ཟླ10པའི་ཚེས15ཉིན་གྱི་སྔ་དྲོར། དུས་རབས་གསར་པའི་རེབ་གོང་ཐང་ག་སྒྱུ་རྩལ་སྤུས་ཚད་མཐོ་བའི་འཕེལ་རྒྱས་ཀྱི་བགྲོ་གླེང་ཚོགས་འདུ་སྐབས་དང་པོ་ཐུན་རིན་གྲོང་ཁྱེར་རེབ་གོང་ཐང་གའི་སྒྱུ་རྩལ་ཁང་དུ་བསྡུས་ཤིང་། ཞིང་ཆེན་ཕྱི་ནང་ནས་ཡོང་བའི་འབྲེལ་ཡོད་ཁྱབ་ཁོངས་ཀྱི་ཆེད་མཁས་པ་དང་མཁས་དབང་དག་གདན་ཞུས་ལྟར་ཚོགས་འདུར་ཞུགས་པ་དང་། རེབ་གོང་སྒྱུ་རྩལ་སྤུས་ཚད་མཐོན་པོའི་ངང་འཕེལ་རྒྱས་གཏོང་བའི་བརྗོད་དོན་ལ་དམིགས་ནས་བསམ་བློ་བརྗེ་རེས་བྱས།
ཤེས་རྟོགས་བྱུང་བར་གཞིགས་ན། རེབ་གོང་ནི་རྒྱལ་ཡོངས་ཀྱི་གཅིག་སྡུད་ཡུག་སྦྲེལ་སྲོལ་རྒྱུན་གྲོང་སྡེ་སྲུང་སྐྱོབ་ཀྱི་ཚོད་ལྟའི་གྲས་ཡིན་ཞིང་། གྲོང་ཁྱེར་ཡོངས་ཀྱི་མང་ཚོགས་ཁྲི10ཡི་ཁྲོད་མི་ཁྲི2ལྷག་རེབ་གོང་ཐང་གའི་སྒྱུ་རྩལ་གྱི་ལས་ལ་གཞོལ་བཞིན་ཡོད་པ་དང་། ད་ལྟ་རིམ་པ་བཞིའི་གཟུགས་འདས་རིག་གནས་ཤུལ་བཞག་གི་མིང་ཐོ184ཡོད་པ་རེད། ཐེངས་འདིར་བགྲོ་གླེང་ཚོགས་འདུ་འཚོགས་པ་ནི་སྲོལ་རྒྱུན་སྒྱུ་རྩལ་དེ་སྒྱུ་རྩལ་རིག་གནས་ཀྱི་རིམ་པར་མཐོ་རུ་བཏང་ནས་རེབ་གོང་ཐང་ག་དེ་ཞིང་ཆེན་ཡོངས་དང་ཐ་ན་རྒྱལ་ཡོངས་ཀྱི་མཛེས་སྡུག་ལྡན་པའི་མིང་བྱང་དུ་འགྱུར་བར་བྱ་རྒྱུ་དེ་རེད།
ཡོང་ཁུངས། རྨ་ལྷོ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།
责编/项吉当知
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有,如有侵权请立即与我们联系