ཟླ་1ཚེས་17ཉིན། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི《2025ལོའི་དཔྱིད་གསར་དུས་ཆེན་གྱི་མཉམ་སྤྲོའི་དགོང་ཚོགས》ཀྱི་ནང་སྦྱོང་ཐེངས་གསུམ་པ་ལེགས་གྲུབ་བྱུང་ཞིང་། ཁྲུང་ཆིང་དང་། ཧུའུ་པེའི་ཝུའུ་ཧན། བོད་ལྗོངས་ཀྱི་ལྷ་ས། ཅང་ཤིས་ཀྱི་ཝུའུ་ཤིས་བཅས་ས་ཆ་བཞིའི་ཡན་ལག་ཚོགས་ར་ཐེངས་དང་པོ་མི་རྣམས་ཀྱི་སྤྱན་ལམ་དུ་བསྟར་བ་དང་སྦྲགས། པེ་ཅིང་གི་ཚོགས་ར་གཙོ་བོ་དང་མཉམ་དུ་ནང་སྦྱོང་བྱས་པ་རེད། དགོང་ཚོགས་སུ་གླུ་གར་དང་། མིག་འཕྲུལ། དྲག་རྩལ། གསར་གཏོད་མཉམ་འདྲེས་ཀྱི་ལེ་ཚན་སོགས་ལྟ་བས་མི་ངོམ་པ་ཞིག་ཡོད།
མཚོ་བོད་ས་མཐོ་ནས་འབྲི་ཆུའི་ལྷོ་རྒྱུད་ཀྱི་ས་ཁུལ་བར། ས་ཆ་བཞི་པོའི་ཡན་ལག་ཚོགས་རའི་འཁྲབ་སྟོན་ལ་དུས་རབས་གསར་པའི་ཉམས་ཀྱིས་ཕྱུག་པ་དང་རང་ས་རང་ཡུལ་གྱི་ཡུལ་སྲོལ་གོམས་གཤིས་ལྡན་པ་ལས་མེས་རྒྱལ་གྱི་རི་ཀླུང་མཛེས་སྡུག་ལྡན་ཞིང་ལོ་གསར་གྱི་རྣམ་པ་ཟབ་མོ་ལྡན་པ་གང་ལེགས་མངོན་གྱི་ཡོད།
