མཚན་མོའི་ཆུ་ཚོད་དང་པོར་ཉེན་རྟོག་པའི་ལག་ཏུ་ཐེབས་འདུག

政务 2024-10-25 17:42 西藏

ཟླ་10པའི་ཚེས་16ཉིན་གྱི་མཚན་མོའི་ཆུ་ཚོད་དང་པོར། ལྷ་ས་གྲོང་ཁྱེར་སྤྱི་བདེ་ཅུས་ཁྲེང་ཀོན་སྤྱི་བདེ་ཡན་ལག་ཅུས་བཅིངས་འགྲོལ་མངགས་གཏོང་ཁང་ལ་ཁུལ་ཆུང་ཞིག་གི་བདེ་སྲུང་བའི་སྙན་སེང་འབྱོར་ཞིང་། སྐྱེས་པ་ཞིག་གིས་ལྐོག་ལྐོག་སུད་སུད་ངང་ཁུལ་ཆུང་ནང་བཞག་པའི་མོ་ཊའི་འགྲམ་དུ་ཕར་ཕྱིན་ཚུར་ཕྱིན་བྱེད་ཀྱི་འདུག ཁོ་པའི་བྱེད་སྟངས་ལ་དོགས་པ་ཟ་དགོས་པ་ཞིག་འདུག་ཅེས་བཤད།

སྙན་སེང་འབྱོར་རྗེས། བཅིངས་འགྲོལ་མངགས་གཏོང་ཁང་གི་གྱོད་སྒྲུབ་རུ་ཆེན་གྱི་མི་དམངས་ཉེན་རྟོག་པ་འཕྲལ་མར་ཁུལ་ཆུང་དུ་བསྐྱོད་ཅིང་། བདེ་སྲུང་བའི་རོགས་འདེགས་འོག མི་དམངས་ཉིན་རྟོགས་པས་སྐྱེས་པ་ཞིག་གིས་ལྐོག་ལྐོག་སུད་སུད་ཀྱིས་མོ་ཊའི་སྒོ་འཐེན་ཙམ་འཐེན་ཙམ་བྱེད་ཀྱི་ཡོད་པ་མཐོང་བས་ཁོ་པར་རྐུ་རྒྱག་གི་དོགས་གཞི་ཡོད་པ་ཤེས། དེ་རྗེས་ཉེན་རྟོག་པ་དང་བདེ་སྲུང་བས་བྱ་མི་འདྲོག་པར་སྒོ་ང་ལེན་ཐུབ་པ་བྱ་ཆེད་ག་ལེར་ཁོ་པར་རྗེས་འདེད་བཏང་ཞིང་། ཁོ་པས་སླར་ཡང་སྒོ་འཐེན་ནས་རྐུ་རྒྱག་རྩིས་བྱེད་སྐབས་རང་ས་ནས་བཟུང་པ་རེད།

བརྟག་དཔྱད་བྱས་པ་བརྒྱུད། ཏོན་ཆེ་གེ་མོས་ཁུལ་ཆུང་ནང་བཞག་པའི་སྒོ་བརྒྱབ་མེད་པའི་མོ་ཊར་ལྡིར་ནས་ཆེད་མངགས་རྐུ་རྒྱག་གི་ཡོད་པ་རེད། དེར་བརྟེན།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་ཆད་གཅོད་བཅའ་ཁྲིམས》ཀྱི་དོན་ཚན་ཞེ་དགུ་པའི་གཏན་འབེབས་གཞིར་བཟུང་། ཁྲེང་ཀོན་སྤྱི་བདེ་ཡན་ལག་ཅུས་ཀྱིས་ཏོན་ཆེ་གེ་མོར་ཉིན་བཅུ་ཡི་སྲིད་འཛིན་བཀག་ཉར་གྱི་ཆད་པ་གཅོད་རྒྱུའི་ཐག་བཅད་པ་རེད།

བསོད་ནམས་བསྟན་འཛིན་མངའ་རིས་ས་ཨུད་ཀྱི་ཧྲུའུ་ཅིར་བསྐོ་གཞག་བྱས་འདུག

གཞི་རིམ་གྱི་ཁུར་པོ་ཡང་དུ་གཏོང་བའི་ཁུངས་སྣེ་འཚོལ་གྱི་འདུག

ཆབ་མདོའི་བུ་མོ་འདིར་ཁ་བསླུས་སྒོར་89980ཐེབས་འདུག

རྩོམ་སྒྲིག་པ་གཙོ་བོ། བསྟན་འཛིན་རྒན་པ།

འགན་འཁུར་རྩོམ་སྒྲིག་པ། བསྟན་འཛིན་གཞོན་པ།

ལག་བསྟར་རྩོམ་སྒྲིག་པ། བསྟན་འཛིན་གཡུ་སྒྲོན།

རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།

xzrbzwmt@163.com