باسقا تەكشەلەردىڭ كوشىرۋىنە بولمايدى! كوشىرسەڭىز رەنجىمەڭىز
قۇمالاقشى قازاق…
باياعىدا قازاق دەگەن ءبىر قۇمالاقشى بولىپتى. قۇمالاق سالىپ، توڭىرەگىندەگى ەل- جۇرتتىڭ اجەتىن اشىپ، جوق-جىىتىگىنە،، تىلەك-قالاۋىنا بولجاۋ ايتادى ەكەن. ايتقانى اينىماي كەلەدى دەيدى. بۇعان ريزا بولعاندار راحىمەتىن ايتىپ، سىباعا- سارقىت بەرەدى. قۇمالاقشى قازاق سونى قاناعات ەتىپ، قۇبا-توبەل تىرلىك قۇرىپ جۇرەدى.
كۇندەرىڭ كۇنىندە قۇمالاقشى قازاقتىڭ ايەلى الدەنەدەن تارىلىپ، كۇيەۋىنە رەنىش بىلدىرەدى. الدىمەن ءوزىڭدى جارىلقاپ المايسىڭ با؟ شىنىمەن بولجامپاز بولساڭ، قىدىر مەن باقتىڭ قايدا جۇرگەنىن بولجاپ، كوزىنە تۇسپەيمىسىڭ. شاپاعاتى ءتيىپ، ءبىز دە ءبىر جارىپ قالارمىز!- دەپتى.
مۇنداي وي قۇمالاقشى قازاقتىڭ قاپەرىنە كەلمەگەن ەكەن. سول جەردە ايەلىنە:
ءسوزىڭنىڭ قيىسنى بار اۋ! "- دەپ، قۇمالاعىن تارتىپ جىبەرسە، قىدىر مەن باق ۇلىستىڭ ۇلى كۇنى تاڭ اتا اۋىل شەتىنەن كورىنەتىنىن قۇمالاق قولمەن قويعانداي ەتىپ كورسەتىپ بەرىپتى دەيدى. وسىدان كەيىن قۇمالاقشى قازاق ۇلىستىڭ ۇلى كۇنىن سارىلا كۇتۋمەن بولادى. سودان ۇلىستىڭ ۇلى كۇنى دە كەلىپ جەتەدى. قۇمالاقشى قازاق كورەر تاڭدى كوزىمەن اتىرىپ، كوكجيەك قۇلانيەكتەنگەننەن-اق ەلەڭدەپ، اۋىل شەتىنە شىعادى. ءبىر مەزگىلدە قۇمالاقتىڭ كورسەتكەنى اينىماي كەلىپ، كوز ۇشىنان ءبىر ەكى قارايعان كورىنەدى. اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
