كۆپ قىسىملىق يېڭى ئەسەر
ئەسەر ھەققىدە
ھوزۇرىڭىزدا بولۇۋاتقىنى ئارافات ئۆزلەشتۈرۈپ تەييارلىغان، گۈزەلىم سالونىمىزدا ھەر كۈنى بىر قىسىمدىن تارقىتىلىدىغان «يولدىن چىققان ئايال» ناملىق روماننىڭ يازما ۋە ئاۋازلىق نۇسخىسى. بىزنى قوللاپ دوستلىرىڭىز ۋە چەمبىرەكلەرگە تەۋسىيە قىلىۋېتىپ ئاندىن ئەسەر ئوقۇشنى باشلاپ كېتىڭ!
باشقا قىسىملىرى
بۈگۈنكى قىسىمى
چىمەنگۈل قەيسەرنىڭ يۆلىشى بىلەن ئاستا ئورنىدىن تۇرۇپ:
-مەن بىر قېتىم سىرتقا چىققاندا، ئىختىيارسىز ئۇنى كۆرۈپ قالدىم. بىراق ئۇ چىرايىنى بۇزۇلۇپ كەتتى،دەپ، مېنى يېقىن كەلتۈرمىدى،-ئۇ شۇنداق دېگەچ ئىختىيارسىز كىيىمىنى چىڭ سىقمىدىدى،-بىلسەن، مەن كىچىكىمدىن تارتىپلا ئۇنى ياخشى كۆرەتتىم، ئۇنىڭ بىز بىلەن قانداشلىق مۇناسىۋىتى يوق ئىكەنلىكىنى بىلگەچكە، چوڭ بولغاندىلا ئۇنىڭغا ياتلىق بولۇشنى ئارزۇ قىلىپ كېلىۋاتاتتىم ...شۇنىڭ بىلەن، ئۇنىڭ چىرايى بۇزۇلۇپ، كور بولۇپ قالغانلىقىنى كۆرۈپ، ئۇنىڭدىن ئەنسىرەپ، مېنىڭ يېنىمدا بولۇشىمغا قوشۇلۇشنى ئېيتتىم.شۇ مەزگىلدە، ئۇ تېرە كۆچۈرۈش ۋە داۋالاش بىلەن شۇغۇللانغانىدى، مەن ئۇنىڭ دەردىنى كۆرۈپ، مۇۋاپىق مۈڭگۈز پەردە تاپالماي، قاراڭغۇ بازارغا بېرىپ، ئۆزۈمنىڭكىنى ئۇنىڭغا بەردىم ...
-چىمەنگۈل، ساراڭ بولۇپ قالدىڭمۇ؟-قەيسەر بۇ گەپنى ئاڭلاپ، ئۆزىنىڭ كەيپىياتىنى پۈتۈنلەي كونترول قىلالماي:،-سەن ئۇنى ساقايتماقچى بولساڭمۇ نېمىشقا قايتىپ كەلمىدىڭ؟ بىر جۈپ مۈڭگۈز پەردىنىڭ پۇلىنى بىز چىقىرالماي قالاتتۇقمۇ؟!
-چۈنكى، ئاپام مېنىڭ ئۇنى ياخشى كۆرىدىغانلىقىمنى بىلىپ قالدى، يەنە ماڭا ئۇنىڭ بىلەن بىللە بولساڭ، سەندەك قىزىم يوق دېدى،-چىمەنگۈل قەيسەرگە قاراپ،-قەيسەر، مەن خاتا قىلدىم، ئۆيدىكىلەرنىڭ گېپىنى ئاڭلىماي، كۆزۈمدىن ئايرىلىپ قالدىم، يەنە ... ،-ئۇ سۆزلەۋېتىپ قورسىقىنىڭ تۆۋەن قىسمىنى سىلاپ تۇرۇپ،-: «ئۇ مېنىڭ مۈڭگۈز پەردەم ئارقىلىق يورۇقلۇقنى ئەسلىگە كەلتۈردى، مەن ئۆزۈمنىڭ تۆلىگەن بەدىلىمنىڭ ئەرزىيدىغانلىقىنى ھېس قىلدىم، يەنە تېخى ھامىلدار بولغان ئىشنى ئۇنىڭغا ئېيتتىم. بىراق، ئۇ بالىنى چۈشۈرۋەت دېدى ...مەن شۇ چاغدا ساراڭدەك يالۋۇردۇم، لېكىن ئۇ بىر ئېغىزمۇ گەپ قىلمىدى، يەنە تېخى بايىلا ئەما بولۇپ قالغانلىقىمغا قارىماي، مېنى سۆرەپ ئوپېراتسىيە ئۆيىگە ئاپاردى. بالا مېنىڭدىن ئايرىلغان چاغدىكى تۇيغۇ ھازىرغىچە يادىمدا ...
چىمەنگۈل ئازابلانغان ھالدا ياش تۆكتى.
-قەيسەر، مەن ئۆزۈمگە، ئۇنىڭغا بەك ئۆچ! مەن بالامنى قوغدىيالمىدىم، يەنە ئون يىللىق ھاياتىمنى نابۇت قىلدىم!
گۈلزىرە بۇ گەپنى ئاڭلاپ، كۆڭلى ئاچچىق بولۇپ كەتتى.
چىمەنگۈل يورۇقلۇق ۋە ئۈمىدتىن ئايرىلىپ قالدى، يەنە تېخى ئۆزى ياخشى كۆرىدىغان ئادەم تەرپىدىن، ئۇ بۇ ئازابنى ھېس قىلىپ، چوڭقۇر ھېسداشلىق قىلدى.
-چىمەنگۈل، يىغلىما!-قەيسەر ئۇنى چىڭ قۇچاقلاپ تۇرۇپ،-خاتىرجەم بول، مەن چوقۇم ئىنتىقامىڭىنى ئېلىپ بېرىمەن! يەھيا،زادى قەيەردە بولسۇن، مەن ئۇنى تېپىپ چىقىمەن. ئۇنىڭ كۆزىنى كولاپ، زەنجىردە باغلاپ، ئۇنى مەڭگۈ سېنىڭ ئالدىڭىدا تىزلاندۇراىمەن! ئۆلگەندىن بەتتەر قىلۋېتىمەن!
بىر چەتتە تۇرغان گۈلزىرە قەيسەرنىڭ سوغۇق تەلەپپۇزىدىن قورقۇپ كەتتى، بىراق، ئۇنىڭ كۆڭلىنى ناھايىتى چۈشەندى.
ئەگەر زىيانكەشلىككە ئۇچرىغىنى ئۆزىنىڭ تۇغقىنى بولسا، ئۇمۇ ئوخشاش شۇنداق قىلىدۇ.
كېسەل كارۋىتىدا ياتقان چىمەنگۈل قەيسەرنىڭ قولىنى تۇتۇپ تۇرۇپ:
-قەيسەر، ماڭا ياردەم قىلما، ئەگەر ئۇنى كۆرۈپ قالسام، بۇ قىساسنى ئۆزۈم ئالىمەن!- دېدى.
چىمەنگۈل قەيسەرنى چىڭ تۇتۇپ يالۋۇردى:
- ماڭا ماقۇل بولغىن، بولامدۇ؟
قەيسەرنىڭ كۆڭلى ھەرقانچە يېرىم بولسىمۇ، بىراق كىچىكىدىن بىللە ئويناپ چوڭ بولغان چىمەنگۈلنىڭ ئۆزىگە شۇنچە يالۋۇرۇۋاتقانلىقىنى كۆرۈپ، بېشىنى لىڭشىتىپ:
-بولىدۇ، بىراق مەن سېنىڭ باغرى يۇمشاقلىق قىلماسلىقىڭىنى ئۈمىد قىلىمەن!- دېدى.
-مەن ئۇنداق قىلمايمەن!-چىمەنگۈل شۇنداق دېگەچ، ئاستا - ئاستا كۆزىنى سىلاپ تۇرۇپ،-قەيسەر، مېنىڭ كۆزۈم يەنە ئەسلىگە كېلەرمۇ؟- دېدى.
-مەن ھازىرلا دوختۇر چاقىرىپ كۆرسىتىمەن.
قەيسەر شۇنداق دېگەچ ئورنىدىن تۇردى.
ئۇنىڭ ھېلىمۇ ئېسىدە، ئەينى چاغدا چىمەنگۈلنى بايقىغان چاغدا، ئۇ ئورۇقلاپ قەغەزدەك بولۇپ قالغان ئىدى، بىراق، ئۇلار ئۇنىڭدىن نېمە ئىش بولغانلىقىنى سورىغاندا، ئۇ كىشىنى ھەيران قالدۇرىدىغان كۈچىنى چىقارىغان.
ئۇ چاغدا، ئۆيىدىكىلەر ئۇنىڭغا دوختۇر تېپىپ كۆرسەتمىگەن ئەمەس ئىدى، لېكىن، دوختۇر ئۇ ساراڭ بولۇپ قالغاچقا، كۆرەلىگەن تەقدىردىمۇ، ئۆزىنى قارىغۇ قىلىپ قويۇشى مۇمكىنلىكىنى ئېيتتى.
ئۇ چاغدا، ئۇ ئۆزىنى قارىغۇ بولغاچقا، يەھىيانى ياخشى كۆرۈپ قالغاندىمەن دەپ ئويلىغاندۇ؟
كېيىن ئۇ بارغانسېرى باشقىلارنىڭ يېقىنلىشىشىدىن، سۇدىن قورقىدىغان بولۇپ قالدى، كەيپىياتى دائىم تۇيۇقسىز ئۆزگىرىپ، بەزىدە سەگەك، بەزىدە قالايمىقان بولۇپ كەتتى.
ھېلىمۇ ياخشى، ھەممە ئىش ئاخىرى ئاخىرلاشتى.
دوختۇر ناھايىتى تېزلا كېلىپ، چىمەنگۈلنى ئىتتىرىپ كۆز بۆلۈمىگە ئاپاردى.
تەكشۈرۈش ئارقىلىق، دوختۇر ئۇنىڭ كۆزىدە مەسىلە يوقلىقىنى، ئەينى چاغدا قاراڭغۇ بازاردىن مۈڭگۈز پەردىسىنى ئالغان بولسىمۇ، لېكىن قولى پىشقان دوختۇر قىلغانلىقىنى، باشقا يېرى زەخمىلەنمىگەنلىكىنى، ھازىر بىر جۈپ مۈڭگۈز پەردىسىنى قايتىدىن كۆچۈرسىلا ئەسلىگە كېلىدىغانلىقىنى ئېيتتى.
قەيسەر بۇنى ئاڭلاپ دەرھال مۈڭگۈز پەردە كۆچۈرۈشنى ئالدىن كېلىشىپ قويدى، ئاندىن چىمەنگۈلنى ئېلىپ بالنىستقا كىردى.
ئەلدار ئۆيدە گۈلزىرەنىڭ ھېكايىسىنى ئاڭلاپ، چىمەنگۈل ئۈچۈن كۆڭلى يېرىم بولدى.
ئۇ مېڭىپ، چىمەنگۈلنىڭ قولىغا ئاۋايلىغىنىچە تېكىلىپ:
-ھەدە ...-دەپ چاقىردى.
ئۇ ئوغۇل بالىنىڭ ئاۋازىنى ئاڭلىغاندىن كېيىن،ئۇنىڭ بۇرنى ئېچىشىپ:
-ھە،- دەپ قويدى.
-ھەدە، كۆڭلىڭىزنى يېرىم قىلماڭ، سىز مەن كۆرگەن ھاممامدىن باشقا ئەڭ چىرايلىق ئايال! سىز كېيىن چوقۇم بەك بەختلىك بولۇپ كېتىسىز!
ئوغۇل بالىنىڭ تەسەللىسىدىن چىمەنگۈلنىڭ ئاۋازى بوغۇلۇپ:
- ئىسمىڭىز نېمە؟كۆزۈم ساقايغاندا، سىزنى چوقۇم ياخشى كۆرىمەن،-دېدى.
-مېنىڭ ئىسمىم ئەلدار.
-بەك يېقىملىق ئىسىم ئىكەن. ئەگەر ئەينى چاغدىكى بالام ھايات بولغان بولسا، سىزدىن چوڭ بولغان بولاتتى. ئەگەر ئۇ ھايات بولغان بولسا، چوقۇم سىز بىلەن بىللە ئوينىغان بولاتتى ...
سۆزلەۋېتىپ، ئۇنىڭ كۆز يېشى يەنە چۈشۈپ كەتتى.
بەلكىم بالىنىڭ ئالدىدا ياش تۆككۈسى بولمىغاچقىمىكىن، چىمەنگۈل يۈزىنى بىر چەتكە قايرىۋالدى.
-ھەدە، يىغلىماڭ، يىغلىماڭ! سىزنىڭ كېيىن چوقۇم يەنە بالىڭىز بولىدۇ.ماڭا ئىشىنىڭ جۇمۇ! مەن دېگەن ئاكا بولىمەن، كېيىن سىزگە ياردەملىشىپ بېقىشىپ بېرىمەن،-دېدى.
ئۇنىڭ تەسەللىسىنى ئاڭلاپ، چىمەنگۈل ھەقىقەتەن ياخشى بولۇپ قالغاندەك بولدى.
ئۇ بېشىنى لىڭشىتىپ، ئۇنىڭغا قاراپ كۈلۈمسىرەپ:
-ماقۇل!- دېدى.
چىمەنگۈل ئۇزۇن مەزگىل ھەرىكەت قىلمىغاچقا، تېنى ئاجىز بولغاچقا، دوختۇر بىر يۈرۈش كونكرېت ئوزۇقلۇق ۋە بەدەن چېنىقتۇرۇش لايىھىسىنى ئوتتۇرىغا قويدى.
يەتتە سائەت كۆزەتكەندىن كېيىن، كۆپچىلىك قاراڭغۇ چۈشۈپ كەتكەنلىكىنى كۆرۈپ، دوختۇرخانىدىن چىقىشقا تەييارلىق قىلدى.
لېكىن دەل شۇ چاغدا قەيسەرنىڭ يان تېلېفونى سايرىدى.
ئۇ تېلېفوننى سىيرىپ ئالدى، چىراي ئىپادىسى تەمكىن ھەم ھەيران قالارلىق بولدى.
ئۇ يان تېلېفوننى يىغىپ:
-چىمەنگۈل، بايا دوختۇر ئۇقتۇرۇش قىلدى، دەل بىرسى مۈڭگۈز پەردە تەقدىم قىپتۇ!-دېدى.
كۆپچىلىك بۇنى ئاڭلاپ بىردىنلا ھەيران قالدى.
شۇنىڭ بىلەن ئۇلار بىرلىكتە تېز سۈرئەتتە دوختۇرخانىنىڭ كۆز بۆلۈمىگە يېتىپ كەلدى.
بۇ دۇنيادا بىر نەچچە ئائىلە خۇشال بولسا،يەنە، بىر نەچچە ئائىلە غەم قىلىدۇ.
چىمەنگۈلگە بىر ياش يىگىت مۈڭگۈز پەردسىنى بەرگەن ئىدى.
ئەر تۇيۇقسىز ئۆلۈپ كېتىپ، ئىشىسىز ئايالىنى ۋە بىر جۈپ ئوغۇل - قىزىنى قالدۇرۇپ قويدى.
بىر ئائىلە كىشىلىرى يىغلاپ يۈرىكى پارە - پارە بولۇپ كەتكەن بولسىمۇ، لېكىن يەنىلا ئەرنىڭ ھايات ۋاقتىدىكى ئارزۇسى بويىچە مۈڭگۈز پەردىسىنى تەقدىم قىلدى.
چىمەنگۈل ئوپېراتسىيە ئۆيىگە ئېلىپ كىرىلدى، قەيسەر بولسا دەرھال ئىلھام بىلەن ئالاقىلىشىپ، تۈۋرۈكى تۇيۇقسىز ئۆرۈلۈپ چۈشكەن بۇ ئائىلىگە ياردەم بېرىپ، ئۇلارنىڭ بىر ئۆمۈر كىيىم ـ كېچەك، يېمەك ـ ئىچمەكتىن غەم قىلماسلىقىغا كاپالەتلىك قىلشىنى بۇيرۇدى.
مۈڭگۈز پەردە كۆچۈرۈشتە شەكىل ماسلاشتۇرۇش ھاجەتسىز، ئوپېراتسىيەمۇ ھازىر ناھايىتى پىشىپ يېتىلدى، شۇڭا، كېچىلىك ئوپېراتسىيە ئاخىرلاشقاندا، چىمەنگۈل ئون يىلدىن بۇيان يورۇقلۇق ئاتا قىلىپ باقمىغان سالاھىيەتكە ئىگە بولدى.
گەرچە ئوپېراتسىيە ناھايىتى مۇۋەپپەقىيەتلىك بولغان بولسىمۇ، لېكىن ھازىر داكىنى ئاچقىلى بولمايتتى.
قەيسەر قاتارلىقلار ئوپېراتسىيە ئۆيىنىڭ ئالدىدا ساقلاپ تۇردى، يەنە ھېلىقى تەقدىم قىلغۇچىنىڭ ئايالىمۇ بار ئىدى.
ئايالى ئون يىل ھەمراھ بولغان ئېرىدىن ئايرىلىپ قالدى، ئەمما بۇ دەقىقىدە، ئېرىنىڭ ھاياتىنىڭ يەنە بىر ئادەمنىڭ ۋۇجۇدىدا يەنە بىر خىل داۋاملىشىشقا ئېرىشكەنلىكىنى كۆردى.
دۇنيادىكى نۇرغۇن ئىشلار ھەمىشە شۇنداق بولىدۇ، ئەڭ زۇلمەتلىك، ئۈمىدسىزلىك ئىچىدە، ھەمىشە ئازراق يورۇقلۇق ۋە داۋاملىق بەرداشلىق بېرىشنىڭ سەۋەبىنى تاپقىلى بولىدۇ.
چىمەنگۈل داكىنى ئېلىۋەتكەن كۈنى ئىلھام ئەلدارنى ئېلىپ كەلدى.
كۆپچىلىك بىرلىكتە كارىۋات يېنىدا تۇرۇپ، جىددىيلەشكەن ھالدا بۇ پەيتنى كۈتتى.
داكىنى ئاستا - ئاستا ئالدى، ئۆي ئىچى ناھايىتى قاراڭغۇ بولۇپ، قاتمۇقات دېرىزە پەردىسى، ئەسلىدىكى كۈچلۈك قۇياش نۇرىنى توسۇپ تۇراتتى.
چىمەنگۈلنىڭ كىرپىكلىرى تىترەپ، ئاستا - ئاستا كۆزىنى ئاچتى.
ئۇ غۇۋا ئۆيدە بىر نەچچە ئادەمنىڭ ئۇنىڭ كۆزىگە تىكىلىپ تۇرغانلىقىنى كۆردى.
ئۇ بىر - بىرلەپ قارىدى، ئەڭ ئاخىرىدا نەزىرىنى قەيسەرگە قاراتتى.
ئون يىل بولدى، ئۇ ئۇنى كۆرمىگىلى ئون يىل بولدى.
ئون يىل بۇرۇن، ئۇ ئەمدىلا 20 ياشتىن ئاشقان ئوغۇل بالا ئىدى، ھېلىمۇ ئېسىدە، ئۇ ئۆيدىن چىقىپ كېتىشتىن بۇرۇن، قەيسەرنى ئۆيىدىكىلىرى ئەركىلىتىپ يامان ئۆگىتىپ قويغان بايۋەچچە ئىدى، گەرچە ئۇ سودا جەھەتتە نۇرغۇن تالانتىنى نامايەن قىلغان بولسىمۇ، لېكىن، يەنىلا بەك تەنتەك ئىدى.
شۇ تاپتا، ئالدىدا كاستۇم - بۇرۇلكا كىيگەن، كېلىشكەن، پىشقان ئەر راستىنلا شۇ شۇمۇ؟
دەرۋەقە، ئون يىلدا ھەممە ئادەم ئۆزگىرىپتۇ، ئەپسۇسكى، ئۇ يەنىلا ئۆز ئورنىدا، پەقەت يىللارلا چىرايىدا ئىزنا قالدۇرۇپتۇ.
-قەيسەر!-چىمەنگۈل لېۋىنى چىشلەپ، قولىنى ئاچتى.
قەيسەرمۇ ئوخشاشلا قولىنى سوزۇپ، ئۇنى باغرىغا باستى.
- چىمەنگۈل، سەن كۆرەلىدىڭمۇ؟مېنى كۆرەلەيدىغان بولدۇڭ، شۇنداقمۇ؟
-ھە، مەن ھەممىنى كۆردۈم،قەيسەر، سەن چوڭ بوپسەن.
-ئون يىل، قانداقمۇ چوڭ بولماي تۇرالايمەن؟
قەيسەر ئۇھ تارتتى.
ئەمەلىيەتتە، ئۇلار تۆتەيلەن كىچىكىدىنلا بىللە چوڭ بولغان، بىرى يوقاپ كەتكەن، بىرى ئاسىيلىق قىلغان، بىرى ساراڭ بولۇپ قالغان، پەقەت ئۇلا قالغان.
كۆپ ھاللاردا، ئۇ ئېگىزدە تۇرۇپ، ھەتتا، ئەگەر مۇمكىن بولسا،ھەممىنى كىچىك ۋاقتىدىكىدەك ئىناقلىققا ئالماشتۇرغىلى بولسا، بارلىق كۈچۈمنى چىقىرىشنى خالايتىم، دەپ ئويلايتتى.
ئەپسۇسكى، ئىلگىرى ئۇ يەھيانى چۈشىنەلمىگەن، ھەتتا قوشكېزەك ئىنىسىنىمۇ چۈشىنەلمىگەن.
ئۇلار بىر ئانىنىڭ قورسىقىدىن چىققان تۇرۇپ، گەرچە چىرايى ئانچە ئوخشىمىسىمۇ، نېمىلا دېگەن بىلەن قېرىنداش ئاكا - ئۇكىلار ئىدىغۇ، ئۇ كىچىكىدىن تارتىپلا قەھىرىمانغا ناھايىتى ياخشى مۇئامىلە قىلاتتىغۇ، ئەمما بۇلار نېمىگە تەڭ بولدى، پەقەت يەتتە يىل بۇرۇنقى ئۇرۇش - تالاشقا تەڭ بولدى.
يەھىيا بولسا كىچىكىدىن قىزلار بىلەن ئويناشنى ياقتۇرمايتتى، لېكىن چىمەنگۈل بىلەن يەنىلا ناھايىتى يېقىن ئىدى، ئەڭ ئاخىرىدا شۇ ئىشقا ئۇچراپ، شۇنىڭدىن كېيىن باشقا بىر ئادەمگە ئايلىنىپ قالدى.
دۇنيا ئىشلىرى تۇراقسىز، ئۇلار ئۆتمۈشكە ئەمدى ھەرگىز قايتالمايدۇ...
-چىمەنگۈل، مەن چوڭ بولمىسام بولمايدۇ.
قەيسەر شۇنداق دېگەچ ئۇنى ئاستا قويۇۋەتتى.
-ھېلىمۇ ياخشى ئېسىڭگە كەلدىڭ.
ئۇ بېشىنى لىڭشىتىپ، ئاندىن ئۆيدىكى گۈلزىرە بىلەن ئەلدارغا قارىدى.
قەيسەر ئۇلارنى يېقىن ئېلىپ كېلىپ:
-بۇ ئەلفىرە، بۇ ئەلدار،-دەپ تونۇشتۇردى.
چىمەنگۈلمۇ ئەلفىرەنى ئېسىگە ئالدى.
ئەسەرنىڭ تېخىمۇ كۆپ قىسىملىرىنى ئوقۇماقچى بولسىڭىز ئاستىدىكى ئەسەر مۇقاۋا رەسىمىنى چېكىپ ئەپچىدىن ئوقۇسىڭىز بولىدۇ. مۇشۇ رەسىمنى چەكسىڭىز تېخىمۇ كۆپ قىسىملىرى چىقىدۇ👇
