مۇقاعاليدى جازۋشىلار وداعىنان قۋىپ شىققان ولجاس سۇلەيمەنوۆپا ؟
كەشە تەپەرىشتى كوپ كورگەن مۇقاعالي بۇگىندە ەڭ ايگىلى اقىن.
ىزىنەن اڭىز ەرگەن قالامگەر. ماقاتايوۆ تۋرالى ەل اراسىندا جالعان- شىنى ارالاس اڭگىمە كوپ. سونىڭ ءبىرى- اقىننىڭ جازۋشىلار وداعىنان شىعارىلۋى جايىندا.
مۇقاڭنىڭ كوزىن كورگەنى بار، كورمەگەنى بار ونى وداقتان شىعارعان ادام سول كەزدەگى باسىشى ءانۋار ءالىمجانوۆ دەيدى.ماقاتايوۆتىڭ 1973- جىلى الىمجانوۆقا جازعان حاتى دا بار.
انۋارعا ارنالعان حاتىندا مۇقاعالي بيىلعى جىل وزىنە ونشاما قۋانىش اكەلە قويماعانىن، « جۇلدىز» جۋرنالىنان بوساپ قالعانىن ايتا كەلە، « ءدال جاڭا جىل كەلگەندە بالالارىمنىڭ قورەگىنەن اجىراتاتىنداي ەشكىمگە ەش نارسە ىستەي قويعان جوق ەدىم عوي» ، دەپ مۇڭ شاققان. ءسوز سوڭىندا اقىن الىمجانوۆقا « سەن مەنىڭ بولمىسىمدى تانيتىن ەدىڭ عوي. تۇسىنبەيمىن، قانداي عانا وسەكشىنىڭ تىلىنە ەردىڭ؟» دەپ وكپە- رەنىشىن بىلدىرەدى. اقىنن ءوزىنىڭ بار ايىبى- جەك كورەتىنىن، وعان دەگەن اشۋ- ىزاسىن سول ادامنىڭ الدىندا وپ- وڭاي ءبىلدىرىپ الاتىنىن بۇكپەسىز ايتقان.
-ءيا، مۇقاعاليدىڭ زامانداستارى وسى شۋلى وقيعا جايىندا ءار ءتۇرلى پىكىر ايتتى. ءبارى دە شايىرعا قىساستىق جاساعان دەپ ءانۋار ءالىمجانوۆتى كورسەتەدى. اقىننىڭ قاسىندا ءجۇرىپ، كوزىن كورگەن، مىنەزىنە قانىق قالامگەردىڭ ءبىرى- سايىن مۇراتبەكوۆ. جازۋشى ەرتەرەكتە " قازاقستان" ۇلتتىق ارناسىنان بەرىلگەن « ۇزەڭگى جولداس» حابارىندا مۇقاڭنىڭ جان الەمى، كىممەن ارا- قاتىناسى قالاي بولعانىن ءسوز ەتكەن. قالامگەر جۇماباي شاشتاي ۇلىنا بەرگەن سۇحباتىندا مۇقاعالي ايتقان، قۇلقى سۇيمەيتىن جانداردى سايىن دا سانامالاپ ايتىپ بەرەدى.
« مۇقاڭنىڭ كەيدە ىزامەن جازۋشىلار وداعىنا كەلىپ، كەيدە اقساقالداردى جۇلقىپ، يتەرىپ كەتىپ جۇرگەن كەزدەرىن كوردىم. مىسالى ستۋدەنت كەزىندە ءبىر تۇسىنبەستىك بولدى ما،تەمىرعالي نۇرتازيندى مەنىڭ كوزىمشە جەلكەسىنەن سۇيرەگەنى بار. « قوي، قوي» دەپ مەن دە ارا ءتۇستىم. مەنى دە يتەرىپ جىبەردى « جولاما»، « اتاڭا نالەت اۋلاق ءجۇر» دەپ. ونداي مىنەزدەرى بولدى.ءبىر كۇنى ءانۋاردى كەلە جاتقان جەرىندە، ( ءالىمجانوۆ رەد. و. ق) جازۋشىلار وداعىنىڭ باسشىسى ەدى عوي. دالىزدەن كوتەرىلە بەرگەندە توقتاتىپ قويىپ، جاعاسىنان ۇستاپ، « ءبىر سىلكىپ ولتىرە سالايىن با؟ » ، دەپ ايتقان. ول « ءوي، سەن نەمەنە…» دەپ اقىرى كابينەتىنە كىرىپ ەسىگىن جاۋىپ الدى. ءسۇيتىپ تۇرعاندا جۇبان كەلدى، 10-15مينۋتتان كەيىن. مەنى كىشىسىندى مە مۇقاعالي ءبىر - ەكى بوقتادى دا تۇردى. سول جۇبانعا « اتاڭا نالەتتەر سيلىقتى وزدەرىڭ عانا الاسىڭدار، ىنىلەرىڭە عانا اپەرەسىڭدەر» دەپ ءتيىستى. جۇبان سول كەزدە ۇيىندە وتىرىپ جازۋشىلار وداعىنا ىزالى بوپ جۇرگەن كەزى. ەكىنشى باسشى بولىپ ءجۇرىپ « جۇلدىزدان» بوسادى. مۇقاعاليدىڭ بويى ۇزىن، « قازىر مەن سەنى تۋرا وسى جەردە…» دەپ ۇمتىلدى. جۇبان ارى قاراي كەتىپ، تۇرسىنقۇلوۆتىڭ كابينەتى جاعىنا جىلىستادى.سودان كەيىن انۋارعا كەلىپ، « ءاي قاشانعى ءوستىپ، اكەمىزدىڭ اۋزىنان بوقتاتىپ، ءوزىمىزدى يتشە تەپكىلەتىپ قوياسىڭدار، ادەيى ىستەپ جۇرسىڭدەر عوي سەندەر، ءبىزدى وسىندا كەلتىرمەۋ ءۇشىن» دەپ انۋارعا تۇتىگىپ تۇرىپ سويلەدى. شىعار انانى مۇشەلىكتەن. نەگە تارپتىپكە شاقىرمايسىڭ. ونداي ادام مۇشە بولۋدان ساداعا كەتىسىن»، دەدى»، دەپ كۋا بولعان وقيعاسىن جايىپ سالادى.
وقيعا ارى قاراي قالاي ورىبگەنىن، مۇقاعاليدى جازۋشىلار وداعىنان ناقتى كىم شىعارعانى جونىندە مۇراتبەكوۆ بىلاي دەيدى.
«ءسويتىپ تۇرعاندا ولجاس ( سۇلەيمەنوۆ رەد. و. ق) كەلگەن. ول دا كەلە سالا تۇتىگىپ، « مەن ونى ءبىر جۇدىرىقپەن…» دەپ ارەڭ توقتايدى.
ولجاسقا ءبىرىنشى قاباتتا ءجۇرىپ تيىسكەن بولۋى كەرەك. ولجاس ول كەزدە ءۇشىنشى حاتشى ەدى. قۋىپ شىعۋ كەرەك. ەگەر قورىقساڭ، مەن قول قويامىن. سونىمەن ولجاس كەتسىن دەپ قول قويىپ جىبەردى. ەڭ بولماعاندا جارتى جىل وداقتىڭ ماڭىنا جولاماسىن. ول ءوزىن قالاي ۇستاۋ كەرەكتىگىن بىلمەيدى.
استىڭعى قاباتتا باسپا بار ەدى.« ونى وداقتان شىعارىڭدار» دەپ ماشينيستكانى شاقىرىپ الدى. « ەرتەڭ سەكرەتاريات سول كەزدە مەن سوعان سالعىزامىن، ءوزىم قول قويامىن»، دەدى ولجاس. ءانۋار ءالىمجانوۆ قول قويعان جوق».
دەمەك، مۇقاعاليدى وداقتان قۋعان- ولجاس سۇلەيمەنوۆ. اقىننىڭ مۇشەلىكتەن شىعۋىنا ءانۋار ءالىمجانوۆتىڭ تىكەلەي قاتىسى جوق. ارادا كوپ ۋاقىت وتپەي، وداقتىڭ كاسىپ وداق كوميتەتى جالپى جينالىس وتكىزىپ، مۇقاعالي ماقاتايوۆتىڭ « ءتارتىبى» قارالادى. جينالىستى ولجاس سۇلەيمەنوۆ اشىپ، مۇقاعاليعا شۇيلىگىپ، « ماقاتايۆتى كاسىپ وداقتان، جازۋشىلار وداعى مۇشەلىگىنەن شىعارۋ كەرەك» دەپ ۇسىنىس جاساعان.
اقىندى ورازبەك سارسەنباەۆ پەن بەكسۇلتان نۇرجەكەەۆ قانا قولداپ سويلەگەن ەكەن. سايىن مۇراتبەكوۆتىڭ سوزىنشە، ولجاستىڭ شەشىمىنەن كەيىن مۇقاعالي « اتاسىنا نالەت، مەن شىعارسا دا قازاقتىڭ ۇلكەن اقىنىمىن» دەپ يلىكپەي ءجۇرىپتى.
مۇراتبەكوۆ سۇحباتىندا بولعان كيكىلجىڭنەن كەيىنگى ءوزىنىڭ مۇقاڭمەن اراداعى بايلانىسىنا توقتالادى.
« مەنىڭ تىسك- عا اۋىسىپ كەتكەن كەزىم. قايتىس بولارىنىڭ الدىندا ماعان قوڭىراۋ شالدى. الدىندا . . . . . .
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
