མཚོ་སྔོན་གུང་ཧོའི་དྲ་ལམ་ཐད་གཏོང་མཁན་ཞིག་ལ་སྐྱོན་བརྗོད་སློབ་གསོ་བཏང་བ།
ཉེ་ཆར། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་ཨུའི་དྲ་རྒྱའི་ཆ་འཕྲིན་གཞུང་ལས་ཁང་གིས་རྒྱུན་གཏན་གྱི་སྐོར་ཞིབ་བྱེད་སྐབས་དྲ་ལམ་ཐད་གཏོང་མཁན“མཚོ་་་ཚེ”ཟེར་བའི་བདག་པོ་གུ་ཆེ་གེ་མོས་ཐད་གཏོངPKམཉམ་འགུལ་བྱེད་སྐབས་ངན་པ་ཐ་ཤལ་གྱི་བྱ་ཐབས་ལ་བརྟེན་ནས་མི་རྣམས་ཀྱི་མིག་དབང་འཕྲོག་ཐབས་དང་གཡོ་འགུག་བྱས་ལ། བྱ་སྤྱོད་དེས་སྤྱི་ཚོགས་ཀྱི་གོམས་སྲོལ་བཟང་པོ་དང་འགལ་ནས་དྲ་རྒྱའི་ཁོར་ཡུག་ལ་གཏོར་བརླག་ཚབས་ཆེན་ཐེབས་ཤིང་སྤྱི་ཚོགས་ཐོག་ཤུགས་རྐྱེན་ངན་པ་བཟོས་པ་ཤེས་རྟོགས་བྱུང་། གུང་ཧོ་རྫོང་ཨུའི་དྲ་རྒྱའི་ཆ་འཕྲིན་གཞུང་ལས་ཁང་གིས་མགྱོགས་མྱུར་ངང་ཐད་གཏོང་ནང་དོན་ལ་བདེན་དཔང་བླངས་པ་དང་། ཟླ12པའི་ཚེས24ཉིན། རྫོང་སྤྱི་བདེ་ཅུས་དང་མཉམ་དུ་གུ་ཆེ་གེ་མོ་ལ་ཐད་གཏོང་ཁྲོད་གནས་པའི་ཐ་ཤལ་དང་སྒྲིག་འགལ་བྱ་སྤྱོད་ལ་ཡུལ་དངོས་སུ་ཞིབ་དཔྱད་བྱས་པ་དང་གུ་ཆེ་གེ་མོས་སྦ་གསང་མེད་པར་བྱ་སྤྱོད་ཁས་ལེན་བྱས།
《སྦྲེལ་དྲ་ཐད་གཏོང་ཞབས་ཞུའི་དོ་དམ་གཏན་འབེབས།》དང《དྲ་རྒྱའི་ཆ་འཕྲིན་ནང་དོན་གྱི་སྐྱེ་ཁམས་བཅོས་སྐྱོང་གཏན་འབེབས།》 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དྲ་རྒྱའི་བདེ་འཇགས་བཅའ་ཁྲིམས།》 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བདེ་འཇགས་དོ་དམ་ཆད་གཅོད་བཅའ་ཁྲིམས།》སོགས་འབྲེལ་ཡོད་གཏན་འབེབས་གཞིར་བཟུང་གུང་ཧོ་རྫོང་ཨུའི་དྲ་རྒྱའི་ཆ་འཕྲིན་གཞུང་ལས་ཁང་དང་རྫོང་སྤྱི་བདེ་ཅུས་ཀྱིས་གུ་ཆེ་གེ་མོ་ལ་སྐྱོན་བརྗོད་སློབ་གསོ་བཏང་སྟེ་ཁོའི་ཐད་གཏོང་ཨང་གྲངས་ཟླ་གཅིག་ལ་སྒོ་རྒྱག་པའི་ཆད་པ་བཅད། གུ་ཆེ་གེ་མོས་རང་ཉིད་ཀྱི་ནོར་འཁྲུལ་ངོས་འཛིན་གཏིང་ཟབ་བྱས་ནས་སྐྱོན་བརྗོད་དང་ལེན་བྱས་པར་མ་ཟད《དྲ་རྒྱའི་བྱ་སྤྱོད་ཚད་ལྡན་དུ་གཏོང་རྒྱུའི་འགན་ལེན་ཡི་གེ》དང《གུང་ཧོ་རྫོང་གི་དྲ་རྒྱའི་ཐད་གཏོང་མཁན་གྱི་བྱ་སྤྱོད་ཚད་ལྡན་དུ་གཏོང་རྒྱུའི་ཁས་ལེན་ཡི་གེར》མིང་རྟགས་བཀོད།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་།
原文来源/共和融媒 西海都市报
责编/冷公加
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
