بەيدۇ تورى خەۋىرى، نۇر تورى تەرجىمىسى:
يېقىندا، تېسلا شاڭخەي دەرىجىدىن تاشقىرى زاۋۇتىنىڭ ھەر كۈنى تەخمىنەن 200 دانە يېڭىدىن ئۆزگەرتىلگەن Model Yنى ئىشلەپچىقىرىدىغانلىقى ئاشكارىلاندى، مۆلچەرلىنىشىچە بۇ ئايدىن باشلاپ بازارغا سېلىنىدىكەن.
ھەممىگە ئايانكى، Model Y تېسلانىڭ «نەق پۇل كاپالىتى» بولۇپ، بۇلتۇر پۈتۈن دۇنيادىكى سېتىلىش مىقدارى 1 مىليون 400 مىڭدىن ئېشىپ، ساپ توكلۇق بازىرىدا چېمپىيونلۇق ئورنىنى مۇقىملاشتۇرغان. بۈگۈنكى كۈندە، يېڭى نۇسخا تۇنجى قېتىم دۆلىتىمىزدە ئىشلەپچىقىرىلىدۇ، تېسلا ئېنىقلا بىر مەيدان چوڭ ھەرىكەتنى پىلانلاۋاتىدۇ!
يېڭى ئاپتوموبىلنىڭ يول سىنىقى سۈرىتىنى كۆرگەن تورداشلار بەس-بەستە مۇنداق دېيىشكەن: «يېڭى نۇسخىدىكى Model Y ھەقىقەتەن شەھەر تۇيغۇسىغا ئىگە، گەرچە ئومۇمىي كۆرۈنۈشىدىكى ئۆزگىرىش چوڭ بولمىسىمۇ، ئەمما ئىنچىكە ھالقىلىرىنىڭ يۇقىرى كۆتۈرۈلۈشى ھەقىقەتەن كىشىنى ھەيران قالدۇرىدۇ.»
ئاپتوموبىل بېشى لايىھەسى تېخىمۇ «خاسلىققا ئىگە»: يېڭى نۇسخىدىكى Model Yغا ئىنچىكە ھەم ئۆتكۈر ئالدى چوڭ چىراغ قوشۇلغان، قايتىدىن لايىھەلەنگەن ئالدى بىخەتەرلىك لىمى بىلەن ماسلاشتۇرۇلۇپ، ئاپتوموبىل بېشىنى تېخىمۇ خاسلىققا ئىگە قىلغان. قۇيرۇق قىسىمىنىڭ لايىھەسى تېخىمۇ «پەن-تېخنىكىلىق تۈسكە ئىگە». ئەڭ كۆرۈنەرلىك ئۆزگىرىش بولسا كېسىپ ئۆتكەن شەكىلدىكى قۇيرۇق چىراغ لايىھەسى قوللىنىلغان، بۇ نۆۋەتتىكى ئاپتوموبىل لايىھەسىنىڭ مودا يۈزلىنىشى. ئۇنىڭغا قايتىدىن لايىھەلەنگەن ئارقا بىخەتەرلىك لىمى قوشۇلۇپ، ئاپتوموبىلنىڭ قۇيرۇق قىسمى تېخىمۇ زامانىۋى ۋە ھەرىكەتچان كۆرۈنىدۇ.
ئىچكى بېزەك جەھەتتە، گەرچە كونكرېت تەپسىلاتى تېخى ئاشكارىلانمىغان بولسىمۇ، ئەمما تېسلانىڭ ئىزچىل ئۇسلۇبىغا ئاساسەن چوقۇم نۇرغۇن يۇقىرى پەن-تېخنىكا سەپلىمىلىرى قوشۇلىدۇ. بەلكىم يەنە Model S/Xكە ئوخشاپ كېتىدىغان «ئايروپىلان دەستىسى» رولىمۇ كىرگۈزۈلۈشى مۇمكىن، بۇنداق لايىھە كىشىلەرنى ئىنتايىن تەقەززا قىلىدۇ!
يېڭى ئېنېرگىيەلىك ئاپتوموبىلغا نىسبەتەن ئېيتقاندا، ئۇدا يۈرۈش مۇساپىسى ئېنىقكى ئەڭ مۇھىم ئورۇندا تۇرىدۇ. ئىگىلىنىشىچە، يېڭى نۇسخىدىكى Model Yغا سىغىمى 95 گىرادۇسقا يېتىدىغان باتارېيە گۇرۇپپىسى سەپلىنىدىكەن، مۆلچەرلىنىشىچە، CLTC ئىش ئەھۋالىدىكى ساپ توكلۇق ئۇدا يۈرۈش مۇساپىسى 800 كىلومېتىرغا يېتىدىكەن. ئەگەر بۇ بۆسۈش ئەمەلگە ئاشسا، ئېنىقكى مەھسۇلاتنىڭ «ئالتۇن مىقدارى»نى يۇقىرى كۆتۈرىدۇ!
نۆۋەتتە، دۆلىتىمىزدە سېتىلىۋاتقان Model Yنىڭ ئۇزۇن ئۇدا يۈرۈش مۇساپىسى 640 كىلومېتىر. ئەگەر يېڭى نۇسخىدىكى ئاپتوموبىل تىپىنىڭ ئۇدا يۈرۈش مۇساپىسى ھەقىقەتەن 800 كىلومېتىرغا يەتسە، بۇ %25لىك كۆرۈنەرلىك يۇقىرى كۆتۈرۈلۈشكە ۋەكىللىك قىلىدۇ. بۇ ئېنىقكى نۇرغۇن يوشۇرۇن سېتىۋالغۇچىلارنىڭ «مۇساپە ئەندىشىسى»نى يوققا چىقىرىدۇ.
