ཉེ་དུས་པེ་ཅིང་དང་ཧྲང་ཧའེ། ཧུའུ་ནན། ཨན་ཧུའེ། ཧྥུ་ཅན། ཀོང་ཞི་སོགས་ས་ཆ་མང་པོར2025ལོའི་མཐོ་རྒྱུགས་ཀྱི་མིང་ཐོ་འགོད་མགོ་ཚུགས་ཡོད། དེ་དག་ཁྲོད་ནས། ས་གནས་མང་པོ་ཞིག་གིས2025ལོ་ནས་བཟུང་མཐོ་རྒྱུགས་ཀྱི་མིང་ཐོ་གསབ་འགོད་བྱ་རྒྱུ་མེད་པ་ཁ་གསལ་བཟོས་ཡོད་པ་དང་། ས་གནས་མང་པོ་ཞིག་གིས་ཐོབ་ཐང་ལ་ཞིབ་བཤེར་ནན་མོ་བྱས་ནས“མཐོ་རྒྱུགས་གནས་སྤོར”ནན་འགོག་བྱེད་དགོས་པའི་བླང་བྱ་བཏོན་ཡོད།
ཧྲང་ཧའེ།
ཧུའུ་ནན།
ཨན་ཧུའེ།
ཧྥུ་ཅན།
ཀོང་ཏུང་།
ཤིན་ཅང་།
ནང་སོག
ཅང་ཞི།
ཧོ་ནན།
ཧོ་ནན་ཞིང་ཆེན་གྱི2025ལོའི་མཐོ་རྒྱུགས་ཀྱི་དྲ་ཐོག་ནས་མིང་ཐོ་འགོད་པའི་ཆ་འཕྲིན་བསྡུ་ལེན་དུས་ཚོད་ནི། སྒྱུ་རྩལ་རིགས་ཀྱི་རྒྱུགས་སྤྲོད་སློབ་མ་ནི་ཟླ10པའི་ཚེས28ཉིན་གྱི་ཆུ་ཚོད9:00ནས་ཟླ11པའི་ཚེས1ཉིན་གྱི་ཆུ་ཚོད17:00བར་ཡིན་པ་དང་། སྒྱུ་རྩལ་རིགས་མིན་པ་དག་ནི་ཟླ11པའི་ཚེས4ཉིན་གྱི་ཆུ་ཚོད9:00ནས་ཟླ11པའི་ཚེས16ཉིན་གྱི་ཆུ་ཚོད17:00བར་རེད།
ཞིང་ཆེན་བརྒྱད་ཀྱིས་མཐོ་རྒྱུགས་གསར་པ་དོན་འཁྱོལ་བྱས།
“3+1+2”མ་དཔེ་ལག་བསྟར་བྱ་རྒྱུ།
ཉེ་ཆར། ནང་སོག་རང་སྐྱོང་ལྗོངས་སློབ་གསོ་རྒྱུགས་ལེན་ཁང་གིས《2025ལོའི་ནང་སོག་རང་སྐྱོང་ལྗོངས་ཀྱི་སྤྱིར་བཏང་མཐོ་རིམ་སློབ་གྲྭའི་ཡིག་རྒྱུགས་སློབ་བསྡུའི་མིང་ཐོ་འགོད་པའི་དྲན་སྐུལ》ཁྱབ་བསྒྲགས་བྱས་ཡོད། དེའི་ནང་། 2025ལོ་ནས་བཟུང་ནང་སོག་རང་སྐྱོང་ལྗོངས་ཀྱི་སྤྱིར་བཏང་མཐོ་སློབ་ཀྱི་སློབ་བསྡུའི་ཡིག་རྒྱུགས་ཀྱི་སྟོན་དུས་གཅིག་གྱུར་རྒྱུགས་ལེན(བྱིས་པའི་འཛིན་གྲྭ་དང་དམིགས་བསལ་ཤེས་ལྡན་མི་སྣ་རྩེ་གྲ་གདམ་གསེས་ཀྱི་ཚོད་ལྟ་སོགས་ཚུད)ལ“3+1+2”ཀྱི་མ་དཔེ་ལག་བསྟར་བྱ་རྒྱུ་དང་། དེ་ནི་གཅིག་གྱུར་མཐོ་རྒྱུགས་སློབ་ཚན་དང་སྤྱིར་བཏང་མཐོ་རིམ་སློབ་འབྲིང་གི་སྦྱངས་འབྲས་ཆུ་ཚད་ཀྱི་གདམ་ག་ཡོད་པའི་ཡིག་རྒྱུགས་སློབ་ཚན་ལས་གྲུབ་པ་ཞིག་ཡིན།
དེའི་ནང་ནས། “3”ནི་རྒྱལ་ཡོངས་ཀྱི་གཅིག་གྱུར་རྒྱུགས་ལེན་སློབ་ཚན་གྱི་སྐད་ཡིག་དང་རྩིས་རིག ཕྱི་རྒྱལ་སྐད་ཡིག་བཅས་གསུམ་དང་། དེ་གསུམ་པོ་ནི་རིག་ཚན་དང་རྩིས་ཚན་གྱི་དབྱེ་བ་མེད་པར་རྒྱུགས་སྤྲོད་སློབ་མ་ཚང་མས་ངེས་པར་དུ་རྒྱུགས་ལེན་དགོས། “1”དང“2”ནི་སྤྱིར་བཏང་མཐོ་རིམ་སློབ་འབྲིང་གི་སྦྱངས་འབྲས་ཆུ་ཚད་ཀྱི་གདམ་ག་ཡོད་པའི་ཡིག་རྒྱུགས་སློབ་ཚན་ཡིན། “1”ནི་དང་ཐོག་འདེམས་དགོས་པའི་སློབ་ཚན་ཡིན་ཞིང་། རྒྱུགས་སྤྲོད་སློབ་མས་ངེས་པར་དུ་དངོས་ལུགས་དང་ལོ་རྒྱུས་གཉིས་ཀྱི་ཁྲོད་ནས་སློབ་ཚན་གཅིག་འདེམས་དགོས་པ་མ་ཟད་དེའི་ཁྲོད་ཀྱི་སློབ་ཚན་གཅིག་ལས་འདེམས་མི་ཆོག “2”ནི་བསྐྱར་དུ་འདེམས་དགོས་པའི་སློབ་ཚན་ཡིན་པ་དང་། རྒྱུགས་སྤྲོད་སློབ་མས་བསམ་བློ་ཆབ་སྲིད་དང་ས་ཁམས། རྫས་འགྱུར། སྐྱེ་དངོས་བཅས་ཀྱི་ཁྲོད་ནས་སློབ་ཚན་གཉིས་འདེམས་ཆོག་པར་མ་ཟད། དེའི་ནང་གི་སློབ་ཚན་གཉིས་ལས་འདེམས་མི་ཆོག
ཐོབ་ཐང་ལ་ཞིབ་བཤེར་ནན་མོ་བྱས་ནས“མཐོ་རྒྱུགས་གནས་སྤོར”ནན་འགོག་བྱེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།
责编/项吉当知
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有,如有侵权请立即与我们联系