ཞོགས་པའི་ཇ་ཡུན་གསར་འགྱུར།

གསར་འགྱུར་གལ་ཆེན།

➤ཟླ1པའི་ཚེས1ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕུང་དང་སྐུ་ཟླ་ཕིང་ལུས་ཡན་གྱིས་ཨ་རིའི་ཝ་ཧྲིང་ཏུན་ཀྲོའུ（美国华盛顿州）ཡི་སློབ་འབྲིང་གི་དགེ་སློབ་འཐུས་མིར་ལོ་གསར་གྱི་རྟེན་འབྲེལ་ཞུ་ཡིག་སྤྲད་པ་རེད། 

➤ཟླ1པའི་ཚེས2ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་ཨེ་ཁྭ་ཏོར（厄瓜多尔）གྱི་ཙུང་ཐུང་ནོ་ཝོ་ཡ་གཉིས་ཀྱིས་ཕན་ཚུན་རྟེན་འབྲེལ་གློག་འཕྲིན་བཏང་ནས་རྒྱལ་ཁབ་གཉིས་ཀྱིས་ཕྱི་འབྲེལ་འབྲེལ་བ་བཙུགས་ནས་ལོ45འཁོར་བར་རྟེན་འབྲེལ་ཞུས་པ་རེད། 

➤ལོ་གསར་མགོ་བརྩམས་རྗེས། དམག་དཔུང་གི་ལོ་འཁོར་གསར་པའི་དམག་དོན་སྦྱོང་བརྡར་མགོ་བརྩམས་པ་རེད། 

➤ཞིང་ལས་གྲོང་གསེབ་པུའི་ཞིང་ལས་གནས་ཚུལ་བཀོད་གཏོང་ལས་མངོན་པ་ལྟར་ན། མིག་སྔར། རྒྱལ་ཡོངས་ཀྱི་ཞིང་ནང་གི་སྔོ་ཚལ་རྒྱ་ཁྱོན་མུའུ་ཁྲི8300ལྷག་ཙམ་ཡོད་པ་དང་། དུས་མཚུངས་ལས་མུའུ་ཁྲི80ལྷག་ཙམ་མང་དུ་ཕྱིན་ཡོད་པ་རེད། 

➤རྒྱལ་ཁབ་གནས་སྤོས་དོ་དམ་ཅུ་ནས་གནས་ཚུལ་སྤེལ་བར་གཞིགས་ན། ད་ལོའི་ལོ་གསར་གྱི་གུང་གསེང་རིང་། རྒྱལ་ཡོངས་མཐའ་མཚམས་ཞིབ་བཤེར་ལས་ཁུངས་ཀྱིས་ཁྱོན་སྡོམ་ཀྲུང་གོ་དང་ཕྱི་རྒྱལ་གྱི་མི་སྣ་མི་ཐེངས་ཁྲི180.3རྒྱལ་མཚམས་ནས་འགྲོ་འོང་བྱེད་པར་འགན་ལེན་བྱས། དེ་ན་ནིང་གི་དུས་མཚུངས་ལས13.7%འཕར་ཡོད་པ་རེད། 

➤ཚེས1ཉིན་ནས་བཟུང་། རྒྱལ་ཁབ་སྨན་བཅོས་འགན་བཅོལ་ཅུས་ཁྱོན་ཡོངས་ནས་སྨན་རྫས་ཀྱི་རྗེས་འདེད་ཨང་རྟགས་ལ་ལྟ་སྐུལ་དོ་དམ་ནན་མོ་བྱ་རྒྱུར་སྐུལ་འདེད་གཏོང་རྒྱུ་རེད། 

➤རྒྱལ་ཁབ་ལྕགས་ལམ་ཚོགས་པས་གནས་ཚུལ་སྤེལ་བར་གཞིགས་ན། 2024ལོའི་ལོ་མཇུག་བར། རྒྱལ་ཡོངས་ཀྱི་ལྕགས་ལམ་ལས་གཉེར་ལམ་ཚད་སྤྱི་ལེ་ཁྲི16.2ཟིན་པ་དང་། དེའི་ནང་། མྱུར་བགྲོད་ལྕགས་ལམ་གྱིས་སྤྱི་ལེ་ཁྲི4.8ཟིན་ནས་རང་རྒྱལ་གྱི་མྱུར་བགྲོད་ལྕགས་ལམ་འཁོར་སྐྱོད་ལམ་ཚད་སླར་ཡང་ཟིན་ཐོ་གསར་པ་བཏོད་ཡོད་པ་རེད། 

➤ཚོང་དོན་པུ་ཡིས་སྤྱི་བསྒྲགས་སྤེལ་ནས་ཨ་རིའི་དངོས་ཚན28དེ་ཕྱིར་གཏོང་དོ་དམ་གྱི་མིང་ཐོའི（出口管制管控名单）ནང་འཇུག་རྒྱུ་རེད། 

➤ཚེས2ཉིན། ཀྲུང་གོས་ཧྲང་ཧའེ་མཉམ་ལས་རྩ་འཛུགས་ཀྱི2024ལོ་ནས2025ལོའི་རེས་འཁོར་ཀྲུའུ་ཞིའི་རྒྱལ་ཁབ་ཀྱི（轮值主席国）འགན་འཁུར་བའི་མཚོན་རྟགས་ཁྱབ་བསྒྲགས་བྱས་པ་རེད། 

➤ཀྲུང་དབྱང་གནམ་གཤིས་ལྟ་རྟོག་ཁང་གིས་རླུང་འཚུབ་ཆེན་པོའི་ཉེན་བརྡ་སྔོན་པོ་བཏང་བ་ལྟར་ན། དེ་རིང་བོད་ལྗོངས་ཀྱི་ས་ཁུལ་མང་ཆེ་བ་དང་། མཚོ་སྔོན་གྱི་དབུས་རྒྱུད་དང་ལྷོ་རྒྱུད། སི་ཁྲོན་ནུབ་རྒྱུད་ས་མཐོ། ནང་སོག་དབུས་རྒྱུད་དང་ནུབ་རྒྱུད་སོགས་ས་ཁུལ་ཁ་ཤས་སུ་རླུང་ཆེན་རིམ་པ5ནས7བར་དང་། ཐོལ་རླུང་རིམ་པ7ནས9བར་གཡུག་རྒྱུ་རེད། 

➤ཚེས1ཉིན་ནས་བཟུང་། 2025ལོའི་དམག་ཞབས་ཐོ་འགོད་ལས་དོན་དངོས་སུ་མགོ་བརྩམས་རྒྱུ་རེད། 

➤ཚེས2ཉིན་གྱི་དུས་ཚོད24ཉིན་ནས་བཟུང་། རྒྱལ་ནང་གི་རླངས་སྣུམ་དང་ཁྲའེ་ཡིའུ་སྣུམ་གྱི་རིན་གོང་ཏུན་རེར་སྒོར70འཕར་ཡོད། 

➤ཚེས2ཉིན། ཧུའུ་པེ་ཞིང་ཆེན་མི་དམངས་འཐུས་ཚོགས་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་བཞི་པའི་ཐོག  ལི་ཏན་ཞུན་ཧུའུ་པེ་ཞིང་ཆེན་མི་དམངས་སྲིད་གཞུང་གི་ཧྲེ་ཀྲང་གཞོན་པ་དང་ཧྲེ་ཀྲང་ལས་ཚབ་ཏུ་བསྐོ་གཞག་བྱ་རྒྱུའི་གཏན་འབེབས་བྱས་པ་རེད། 

➤ཚེས2ཉིན། ཉིང་ཞ་དབྱིན་ཁྲོན་གྲོང་ཁྱེར་ཅིན་ཧྥུང་ཆུས་སུ་ས་ཡོམ་རིམ་པ་4.6བྱུང་བ་དང་ཡོམ་ཁུངས་ཀྱི་གཏིང་ཚད་སྟོང་སྨི10ཟིན་ཡོད། 

➤ཏ་ལན་མཚོ་དོན་ཅུས་མཚོ་འགྲུལ་ཉེན་བརྡ་ཁྱབ་བསྒྲགས་བྱས་པ་ལྟར་ན། ཟླ1པའི་ཚེས3ཉིན་གྱི་དུས་ཚོད10དང་སྐར་མ30ནས་དུས་ཚོད15དང་སྐར་མ30བར་དང་། ཟླ1པའི་ཚེས4ཉིན་གྱི་དུས་ཚོད11ནས་དུས་ཚོད12བར། ཟླ1པའི་ཚེས6ནས་ཚེས10བར་གྱི་ཉིན་རེའི་དུས་ཚོད10ནས་དུས་ཚོད16བར་རྒྱ་མཚོའི་སེར་པོའི་བྱང་རྒྱུད་ཀྱི་མཚོ་ཁོངས་ཁག་གཅིག་ཏུ་མེ་མདའ་བརྒྱབ་ནས་དམག་སྦྱོང་བྱེད་རྒྱུ་ཡིན་པས་མཚོ་འགྲུལ་བྱེད་མི་ཆོག 

➤དྲ་རྒྱའི་ཐོག་མངོན་པའི་ཧྲན་ཞི་ཏ་ཐུང་གྲོང་ཁྱེར་མི་དམངས་སྨན་ཁང་དང་པོའི་འབྲེལ་ཡོད་མི་སྣ་ཞིག་ལ་ཕྲུ་གུ་ཉོ་ཚོང་བྱེད་པའི་དོགས་གཞི་ཡོད་པའི་དོན་དག་ལ་དམིགས་ནས། ཏ་ཐུང་གྲོང་ཁྱེར་གྱིས་མཉམ་འབྲེལ་བརྟག་དཔྱད་ཚོགས་ཆུང་བཙུགས་ནས་བརྟག་དཔྱད་ལས་དོན་སྤེལ་བ་རེད། 

➤རྒྱལ་ཡོངས་ཀྱི་བཟའ་བཅའི་བདེ་འཇགས་བསྡུ་རུབ་མ་ལག（食品安全征集系统）ཚེས2ཉིན་དངོས་སུ་དྲ་ཐོག་ཏུ་སྤྱོད་པ་དང་། འཛད་སྤྱོད་པས་མ་ལག་ནང་ཞུགས་ནས་རང་ཉིད་ཀྱིས་དོ་ཁུར་བྱེད་པའི་བཟའ་བཅའི་ཆ་འཕྲིན་འབྲི་ཆོག་པ་རེད། 

➤རྒྱལ་ཁབ་གནམ་གཤིས་ལྟེ་གནས་ནས་གནས་ཚུལ་སྤེལ་བར་གཞིགས་ན། 2024ལོར། རང་རྒྱལ་གྱི་ཆ་སྙོམས་དྲོད་ཚད10.9℃ཡིན་པ་དང་། 1961ལོའི་ཚུན་གྱི་ལོ་རྒྱུས་ཀྱི་མཐོ་ཤོས་བཏོད་ཡོད་པ་རེད། 

➤2025ལོའི་སྐར་མདའི་ཁྱུ་ཚོགས（流星雨）ཐེངས་དང་པོ་དེ་ཚེས3ཉིན་འབྱུང་རྒྱུ་རེད། གནམ་རིག་ལ་དགའ་པོ་བྱེད་མཁན་ཚོས་ཚེས3ཉིན་གྱི་མཚན་མོ་ནས་ཚེས4ཉིན་གྱི་ཐོ་རེངས་བར་ལྟད་མོར་ལྟ་ཆོག་པ་རེད། 

➤ཧའེ་ནན་གྱིས་ཕྲུ་གུ་སྐྱེས་པའི་ལོ་དེར་ཧའེ་ནན་ཞིང་ཆེན་གྱི་གྲོང་ཁྱེར་དང་གྲོང་གསེབ་གྲོང་མིའི་གཞི་རྩའི་སྨན་བཅོས་འགན་བཅོལ་ནང་ཞུགས་པའི་མི་སྒེར་གྱིས་སྤྲོད་དགོས་པའི་གྲོན་དངུལ་ལ་ཆ་ཚང་རོགས་སྐྱོར་བྱ་རྒྱུའི་གཏན་འབེབས་བྱས་པ་རེད། 

➤སི་ཁྲོན་གྱིས་བརྡ་ཐོ་ཁྱབ་བསྒྲགས་བྱས་པ་ལྟར་ན། གྲོང་མིར་སྐས་རིམ་གློག་རིན་ལག་བསྟར་བྱེད་པར་མ་ཟད། ཁྱིམ་ཚང་གཅིག་གི་མི་འབོར་མི5ཡོད་པའི་ཁྱིམ་ཚང་གིས་ཁྱིམ་ཚང་རེར་ཟླ་རེར་སྐས་རིམ་གློག་ཚད་ཏུའུ100མང་དུ་གཏོང་རྒྱུའི་རེ་ཞུ་བྱས་ཆོག 

དེ་རིང་གི་གནམ་གཤིས།