اسپاننان كيگىز جاۋسا،كەدەيگە ۇلتاراق تيمەيدى كەرەمەت اڭگىمە
جولاۋشى مەن شارۋا لەۆ تولستويدىڭ اڭگىمەلەرىنەن
ءبىر جولاۋشى پويەزعا كەشىگىپ قالادى.ستانتسيادا قوناتىن جەر جوق، ءبىر شارۋانىڭ ۇيىنە ايالدايدى.شارۋاجۇمىستا ەدى.
كەشكە ۇيىنە ورالعاندا قۇدايى قوناقتى كورەدى. ول ورىندىقتا كىتاپ وقىپ وتىرعان. وتاعاسى ونى كەشكى اس ىشۋگە داستارقانعا شاقىرادى.جولاۋشىنىڭ قارنى اشپاپتى. ول سىپايى عانا باس تارتادى.
شارۋا اس ءىشىپ بولعان سوڭ دۇعا قىلدى دا، جولاۋشىنىڭ جانىنا جايعاستى.
- جول بولسىن، باۋىرىم! قايدان ءجۇرسىڭ؟ - دەپ سۇرادى. جولاۋشى كوزىلدىرىگىن شەشىپ، كىتابىن ۇستەلگە قويدى دا:
- بۇگىن پويىزعا كەشىكتىم. ەندى ەرتەڭگىسىنە عانا ۇلگىرەم. ستانتسيا ءىشى تار ەكەن،كەمپىرىڭە « تۇنەپ شىعۋعا رۇحسات بەر» دەپ ءوتىندىم. كەيۋاناسوزگە كەلىستى - دەدى.
- جارايدى، كەمپىر ايتسا، تۇنەي عوي! - دەدى شارۋا جىميىپ.
- ءتاڭىرىم جار بولسىن! قال سۇراسا وتىرايىق. قالاي جان باعىپ جاتسىزدار؟
- ولمەگەنگە ءولى بالىق دەگەن. ءيت تىرشىلىك قوي، ايتەۋىر…
- نەگە ولاي؟
- سونداي دا ءسوز بولا ما؟ ارىق اتقا قامشى اۋىر، جىرتىق ۇيگە تامشى اۋىر دەگەن. ءبىر كۇنگە ءبىر كۇندى ازەر جالعاپ « ولمە جانىمنىڭ» كۇيىن كەشەمىز. جەتى بالام بار، بايبىشەمدى قوسسام- سەگىز، وزىممەن توعىزبىز.
قىس كيەرىن جاز كيىپ، كەدەي قايدان بايىسىن دەگەن. سۇلىكتەي سورعان الپىس ءتۇرلى سالىعى بار.
بەرمەيىن دەسەڭ بەل قىسقا، ايتايىن دەسەڭ ءتىل قىسقا. مالعا كەدەي جارلى بولسام، سوزگە دە كەدەي سورلى بولدىم. بىرەۋگە جالدانساڭ، ازماز اقشا بەرەدى. جۋان سوزىلعانشا، جىڭىشكە ۇزىلەدى دەمەكشى، بايلارعا بالە كەلمەيدى. سورلايتىن قارا حالىق. جان سانى كوبەيگەنىمەن، جەر كوبەيگەن جوق. سالىقتىڭ وڭەشى كەڭىپ كەتكەن بە دەرسىڭ. جىلدان جىلعا ارانى اشىلىپ بارادى. جەر اقىسى، سۋ اقىسى، مال اقىسى، جان اقىسى دەپ كەلەدى تۇرادى. توپىراققا تىرما سالساڭ وعان تولەيسىڭ. ءدان سەپسەڭ تاعى تولەيسىڭ. ءونىم شىقسا، ساقتاندىرۋ دەگەن پالاسى جانە بار.شىركەۋدى دە ءبىز اسىرايمىز.قۇددى ءبىر كۇللى رەسەيدىڭ باراۋىرتپاشىلىعى ارقامىزعا مىنگەسىپ العانداي.
- ويپىرماي نە دەيدى؟ مەن بولسام، شارۋالار جاقسى كۇن كەشىپ جاتىر دەپ ويلاپىن.
- ە، قايداعى، توق كۇننەن اش كۇنىمىز كوبىرەك.
- ولاي ويلاعان سەبەبىم اقشانى كوپ شاشاسىزدار.
- قايداعى اقشا؟ ءوزىڭ قىزىق-قىزىق سويلەيدى ەكەنسىڭ. اشتىڭ قادىرىن توق بىلمەيدى دەگەن وسى-اۋ. جۇرت جەۋگە نان تاپپاي وتىرسا، سەن اقشا شاشىپ جاتىر دەيسىڭ.
- اعاسى، مەن قاتە ايتپايمىن.
گازەتتەردە سولاي جازادى.وتكەن جىلى شارۋالار 700 ميلليون سومعا 7 ميلليون توننا شاراپ ءىشىپتى.
- نەمەنە ........
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
