قازاقتىڭ مەرتىك اس،قورىقتىق ىرىمدارى تۋرالى قىزىقتى اڭگىمە
2014- جىل. كۇز. قاراعاندىدان كوشىپ كەلىپ، قىزىلورداعا سىڭىسە الماي جۇرگەن كەزىمىز. كەزەكتى جۇمىس كۇنىمدە اۋديتوريا ارالاپ، ستۋدەنتتەردىڭ ساباققا قاتىسىمىن تەكسەرىپ جۇرگەم. تەلەفونىم شىرىلدادى. كۆارتيرانىڭ قوجايىنى.
" تولەمدى ۋاقىتىندا جاساعان سياقتى ەدىم. نە ءۇشىن زۆونداپ ( تەلەفون جالعاپ) جاتىر ەكەن؟ " دەپ ويلادىم دا، تۇتقانى كوتەردىم.
- ايدا، قالايسىڭ؟ سەن قايداسىڭ؟
- جاقسى، راحمەت. جۇمىستامىن، ءوزىڭىز قالايسىز؟
- سەندەر شۇعىل قۇتقارۋ شاقىرىپ پا ەدىڭدەر؟
- جوق، شاقىرعان جوقپىز.
- شىن شاقىرعان جوقسىڭ با؟
- جو و و جق. داۋىسىم دىرىلدەڭكىرەگەندەي مە ۇيدە مۇقانتاي ءبىر ءوزى عوي
- ايدا، ءۇي جاققا بارشى
كوزىم قاراۋىتىپ كەتتى. جۇمىستان قالاي شىقتىم، جولدان قالاي ءوتتىم.
ءالى كۇنگە دەيىن ەسىمە تۇسىرە المايمىن. جۇگىرىپ جۇرگەن، قولىنا سۋ الىپ ماعان كەلە جاتقان كورشىلەرىمدى كورگەندە كىلت توقتادىم. اياعىم تۋرا ماقتا سياقتى. بالا كەزىمىزدە ءتۇس كورۋشى ەدىك قوي.
سوندا قورقىنىشتى نارسەدەن قاشقاندا اياعىڭدا جان جوق سياقتى ءبىر ورىندا قادالىپ قالاتىن؟ ءدال سونداي كۇي كەشىپ جۇرە السامشى…
- ءسىز عوي يا، 36 - كۆارتيراعا كوشىپ كەلگەن؟
- يا، مەن، نننەەەە بولدى؟
- بالاڭىزدى جەدەل- جاردەم الىپ كەتتى.
- ققاللااايى؟ نەەەگە؟ بەتىم قيسايىپ كەتكەن بولسا كەرەك. كورشىمنىڭ ءتۇرى بۇزىلىپ كەتتى. اۋزىما ستاكاندى تاقاپ، سۋ ىشكىزۋگە تىرىسىپ جاتىر.
- تەرەزەدەن قۇلاپ كەتتى بالاڭىز.
اڭىراپ سالا بەردىم. " ايىرىلدىم-اۋ" دەپ ويلادىم.جۇگىرىپ تەرەزە جاققا باردىم. استىمىزدا اۋدارما ورتالىعى بار ەدى. باسپالداعى قان- قان. قۇتقارۋ تورى انە جەردە جاتىر. بۇنى كورۋ وڭاي ەمەس ەكەن. كوزىمنەن جاس ەمەس، قان سورعالاپ تۇرعانداي.
" قايدا الىپ كەتتى؟ " " 2- بالنيستا دەپ ايتتى" ەسىكتىڭ الدىندا تۇرعان تاكسيستكە جەتىپ باردىم. سوندا عانا بايقادىم، سومكە دە، اقشا دا جوق، قولىمدا كابينەتىمنىڭ كىلتى مەن تەلەفون عانا. " اعاتاي-اۋ، ەكى ەسەلەپ قايتارام، مەنى بالنيستاعا اپارىڭىزشى، بالاما بارۋىم كەرەك" دەپ ەڭىرەپ تۇرمىن. باعانادان بەرى جاعدايدى كورىپ تۇرعان بولسا كەرەك. " وتىر، وتىر، كەرەك ەمەس اقشاڭ، اپارامىن" دەدى. راحمەت ايتۋعا جارادىم با، جوق پا بىلمەيمىن، تۇسە سالىپ، قۇتقارۋ بولىمىن ىزدەپ جۇگىرىپ كەتتىم. جان ۇشىرىپ كىرىپ بارسام، ۇزىن كوريدوردا اربادا بالام جاتىر ەكەن. داۋىس سالۋعا ........
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
