اتاقتى چاريلىن چاپىليننىڭ قىزىنا جازعان اسەرلى حاتى مىندەتتى تۇردە كورىڭىز！
اتا- انانىڭ ءوز بالالارىنا دەگەن ماحابباتىنان اسقان شىنايى دا ءشۇباسىز سۇيىسپەنشىلىك جوق شىعار…
چارلي چاپلين 12 بالانىڭ اكەسى، 1965- جىلى 76 جاسقا قاراعان قارتايعان شاعىندا پاريج ساحناسىندا ءبيشى بولىپ جۇرگەن جيىرما ءبىرجاسار قىزى دجەرالديناعا حات جازادى. تەبىرەنىستى كوڭىل سەزىمدەرىنە تولى حاتتا ايتىلعان ويلى وسيەتتەر بۇگىنگى الاڭسىز كۇن كەشكەن ادامدارعا دا ساباق بولارلىق.
بۇل اكەلىك ماحاببات پەن قامقورلىقتىڭ،مۇڭ مەن قۋانىشتىڭ، ماقتانىش پەن ۋايىمنىڭ، سانداعان جىلدار بويى كوڭىلگە تۇيگەن دانالىق پەن اقىلدىڭ ۇلگىسى. « مەن ەشقاشان پەرىشتە بولعان ەمەسپىن، - دەيدى كينەماتوگرافتىڭ حاس شەبەرى، - الايدا، مەن ءاردايىم ادام بولۋعا تىرىستىم. سەن دە سولاي بول!»
وسى حاتتى وقىپ شىعىپ، سىزدەرگە اكە- شەشەلەرىڭىز نەنى ۇيرەتكەندەرىن جانى سىزدەر ءوز بالالارىڭىزعا نەنى ۇيرەتكىلەرىڭىز كەلەتىنىن ويلانىڭىز.
« قىزىم مەنىڭ!
قازىر ءتۇن. مەيرام ءتۇنى. مەنىڭ كىشكەنتاي قامالىمنىڭ بارلىق قارۋلى اسكەرلەرى ۇيقىعا كەتتى. ءىنىڭ دە، ءسىڭلىڭ دە ءتاتتى ۇيقىدا. ءتىپتى اناڭ دا ۇيىقتاپ جاتىر. وسى جارتىلاي جارىق كومەسكى تارتقان بولمەمە كەلەمىن دەپ، سىلتىدەي تىنىشتىقتا كوز ىلگەن بالاپاندارىمدى وياتىپ الا جازدادىم.
سەن قازىر مەنەن الىستاسىڭ! ءبىراق تا سەنىڭ بەينەڭ ۇنەمى مەنىڭ كوز الدىمدا. مىنە، سەنىڭ پورترەتىڭ مەنىڭ ۇستەلىمدە تۇر جانە ول مەنىڭ جۇرەگىمدە دە بار. ال سەن سوناۋ ەرتەگىگە اينالعان پاريجدە، ەليسەي الاڭىنداعى ساۋلەتتى تەاتر ساحناسىندا بيلەپ ءجۇرسىڭ. مەن مۇنى جاقسى بىلەمىن، سوندا دا تۇنگى تىنىشتىقتا سەنىڭ باسقان قادامىڭدى ەستيمىن، قىسقى اسپاندا جىلتىلداعان جۇلدىزداي كوزدەرىڭدى كورەمىن.
وسى مەرەكەلىك تاماشا سپەكتاكلدە سەن تاتار حانىنىڭ تۇتقىنىنداعى پارسى سۇلۋىنىڭ رولىن سومدايتىنڭدى ەستىدىم. ادەمى بول جانە بيلەي بەر! جۇلدىز بولىپ جارىعىڭدى شاش! الايدا، وسىناۋ شاتتىق پەن قۇرمەت ەسىڭدى الىپ،كورەرمەندەر ۇسىنعان قۇشاق تولى گۇلدەردىڭ حوش ءيىسى باسىڭدى اينالدىرسا، وندا ءبىر بۇرىشقا بارىپ وتىر دا، مەنىڭ حاتىمدى وقى، جۇرەگىڭنىڭ ۇنىنە قۇلاق سال. مەن سەنىڭ اكەڭمىن، دجەرالدينا! مەن ءچارليمىن، چارلي ءچاپلينمىن! سەنىڭ سونداي كىشكەنتاي كۇنىڭدە قانشاما تۇندەر كەرەۋتىڭنىڭ باسىندە وتىرىپ الىپ، ساعان ۇيقىداعى ارۋ تۋرالى، قىراعى ايداھار تۋرالى ەرتەگى ايتاتىنىمدى بىلەسىڭ بە؟ سودان كىرپىكتەرىم ايقاسىپ، كارى كوزدەرىمدى ۇيقى قىسا باستاعاندا مەن ۇيقىنى كەلەكە قىلىپ: « كەت ءارى! مەنىڭ ۇيقىم- ول مەنىڭ قىزىمنىڭ ارمانى!» ،- دەۋشى ەدىم عوي.
مەن سەنىڭ ارماندارىڭدى كوردىم، دجەرالدينا، سەنىڭ بولاشاعىڭدى، بۇگىنگى كۇنىڭدى كورگەن ەدىم. مەن ساحنادا بيلەپ جۇرگەن قىزدى،كوكتە قالقىعان پەريزاتتى كورگەنمىن.
جينالعان قاۋىمعا:« مىنا قىزدى كوردىڭدەر مە؟ بۇل قارتايعان قالجىڭقويدىڭ قىزى. چارلي دەگەن قالجىڭعوي ەستەرىڭدە بار ما؟»،- دەگەن سوزدەردى ەستىگەنمىن. ءيا، مەن ءچارليمىن! كارى قالجىڭقويمىن!
بۇگىن سەنىڭ كەزەگىڭ. بيلە! مەن كەڭ پىشىلگەن جىرتىق شالبارمەن بيلەگەنمىن،ال سەن حانشايىمنىڭ جىبەك كيىمىمەن بيلەپ ءجۇرسىڭ.
وسى ءبي مەن قوشامەتتەر كەي كەزدەرى سەنى كوككە كوتەرىپ اكەتەدى. ءيا، ءۇش! ۇشا بەر! ءبىراق، جەرگە دە تۇسە ءبىل! سەن سۋىق پەن اشتىقتان ءدىرىل قاعىپ، كوشەدە بيلەپ جۇرگەن بيشىلەردىڭ دە ومىرلەرىن كورە ءبىلۋىڭ ءتيىس. مەن سولارداي بولعانمىن، دجەرالدينا. سەن مەنىڭ ەرتەگىلەرىمەن ەلىتىپ ءتاتتى ۇيقىعا كەتكەن سول تۇندەردە، عاجايىپ تۇندەردە مەن ۇيىقتامايتىنمىن.
سەنىڭ كىشكەنە جۇزىڭە قارايتىنمىن، ءبىر ۋىس جۇرەگىڭنىڭ قاعىسىن تىڭداپ، وز- وزىمنەن: « چارلي، مىنا كىشكەنە مىسىق تا سەنى بىلەتىن بولا ما؟» ، - دەپ سۇرايتىنمىن. سەن مەنى بىلمەيسىڭ عوي، دجەرالدينا.
سول الىس تۇندەردە ساعان قانشاما ەرتەگىلەرم ايتتىم، الايدا ءوز ەرتەگىمدى ەشقاشان ايتقان ەمەسپىن. ول دا قىزىق.ول لوندوننىڭ كەدەي- كەپشىكتەر تۇراتىن كوشەلەرىندە ءان ايتىپ، ءبي بيلەپ، سوسىن ساداقا جينايتىن قارنى اش قالجىڭقوي تۋرالى.
مىنە وسى مەنىڭ ەرتەگىم! مەن اشتىقتىڭ، ءوز باسپاناڭ بولماۋدىڭ قانداي ەكەندىگىن جاقسى بىلەمىن. ءيا، سوندا دا مەن ءتىرىمىن، سوندىقتان بۇل تاقىرىپتى قويا تۇرايىق. ودان دا سەن تۋرالى سويلەسەلىكشى. سەنىڭ دجەرالدينا اتتى ەسىمىڭنەن كەيىن مەنىڭ چاپلين دەگەن تەگىم تۇرادى. وسى تەگىممەن مەن 40 جىلدان استام جەر بەتىندەگى ادامداردى كۇلكىگە باتىردىم. ءبىراق، ولاردىڭ كۇلگەنىنەن گورى مەنىڭ جىلاۋىم كوپ بولدى. دجەرالدينا، سەن ءومىر ءسۇرىپ جاتقان دۇنيە تەك ءبي مەن مۋزىكادان عانا تۇرمايدى!
ءتۇن اۋا ءزاۋلىم زالدان شىققاندا سەن ءوز ونەرىڭە باس يۋشى بايلاردى ۇمىتۋىڭ مۇمكىن، الايدا سەنى ۇيىڭە الىپ بارا جاتقان تاكسي جۇرگىزۋشىسىنەن ونىڭ ايەلى تۋرالى سۇراۋدى ۇمىتپا. ەگەر ايەلى سابيلەرىنە جايالىق الاتىن مۇمكىندىگى جوق ەكەنىن بىلسەڭ، وعان اقشا بەرىپ، كومەكتەسۋدى ەستەن شىعارما. كەي كەزدەرى مەترومەن نەمەسە اۆتوبوز ءجۇر، جاياۋ دا ءجۇر قالانى ارالاپ كوزىڭمەن كور.
ادامدارعا نازار سال! جەسىرلەر مەن جەتىمدەرگە قارا! سوسىن كۇنىنە ءبىر مارتە بولسا دا ءوز - وزىڭە: « مەن دە سولار سەكىلدى اداممىن» ،- دەپ ايتقىن.
ءيا، سەن دە سولار سەكىلدىسىڭ، قىزىم. سودان كەيىن. ونەر، ادامعا كوككە شارىقتاۋعا قانات بەرمەستەن بۇرىن نەگىزىنەن اياقتان دا شالادى.
ءبىر كەزدە . . .. . . . . . .
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
