ولىمنەن قالعان بالا نەمەسە ساداقانى ساۋىڭدا بەر
جاڭا اڭگىمە
ونىڭ اڭگىمەسىن وسىدان قىرىق جىل بۇرىن ەستىگەن ەدىم. ال كەيىنىرەك جاقىن تانىسىپ، اڭگىمەسىن ناق ءوز اۋزىنان تىڭدادىم.
ءجۇسىپ داۋلەتتى وتباسىندا دۇنيەگە كەلىپتى. اكەسى وتە قاراپايىم، كىشپەيىل كىسى بولسا كەرەك. سونشا بايلىعىنا قاراماستان، دۇنيەنىڭ سوڭىنا تۇسپەي قاشاندا قايعىرعانعا قول ۇشىن بەرۋگە دايىن جۇرەدى ەكەن.
ءجۇسىپتىڭ ايتۋىنشا، ونىڭ بەس جاسار ەس ءبىلىپ قالعان كەزى بولسا كەرەك. ولاردىڭ ۇيلەرىنىڭ تۇسىنا ءبىر قارت كىسى كەلىپ، الگى جەردى تۇراقتاي باستاپتى.
بۇنى بايقاعان ءجۇسىپتىڭ اكەسى ول كىسىنىڭ ازىق- اۋقاتىن ءوز موينىنا الماق بوپ، ونىسىن قىزمەتشى ارقىلى جىبەرتسەم رەنجىپ قالار دەگەن ويمەن كىشكەنە ءجۇسىپ ارقىلى جىبەرىپ تۇرۋدى ءجون ساناپتى.
ءجۇسىپ اۋەلگىدە جۇرەكسىنگەنمەن، كەلە-كەلە بۇل ادەتى وزىنە ۇناپتى. الگى بەيباق قارتپەن وتىرىپ اركەز اڭگىمە دۇكەن قۇرۋدان جالىقپاي، قايتا سونىڭ ايتقان ءاربىر ءسوزى بالا جۇرەگىنەن تەرەڭ ورىن الىپتى.
الگى قارت ءبىر كۇنى: - ءجۇسىپ، ساعان ءبىر تۇيە جاسايىن با؟- دەپ سۇراعاندا، وعان جوق دەمەك تۇگىلى ءجۇسىپتىڭ ەسى كەتە قاتتى قۋانادى. قارت ءبىراق ءبىر شارتى بار ەكەنىن ايتىپتى:
- ول ءۇشىن سەن ۇيدەگىلەردىڭ وزىڭە بەرىپ تۇراتىن ءتاتتى- ءپاتتى، ءجۇزىم، جاڭعاقتارىنان ءبىر بولىگىن ۇزبەي ماعان اكەلىپ تۇر.ءبىراق ماعان اكەلەتىندەرىڭ تەك ساعان عانا تيەسىلى بەرىلگەندەر بولسىن، باسقالارعا ءتان نارسەلەردەن اكەلسەڭ، تۇيەڭ جاسالىنباي قالادى.
مۇنى ءارى ەشكىم سەزۋشى بولماسىن، - دەپتى نىقتاپ. بۇل ءىستىڭ جاسىرىن بولاتىندىعى ءجۇسىپتى تىپتەن قىزىقتىرادى. ورىك- مەيىزىن ءار اكەلگەن سايىن:
- اتا، قالاي، تۇيەم جاسالىپ جاتىر ما؟ - دەپ سۇراپ، كەيۋانا قارتتان « ارينە» دەگەن جاۋاپ ەستىپ، كوڭىلى كوككە ءبىر ەلى جەتپەي قالاتىن،ۇيتكەنى ءار اكەلگەن ورىك- مەيىزى ارقىلى تۇيەسىنىڭ دەنەسى مەن مۇشەلەرى جاسالۋى كەرەك ەدى.
كۇندى كۇن قۋالاپ، ءجۇسىپ ابدەن مەزى بولىپ، تاعاتى تاۋسىلا باستاعان كەزىندە كوپتەن كۇتكەن قۋانىشتى حابارى دا كەلىپ جەتەدى: - ءجۇسىپ، تۇيەڭ جاسالدى.
تەك كوزدەرى دە تامامدالۋ ءۇشىن ەكە مەيىز اكەلسەڭ بولعانى. بويىن كوزبەن اتىرىپ، تۇندە ەرتەمەن دايىنداپ قويعان مەيىزدەرىن الا ساپ، تاڭ اتا ءجۇسىپ قارتقا جۇگىردى.
الايدا قۋانىشى قوينىنا سىيماي كەلگەندە، قارت كۇركەسىنە جەتەبەرە بار كوڭىل-كۇيى سۋ سەپكەندەي باسىلدى،ۇيتكەنى قارت بايعۇس وسى تۇندە كوز جۇمىپتى.بار جان ازا ءراسىمىن اكەسى اتقارىپ، ەگىلە جىلاعان كىشكەنە ءجۇسىپ ەڭ جاقىن ادامىنىڭ بىرىنەن ايىرىلعاندىعىنا ءالى دە سەنبەگەن كۇيدە ەرىكسىز قاريانى اقتىق ساپارىنا شىعارىپ سالدى.
قارت دەنەسى جەرگە بەرىلگەن سوڭ انە- مىنە دەگەنشە 12 جىلداي ۋاقىت ءوتىپ، ءجۇسىپ باياعى بالالىعىنان ارىلىپ، ەسەيىپ جىگىت بولدى. الايدا ءبىر كۇنى اياق استى جابىسقان وكپە قابىنۋى مەن تۋبىركۋلوز اۋرۋىنان مۇرتتاي ۇشىپ، توسەككە تاڭىلدى.
1910-جىلدارى بولعاندىقتان،ءالى بۇل اۋرۋدىڭ ەمى تابىلماعان كەز.اۋرۋ ابدەن مەڭدەتىپ اسقىنعانى سونشالىق- ءجۇسىپتىڭ اكەسى بايلىعىن شاشىپ، سوناۋ شەتەلگە دەيىن قاراتسا دا تۇك ەم قونبايدى.
بىرتە- بىرتە ءولىم حاۋپى كۇشەيە بەرەدى. قايدا اپارسا دا، ەستيتىن جاۋابى ءبىر عانا: - بۇل- ءالى ەمى بولسا، ءجۇسىپتى ورىنبورداعى پسيحيكالىق اۋرۋحاناعا جاتقىزىپ، ارنايى كۇندىز - ءتۇنى باقىلاۋشى جالداڭىز، - بولىپتى.
دارمەنسىز اكە بايعۇس جانى قالماي، ايتىلعانداردىڭ ءبارىن تۇگەلىمەن ورىندايدى. كۇتۋشىسىنە دە جاقسى ايلىق تولەپ تۇرادى.
ءبىراق، وكىنشكە قاراي،جۇسىپتە جاقسارۋ نىشانى بايقالماي، كۇننەن كۇنگە ناشارلاعان دەنە ابدەن السىرەپ، قۇر سۇلدەرى عانا قالادى.اۋرۋحاناعا كەلگەنىنە تۇپ- تۋرا التى ايدان كەيىن ........
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
