قۇت تابالدىرىق پەن بوساعاعا بىتەدى بابالار ايتقان وسيەت ەكەن.

قۇت تابالدىرىق پەن بوساعاعا  بىتەدى بابالار ايتقان وسيەت ەكەن.

تابالدىرىقتى باسپا…

ادام جاراتىلعان سوڭ قۇرىلىس ونەرىن ۇيرەنگەن سوڭ، العاش ءوز ءۇيىن كىرپىشتەن تۇرعىزادى. باسپاناسى دايىن بولعان كەزدە وعان ءبىرىنشى بولىپ قوناققا كەلگەن قۇت ەكەن.  ول ۇيدەن ورىن بەرۋىن سۇرايدى.  ادام: 

- قالاعان  جەرىڭنەن قونىس ال!  - دەيدى.  قۇت تابالدىرىققا كەلىپ جايعاسادى.  وسىعان  وراي ەل اراسىندا « تابالدىرىقتا تۇرما»،« تابالدىرىقتى باسپا،  ءۇيدىڭ قۇتى قاشادى»  دەگەن ىرىم ساقتالىپتى.  

ارتىنشا ادامنىڭ ۇيىنە باقىت كەلىپ باس سۇعادى. ول توردەن ورىن بەرۋدى سۇرايدى.  ادام رۇقسات بەرەدى.  باقىت تورگە جايعاسادى.  قازاقتا قۇرمەتتى قوناعىن تورگە وتىرعىزىپ،  باتا سۇراۋ وسى ىرىمنان قالعان ەكەن دەسەدى. 

باقىتتىڭ سوڭىنان بەرەكە كىرەدى.  ول ادام داستارقانىنان ورىن الىپتى.  

« داستارقاندا بەرەكە بار» دەگەن تۇسىنىك وسىدان قالىپتى.  

كوپ ۇزاماي ىنتىماق كەلىپ،  ادام قونىسىنان جاي  سۇرايدى.  ول بوساعاعا ورنالاسادى. قازاقتا « بوساعاڭ مىقتى بولسىن»  دەگەن ءسوز  « ىنتىماعىڭ مىقتى بولسىن»  دەگەن تىلەك ەكەن. ال « بوساعادا تۇرما»  دەيتىنى « ىنتىماقتى بۇزاسىڭ»  دەگەن ىرىمى دەسەدى.  

ادام كەلگەن ىزىگىلكتەردى جاقسىلىقتاردى ورنالاستىرىپ جاتقاندا ءۇيدىڭ ءبىر ساڭىلاۋىنان جىن- شايتاندار جاسىرىنىپ كەلىپ،  ءۇيدىڭ بۇرىشتارىنا تىعىلادى.  

 كىم بۇرىشقا وتىرسا،  سونىڭ ارقاسىنا ءمىنىپ،  كەۋدەسىن باسادى ەكەن.  قازاقتا « قارا باستى»  ،  « ەڭسەنى ەزدى»  دەگەن تىركەستەر وسىعان  وراي ايتىلعان دەسەدى.  ىرىم بىلەتىن ەستى كىسىلەر جاستارعا « بۇرىشقا وتىرما»  دەپ تاربيەلەيدى ەكەن.  ءۇيدىڭ ءىشىن ادىراسپان نە ارشامەن الاستاعاندا جىن- پەرىلەر جوعالادى دەگەن تۇسىنىك بار.  

وسىعان ۇقساس قازاق اراسىندا تاعى ءبىر  عيبراتتى ەرتەگى بار.  

ەرتەدە نىعىمەت پەن ۇسەن دەگەن اعايىندى جەتىمدەر شاھيماردان دەگەن بايدىڭ مالىن باعىپتى.  ەكەۋى كيسە كيىمگە،  ىشسە تاماققا جارىمايدى. جيىرما جىل جالشىلىقتا جۇرەدى.  باي ولاردىڭ  جايىن ويلاماپتى. ءبىر  كۇنى ەكەۋى  بولەك شىعىپ،  بايدان اقىسىن سۇراماق بولادى. ساراڭ باي ارىق ات پەن بۇزاۋلى سيىر بەردى.  بەرگەن اقىعا رازى  بولماسا دا،  قاناعات تۇتۋدان باسقا جولدارى جوق  ەدى.  ات پەن سيىردى جەتەلەپ،  باسى اۋعان جاققا جۇرە بەرەدى.  

قاس قارايا ءبىر وزەننىڭ جاعاسىنا كەلىپ دەمالادى.  كەشكە سيىردى ساۋىپ،ءسۇتىن ءپىسىرىپ وتىرعاندا اتتىڭ ءدۇبىرىن ەستيدى.  

- ءاي،  كىم بار؟  سويلەس!  قۇدايى قوناقپىن!  - دەيدى داۋىستاپ. 

- كىمسىڭ؟  - دەيدى ەكەۋى.  

- اتىم- قىزىر.  قىرعاۋىلداي قورعالاپ،  بودەنەدەي جورعالاپ  كەلەمىن،  - دەيدى. 

- قىزىر بولساڭ،  قوناتىن جەرگە قون.  

بىزدە قازىر ساعان ورىن جوق،  - دەيدى.  قىزىر  كەتىپ قالادى.  

سالدەن سوڭ تاعى ات ءدۇبىرى ەستىلەدى.  

- ءاي، كىم بار؟  سويلەس!  قۇدايى قوناقپىن!  - دەپ داۋىستايدى.  

- كىمسىڭ؟  قايدان كەلەسىڭ؟ 

-- اتىم- باق.  قىردان،  ويدان كەلەمىن،- دەيدى.  

- باق بولساڭ،  ورنىڭدى تاپ.  ساعان ورىن جوق،  - دەيدى.  باق تا كەتىپ قالدى.  ءۇشىنشى دۇبىرلەگەن اتتى داۋسى ەستىلەدى.  

- ءاي،  كىم بار؟  سويلەس!  قۇدايى قوناقپىن!  - دەيدى جولاۇشى.  بۇلار: 

- كىمسىڭ؟  قايدان كەلەسىڭ؟  - دەپ سۇرايدى.  

- اتىم- داۋلەت،  - دەيدى.  

- ەندەشە داۋلەتتى  جەرگە بار.  

ىزدەگەنىڭ ءبىز ەمەس،  - دەيدى ەكەۋى.  داۋلەت  تە كەتىپ قالادى.ءسۇت ءپىستى دەگەن كەزدە ات ءدۇبىرى تاعى ەستىلەدى.  

- ءاي،  كىم بار؟  قۇدايى قوناقپىن!  - دەيدى اتتىلى.  

- كىمسىڭ؟  قايدان كەلەسىڭ؟ 

- اتىم- ىنتىماق،  - دەيدى.  سول  كەزدە ەكەۋى جۇگىرىپ شىعىپ  ........

اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز