ནུབ་མཚོ་གྲོང་རྡལ་གསེར་མཚེའུ་དར་ཐོག་སྤྲོ་སྐྱིད་གླིང་ག་སྒོ་འབྱེད་རྒྱུ་རེད།
རིག་གནས་ཡུལ་སྐོར་ལུས་རྩལ་མཉམ་འདྲེས་འཕེལ་རྒྱས་སྔར་ལས་གཏིང་ཟབ་ཏུ་གཏོང་བ་དང་དགུན་དཔྱིད་དུས་ཀྱི་རིག་གནས་ཡུལ་སྐོར་ཁྲོམ་ར་གསར་སྤེལ་དང་། ཁྱབ་གདལ་དང་ཁྲིད་སྟོན་བྱེད་ཤུགས་ཆེ་རུ་བཏང་ནས་མདའ་བཞིའི་གངས་འཁྱགས་ཡུལ་སྐོར་གྱི་ལེགས་ཆའི་གནས་བབ་སྔོག་འདོན་གཏིང་ཟབ་བྱས་ཏེ། དགུན་དཔྱིད་དུས་ཀྱི་མདའ་བཞིའི་གངས་འཁྱགས་ཡུལ་སྐོར་ཁྲོམ་རར་སྐུལ་སློང་བྱ་ཆེད། མཚོ་བྱང་ཁུལ་ཨུ་དང་ཁུལ་སྲིད་གཞུང་། མདའ་བཞི་རྫོང་ཨུ་དང་རྫོང་སྲིད་གཞུང་གི་དགུན་དུས་ཡུལ་སྐོར་བྱ་བའི་བཀོད་སྒྲིག་གཞིར་བཟུང་ནས། ནུབ་མཚོ་གྲོང་རྡལ་གསེར་མཚེའུ་དར་ཐོག་སྤྲོ་སྐྱིད་གླིང་ག་ཉེ་ལམ་དངོས་སུ་ལས་གཉེར་བྱ་བརྩིས་ཡོད་པས། ལྷག་བསམ་ཟོལ་མེད་ངང་རྒྱ་ཆེའི་མང་ཚོགས་དང་ཡུལ་སྐོར་བ་གངས་འཁྱགས་རོལ་རྩེད་ཉམས་ལེན་དང་ཁྱད་ལྡན་ཟས་མཆོག་ལ་རོལ་མྱོང་བྱེད་པར་གདན་འདྲེན་ཞུ་བཞིན་ཡོད།
ལས་གཉེར་དུས་ཚོད། 2024ལོའི་ཟླ12པའི་ཚེས30ཉིན་ནས་བཟུང་།
ས་གནས། མཚོ་བྱང་ཁུལ་མདའ་བཞི་རྫོང་ནུབ་མཚོ་གྲོང་རྡལ་གསེར་མཚེའུ་དར་ཐོག་སྤྲོ་སྐྱིད་གླིང་ག
ཟས་མཆོག་རོལ་མྱོང་གི་སྐོར་ལ། རྟ་ཐོག་བ་མ། ཚ་ཐབ་ཟས་མཆོག སྲེག་གོར། ཐབ་ཁར་ཇ་བསྐོལ་བ་སོགས་ཡོད།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། ཕག་མོ་ཚེ་བརྟན།
ལྟ་སྐུལ་བ། གཡང་འབུམ་ཚེ་རིང་།
来源/西海镇政府 责编/彭毛才旦
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
