སི་ཁྲོན་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཧོ་ཡན་ཀྲེང་སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་དང་སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་དུ་ཕེབས་ནས་བརྟག་ཞིབ་མཛུབ་ཁྲིད་གནང་།
ཉེ་ཆར། སི་ཁྲོན་ཞིང་ཆེན་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ཧོ་ཡན་ཀྲེང་གིས་ཞིང་ཆེན་མི་དམངས་འཐུས་ཚོགས་སློབ་གསོ་ཚན་རིག་རིག་གནས་འཕྲོད་བསྟེན་ཨུ་ལྷན་དང་། ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན། ཞིང་ཆེན་རིག་གནས་ཡུལ་སྐོར་ཐིང་། ཞིང་ཆེན་གྲངས་ཉུང་མི་རིགས་གནའ་དཔེ་སྲུང་སྐྱོབ་གཞུང་ལས་ཁང་། ཞིང་ཆེན་གནའ་དཔེ་སྲུང་སྐྱོབ་ལྟེ་གནས་སོགས་ཀྱི་འབྲེལ་ཡོད་སྡེ་ཚན་གྱི་འགན་འཁུར་བའི་སྣེ་ཁྲིད་དེ་སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་དང་སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་དུ་ཕེབས་ནས་བརྟག་ཞིབ་མཛུབ་ཁྲིད་གནང་བ་རེད།
སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་གི་སྤྱི་ཁྱབ་གཙོ་སྒྲིག་པ་དང་། སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་གི་ལས་འཛིན་གཙོ་བོ་མཁན་པོ་འཇམ་དབྱངས་དང་། སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་གི་ལག་བསྟར་གཙོ་སྒྲིག་པ་དང་། སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་གི་དབུ་ཁྲིད་གཙོ་བོ་ཀླུ་རྡེའུ་རྟ་མགྲིན་སྐྱབས་དང་སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་གི་ཏང་ཀྲི་པུའུ་ཧྲུའུ་ཅི་ཀྲུའུ་ཞའོ་རུའེ་བཅས་ཀྱིས་གནའ་དཔེ་སྲུང་སྐྱོབ་དང་། ལེགས་སྒྲིག ཨང་ཀི་ཅན། ཞིབ་འཇུག་དང་པར་སྐྲུན་སོགས་ཀྱི་ཐད་ནས་ཐོབ་པའི་གྲུབ་འབྲས་སྙན་སེང་ཞུས།
བརྟག་ཞིབ་ཚོགས་ཆུང་གི་འགོ་ཁྲིད་ཚོས་གནའ་དཔེ་སྲུང་སྐྱོབ་དང་བེད་སྤྱོད་ཐད་འཕྲད་པའི་དཀའ་ངལ་དང་གནད་དོན་གཙོ་བོ་སོགས་ལ་ཐུགས་ཁུར་འདྲི་རྟོགས་གནང་ལ། གནའ་དཔེ་ཁྱབ་བསྒྲགས་དང་ཁྱབ་གདལ་གཏོང་ཚུལ་དང་འབྱུང་འགྱུར་གྱི་བྱེད་ཐབས་གསར་གཏོད་ཐད་ལ་རྒྱུས་ལོན་ཟབ་མོ་བྱས་ནས་རྗེས་ཕྱོགས་བྱ་བའི་དམིགས་ཚད་ཐད་བླང་བྱ་གསར་གཏོན་གནང་།
གནའ་དཔེ་སྲུང་སྐྱོབ་ལས་དོན་ནི་འགན་འཁྲི་རི་ལས་ལྕི་བ་དང་ལས་དོན་སྒྲུབ་ཡུན་རིང་བས། ཤེས་ལྡན་མི་སྣ་གསོ་སྐྱོབ་དང་མ་དངུལ་གཏོང་ཤུགས་ཆེ་རུ་གཏོང་བ་དང་སྤྱི་ཚོགས་སྟོབས་ཤུགས་ཀྱིས་གནའ་དཔེ་སྲུང་སྐྱོབ་ཐད་ལ་ནུས་པ་བཏོན་པར་བྱེད་དགོས་ལ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་རྒྱུད་འཛིན་དང་དར་སྤེལ་གཏོང་རྒྱུའི་སྐོར་གྱི་དགོངས་དོན་དོན་འཁྱོལ་བྱ་དགོས། སི་ཁྲོན་བོད་ཡིག་གནའ་དཔེ་ལེགས་སྒྲིག་ཁང་། སི་ཁྲོན་ཞིང་ཆེན་སྤོས་ལྡན་བོད་ཡིག་གཙུག་ལག་རྟེན་མཛོད་གླིང་གིས་ཚན་རིག་དང་མཐུན་པའི་སྒོ་ནས་གནའ་དཔེ་འཚོལ་བསྡུ་དང་། ལེགས་སྒྲིག། སྲུང་སྐྱོབ། བེད་སྤྱོད་བཅས་བྱ་རྒྱུར་ཤུགས་སྣོན་བརྒྱབ་ནས་གནའ་དཔེ་སྲུང་སྐྱོབ་ཀྱི་ལོ་རྒྱུས་ཀྱི་འགན་འཁྲི་འཁུར་ཐོག། གནའ་དཔེ་སྲུང་སྐྱོབ་ཀྱི་བྱ་གཞག་རླབས་པོ་ཆེ་འདིར་ལེགས་པོ་སྒྲུབ་ངེས་སོ།།
རྩོམ་སྒྲིག་པ། ལྷ་མོ་བཀྲ་ཤིས།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། བཀྲ་ཤིས་ཉི་མ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
