དགུན་ཉི་ལྡོག་དང་དགུ་ཟུག་ཚུལ།
མིང་འགྲེལ།
1.དག་ཡིག་གསར་བསྒྲིགས་ལས། དུས་གཟེར་ཉེར་བཞིའི་ནང་གི་ཉི་མ་ཡར་ལྡོག་གི་དུས་གཟེར་ཏེ། ལུགས་གསར་གྱི་ཟླ་བ་བཅུ་གཉིས་པའི་ཉིན་ཉེར་གཅིག་པ་དང་ཉེར་གཉིས་པའམ་ཉེར་གསུམ་པ་གང་རུང་ཡིན་ཞིང་། ལུགས་རྙིང་གི་ཟླ་བ་བཅུ་གཅིག་པའི་ནང་ལ་འབྱུང་། 2.དུང་དཀར་ཚིག་མཛོད་ཆེན་མོ་ལས། ལོ་ལྟར་སྤྱི་ཟླ12པའི་ཚེས22ཉིན་དགུན་ཉི་ལྡོག་པ་སྟེ་ཉི་མ་རིང་དུ་འགྲོ་བ། 3.བོད་ཡིག་ཚིག་གཏེར་རྒྱ་མཚོ་ལས། ཕལ་ཆེར་བོད་ཟླ་བཅུ་གཅིག་པའི་ནང་དང་། སྐབས་འགར་བཅུ་པའི་ནང་དུ་ལྷོ་བགྲོད་མཐར་ཐུག་དགུན་ཉི་ལྡོག ལྡོག་དགུ་འདྲེན། སྤྱི་ཟླ་བཅུ་གཉིས་པའི་ཚེས21དང22གང་རུང་ལ་དགུན་ཉིན་ལྡོག 4.བོད་རྒྱ་ཚིག་མཛོད་ཆེན་མོ་ལས། ཧོར་ཟླ་བཅུ་གཅིག་པའི་སྒང་ལ་ལྷོ་བགྲོད་མཐར་ཐུག་ཉི་མ་ལྷོ་ནས་བྱང་དུ་ལྡོག་དགུ་འདྲེན། 5.སྨོན་ལམ་ཚིག་མཛོད་ཆེན་མོ་ལས། མིང་ཚིག རྩིས་རིག དུས་གཟེར་ཉེར་བཞིའི་ནང་གསེས་ཤིག་སྟེ། ཕྱི་ཟླ་བཅུ་གཉིས་པའི་ཚེས་ཉེར་གཅིག་ནས་ཉེར་གསུམ་བར་གྱི་དུས་སྐབས།
བོད་ཀྱི་དམངས་ཁྲོད་བཤད་སྲོལ་ལ། དགུན་ཉི་ལྡོག་སྐབས་སུ་ཉི་མ་ལྷོ་ཕྱོགས་གཤིན་རྗེའི་གྲོང་ནས་འཆར་བཞིན་ཡོད་སྟབས། དེས་ནད་ཡམས་དང་། མུ་གེ་སོགས་འགལ་རྐྱེན་བར་ཆད་མང་པོ་ཁྱེར་ནས་ཡོང་བཞིན་ཡོད་པར་མ་ཟད། ཉིན་དེར་ལོ་དེའི་རིང་ལ་འཆི་རེས་ལ་བབས་པའི་མི་རྣམས་ལ་གཤིན་རྗེའི་ཁྲམ་རྟགས་འདེབས་བཞིན་ཡོད་སྟབས། འགལ་རྐྱེན་དེ་དག་ཟློག་པའི་ཆེད་དུ་ཉི་ལོག་གཏོ་ཟློག་སྣ་ཚོགས་འདོན་སྲོལ་ཡོད། དཔེར་ན། དགོན་པ་རྣམས་ཀྱིས་ཕུར་ཟློག་དང་ཡས་ཟོར་སོགས་ཀྱི་གཏོར་ཟློག་དང་། གྲོང་ཆོག་པ་རྣམས་ཀྱིས་ཤེར་སྙིང་བདུད་ཟློག་དང་། སྒྲོལ་མ་གཡུལ་མདོས་སོགས་འདོན་སྲོལ་ཡོད་པ་རེད།
དགུ་ཟུག་ཚུལ།
མཐོ་སྒང་གི་དགུན་དུས་ཀྱི་ནམ་ཟླའི་དྲོ་འཁྱག་དང་བསྟུན་ནས་ཉི་མ་བྱང་བགྲོད་ཀྱི་དུས་རིམ་ལ་དགུ་ཟུག་ཅེས་ཉིན་དགུ་རེ་བགྲང་ནས་ཉིན་གྱ་གཅིག་གི་དུས་རིམ་ཡོད། དགུ་དང་བོ་ནས་བཞི་བའི་བར་ལ་རིམ་པ་བཞིན་ཇེ་འཁྱགས་ནས་ཇེ་འཁྱགས་ལ་འགྲོ་ཞིང་། དགུ་ལྔ་བ་ནས་རིམ་བཞིན་ཇེ་དྲོར་ཡོང་བའི་བཤད་སྲོལ་ཡོད་པར་མ་ཟད་དེར་དགུ་རེ་རེའི་དྲོ་འཁྱག་གི་རྣམ་པ་མཚོན་པར་བཤད་པའི་བཤད་སྲོལ་འདི་ལྟ་སྟེ།
ཡོང་ཁུངས། ཡོངས་འཛིན་དྲ་བ་སོགས།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་།
责编/冷公加
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
