2025ལོའི་ཟླ་1ཚེས་7ཉིན་གྱི་ཆུ་ཚོད་9དང་སྐར་མ་5ལ། བོད་ལྗོངས་གཞིས་ཀ་རྩེ་གྲོང་ཁྱེར་དིང་རི་རྫོང་དུ་ས་ཡོམ་རིམ་པ་6.8བརྒྱབ་པས། རང་སྐྱོང་ལྗོངས་འཕྲལ་སྡོམ་བཀོད་འདོམས་པུས་ས་ཡོམ་གྱི་གནས་ཚུལ་དང་གནོད་འཚེའི་གནས་ཚུལ་ལ་གཞིགས་ཏེ་བོད་རང་སྐྱོང་ལྗོངས་ཀྱི་ས་ཡོམ་གྱི་འཕྲལ་སྡོམ་རིམ་པ་དང་པོ་བྱེད་འགོ་བཙུགས་ནས། ནུས་ཤུགས་ཡོད་རྒུས་ཡོམ་འགོག་གེགས་སེལ་གྱི་ལས་དོན་སྤེལ་ཡོད།
ས་ཡོམ་བརྒྱབ་ཚུན་ཕྱོགས་ཁག་གིས་ཐུན་མོང་ཐོག་འབད་བརྩོན་བྱས་པ་བརྒྱུད། གེགས་ཁུལ་གྱི་སྒྲིག་ལམ་ཁག་རིམ་བཞིན་སླར་གསོ་བྱུང་ཡོད་པས།༼བོད་རང་སྐྱོང་ལྗོངས་ཀྱི་ས་ཡོམ་འཕྲལ་སྡོམ་སྔོན་ཇུས་༽ནང་འཁོད་པའི་འཕྲལ་སྡོམ་བྱེད་མཚམས་འཇོག་རྒྱུའི་སྐོར་གྱི་འབྲེལ་ཡོད་གཏན་འབེབས་ལྟར། རང་སྐྱོང་ལྗོངས་འཕྲལ་སྡོམ་བཀོད་འདོམས་པུས་2025ལོའི་ཟླ་1ཚེས་18ཉིན་གྱི་ཆུ་ཚོད་24ནས་བཟུང་། བོད་རང་སྐྱོང་ལྗོངས་ཀྱི་ས་ཡོམ་གྱི་འཕྲལ་སྡོམ་རིམ་པ་དང་པོ་བྱེད་མཚམས་བཞག་ནས་ལས་དོན་ཁག་བཀོད་སྒྲིག་རོགས་སྐྱོབ་དང་སླར་གསོ་བསྐྱར་སྐྲུན་དུ་བསྒྱུར་ཡོད།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། ཚེ་རིང་རྒྱ་མཚོ།
ཡིག་སྒྱུར། ཚེ་རིང་རྒྱ་མཚོ།
སྒྲ་འཇུག ཚེ་རིང་རྒྱ་མཚོ།
ཡོང་ཁུངས། བོད་ལྗོངས་ཉིན་རེའི་ཚགས་པར།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
