ལམ་གྱི་ཟླ་མཆོད་དུས་ཆེན་གྱི་གུང་གསེང་རིང་གི་སྐྱེལ་འདྲེན་ལས་དོན་དེ་དེ་རིང་ནས་མགོ་བརྩམས་པ་ཡིན། ཚེས14ནས་ཚེས18ཉིན་བར། རྒྱལ་ཡོངས་ཀྱི་ལྕགས་ལམ་གྱིས་སྔོན་དཔག་བྱས་ན་འགྲུལ་པ་མི་ཐེངས་ཁྲི7400སྐྱེལ་འདྲེན་བྱ་རྒྱུ་དང་ཉིན་རེར་ཆ་སྙོམས་འགྲུལ་པ་མི་ཐེངས་ཁྲི1480སྐྱེལ་འདྲེན་བྱ་རྒྱུ་ཡིན་པ་རེད།     

➤རྒྱལ་ཁབ་གནས་སྤོས་ཡུལ་མི་དོ་དམ་ཅུས་སྔོན་དཔག་བྱས་པར་གཞིགས་ན།    ཟླ་མཆོད་དུས་ཆེན་རིང་། རྒྱལ་ཡོངས་ཀྱི་འགག་སྒོར་རྒྱལ་མཚམས་ནས་འགྲོ་འོང་བྱེད་མཁན་མང་བའི་དུས་འཆར་རྒྱུ་ཡིན་པ་དང་། ཉིན་རེར་ཆ་སྙོམས་རྒྱལ་མཚམས་ནས་འགྲོ་འོང་བྱེད་མཁན་གནས་སྐོར་བ་མི་ཐེངས་ཁྲི180སླེབས་རྒྱུ་རེད།     

➤རྒྱལ་ཁབ་སྨན་རྫས་ལྟ་སྐུལ་དོ་དམ་ཅུས་གནས་ཚུལ་སྤེལ་བར་གཞིགས་ན།    ཟླ1པོ་ནས8པའི་བར་རྒྱལ་ཁབ་སྨན་རྫས་འཐེན་བཤེར་གྱི་ཚད་གཞི་ལོན་ཚད99.43%ཡིན་པ་དང་། སྨན་རྫས་བདེ་འཇགས་ཀྱི་དུས་བབ་སྤྱིར་ན་བརྟན་པོ་ཡོད་པ་རེད།     

➤ནོར་སྲིད་པུའུ་དང་ཀྲུང་གོའི་མ་རྐང་ལྟ་སྐུལ་ཨུ་ལྷན་གྱིས་ཕུའུ་ཧྭ་ཡུང་ཏའོ（普华永道）ལ་སྲིད་འཛིན་རྩེར་སོན་གྱི་དངུལ་ཆད་བཅད།     

➤ཉེ་ཆར། འབར་མའི་བྱང་རྒྱུད་དུ་གློག་འཕྲིན་དང་དྲ་རྒྱའི་ཁ་བསླུས་ཉེས་གསོག་ལག་བསྟར་བྱེད་མཁན་ཉེས་གསོག་དོགས་ཅན111རང་རྒྱལ་ཕྱོགས་ལ་རྩིས་སྤྲད་པ་རེད།     

➤མིག་སྔར།    རང་རྒྱལ་གྱི“5G+བཟོ་ལས་དྲ་སྦྲེལ”གྱི་རྣམ་གྲངས་གྲངས་འབོར་ཁྲི1.4ལས་བརྒལ་ཡོད་པ་དང་།    བཟོ་ལས་དྲ་སྦྲེལ་དེ་རྒྱལ་དམངས་དཔལ་འབྱོར་གྱི་རིགས་ཆེ་བ49ལ་ཕྱོགས་ཡོངས་ནས་འདྲེས་ཡོད་པས།    བཟོ་ལས་ཀྱི་རིགས་ཆེ་བ་ཡོངས་སུ་ཁེབས་ཡོད་པ་རེད། 

➤ཚེས13ཉིན། རང་རྒྱལ་གྱི་ས་བབ་མཐོ་ཤོས་ཀྱི་མི་ཐབས་ལ་བརྟེན་ནས་གནམ་གཤིས་ལ་ལྟ་ཞིབ་ཚད་ལེན་བྱེད་པའི་སྟེགས་བུ་སྤྱོད་མགོ་བརྩམས་པ་རེད།

སྲིད་ཇུས།

➤རྒྱལ་ཁབ་སྨན་བཅོས་འགན་བཅོལ་ཅུའི་གཞུང་དོན་ཁང་དང་ནོར་སྲིད་པུའི་གཞུང་དོན་ཐིང་གིས་ཡིག་ཆ་བཀྲམས་ནས2024ལོའི་ལོ་མཇུག་གོང་། སྤྱི་འདོམས་ས་ཁུལ་ཚང་མ་སྨན་བཅོས་བྱ་ཡུལ་གྱི་ངོས་ནས་དལ་བའི་རང་བཞིན་གྱི་གློ་ནད་དང་གྲུམ་བུའི་ཚིགས་ནད་སོགས་སྒོ་བསྟེན་སྨན་བཅོས་ཀྱི་གཅོང་ནད་དང་དམིགས་བསལ་ནད་གཞིའི་འབྲེལ་ཡོད་སྨན་བཅོས་འགྲོ་གྲོན་ཞིང་ཆེན་བརྒལ་ནས་ཐད་ཀར་རྩིས་རྒྱག་པའི་ཞབས་ཞུ་མཁོ་འདོན་བྱ་རྒྱུ་རེད།     

➤ཀན་སུའུ་ཡིས་ཡིག་ཆ་བཀྲམས་ནས་རྒན་རྒོན་སློབ་ཆེན་བསྐྲུན་རྒྱུར་རྒྱབ་སྐྱོར་བྱས་ཏེ། 2025ལོའི་ལོ་མཇུག་གོང་། རྫོང（གྲོང་ཁྱེར་དང་ཆུས）ཚང་མར་ཉུང་མཐར་ཡང་རྒན་རྒོན་སློབ་ཆེན་རེ་བསྐྲུན་དགོས་ཞེས་བཏོན་ཡོད་པ་རེད།     

➤ཡུན་ནན་གྱིས་ལས་བཟོ་བའི་སྨན་བཅོས་འགན་བཅོལ་ནང་ཞུགས་མཁན་གྱིས་སྒོ་བསྟེན་སྨན་ཁང་དཀྱུས་མར་སྨན་བཅོས་བྱས་ནས་རྩིས་རྒྱག་པའི་ཚད་གཞི་དམའ་རུ་བཏང་བ་སྟེ།    རིམ་པ་དང་པོ་དང་གཉིས་པ།    གསུམ་པ་བཅས་ཀྱི་གནས་གཏན་འཁེལ་གྱི་སྨན་བཅོས་སྒྲིག་གཞིའི་གཏོང་སྤྲོད་ཀྱི་ཚད་གཞི་སོ་སོར་སྒོར20དང་།   སྒོར40དང་། སྒོར60བཅས་བར་དམའ་རུ་བཏང་ཡོད།     

དེ་རིང་གི་གནམ་གཤིས།

➤ནང་སོག་གི་ལྷོ་ནུབ་རྒྱུད་དང་ཧེ་ལུང་ཅང་གི་ཤར་ལྷོའི་རྒྱུད། བོད་ལྗོངས་ཀྱི་ལྷོ་རྒྱུད་དང་ནུབ་བྱང་རྒྱུད། མཚོ་སྔོན་གྱི་བྱང་རྒྱུད།  ཧྲན་ཏུང་གི་བྱང་རྒྱུད། ཅང་སུའུ་ཡི་བྱང་རྒྱུད། ཀྲེ་ཅང་གི་ཤར་རྒྱུད། སི་ཁྲོན་གཤོང་སའི་ནུབ་རྒྱུད། ཡུན་ནན་གྱི་བྱང་ཤར་རྒྱུད་དང་ལྷོ་ནུབ་རྒྱུད། ཅང་ཞིའི་དབུས་ལྷོ་རྒྱུད། ཀོང་ཞིའི་ཤར་ལྷོའི་རྒྱུད། ཀོང་ཏུང་གི་དབུས་ནུབ་རྒྱུད། ཐའེ་ཝན་གླིང་ཕྲན་མང་ཆེ་བ་སོགས་ས་ཁུལ་ཁ་ཤས་སུ་ཆར་འབྲིང་ཙམ་ནས་ཆར་ཆེན་འབབ་རྒྱུ་རེད། དེའི་ནང་། ཀྲེ་ཅང་གི་ཤར་ལྷོ་རྒྱུད་དང་སི་ཁྲོན་གཤོང་སའི་ནུབ་རྒྱུད། ཀོང་ཏུང་གི་ལྷོ་ནུབ་རྒྱུད། ཐའེ་ཝན་གླིང་ཕྲན་གྱི་ལྷོ་རྒྱུད་སོགས་ས་ཁུལ་ཁ་ཤས་སུ་དྲག་ཆར་དང་དྲག་ཆར་ཆེན་པོ་འབབ་རྒྱུ་རེད།

ཡོང་ཁུངས། མཚོ་བྱང་ཁུལ་མི་དམངས་སྲིད་གཞུང་དྲ་བ།

རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།

ལྟ་སྐུལ་བ། གཡང་འབུམ་ཚེ་རིང་།  སྤྱི་ཁྱབ་ལྟ་སྐུལ་བ། ལིག་ཙུན་ཁོས།

责编/项吉当知

监制/杨本才让  总监制/刘增奎

投稿邮箱/3068276991@qq.com