ئاپتوموبىل ئائىلىسى تورى خەۋىرى، نۇر تورى تەرجىمىسى:
يېقىندا تاراتقۇلار سانائەت ۋە ئۇچۇرلاشتۇرۇش مىنىستىرلىقىدىن خاۋبو HL ساپ توكلۇق نۇسخىسىنىڭ باتارېيەسى ۋە ئۇدا يۈرۈش مۇساپىسى ئۇچۇرىنى سۈرۈشتۈردى، يېڭى ئاپتوموبىلنىڭ ساپ توكلۇق نۇسخىسى ۋە ئۇزارتىلغان نۇسخىسىنى تاللىغىلى بولىدۇ.
يېڭى ئاپتوموبىل 2024-يىللىق گۇاڭجۇ ئاپتوموبىل كۆرگەزمىسى مەزگىلىدە تۇنجى قېتىم ئېلان قىلىندى، ئالدى يۈزىگە بىر قەدەر ئاددىي بولغان يېپىق شەكىلدىكى سالاسۇن لايىھەسى قوللىنىلغان، چوڭ چىراغ گۇرۇپپىسىغا بۆلەكلىك شەكىلدىكى لايىھە قوللىنىلغان، ئىچكى قىسىمىدا ئىستېرېئولۇق تۈسكە ئىگە LEDلىق يورۇقلۇق مەنبەسى توپلاشتۇرۇلغان، نىسبەتەن كۈچلۈك پەرقلەندۈرۈش دەرىجىسىگە ئىگە.
ئاستىنقى ئورالما قىسمىغا رازمېرى بىر قەدەر چوڭ بولغان تىراپېتسىيە شەكىللىك ھاۋا كىرىش ئېغىزى سەپلەنگەن، ئىچكى قىسمى توغرىسىغا تىزىلغان قۇرۇلما بىلەن زىننەتلەنگەن بولۇپ، بىر قەدەر كۈچلۈك قاتلاملىق تۇيغۇغا ئىگە، ئالدى كالپۇك قىسمىغا بېزەك تاختا سەپلەنگەن، ئاپتوموبىل ئۈستىگە يەنە لازىر نۇرلۇق رادار توپلاشتۇرۇلغان، بۇ يۇقىرى دەرىجىلىك ياردەمچى ھەيدەشنى قوللايدىغانلىقىدىن دېرەك بېرىدۇ.
يان تەرىپىنىڭ ياسىلىش شەكلى جەھەتتە، ئاپتوموبىل تورۇسى سەل يايسىمان بولۇپ، يۈك-تاق جازىسى سەپلەنگەن، ئاپتوموبىل دېرىزىسىنىڭ ئۈستۈنكى گىرۋىكىگە خىروم يالىتىلغان تاياقچە سەپلەنگەن، بەل سىزىقىغا كېسىپ ئۆتكەن شەكىلدىكى لايىھە قوللىنىلغان بولۇپ، ئاپتوموبىل گەۋدىسىنىڭ يان تەرىپىنىڭ قاتلام تۇيغۇسىنى ئاشۇرغان، ئىشىك تۇتقۇچىغا سىيرىلما شەكىلدىكى لايىھە قوللىنىلغان بولۇپ، شامال قارشىلىقىنى تۆۋەنلىتىش رولىنى ئوينايدۇ، چاق يايى ۋە يان ئېتەك قىسمىغا كۆتۈرۈلۈپ چىققان قارا رەڭلىك بېزەك تاختا لايىھەلىنىپ، بىر قەدەر كۈچلۈك كۈچ تۇيغۇسى ئېلىپ كەلگەن.
قۇيرۇق قىسىمىنىڭ ياسىلىش شەكلى جەھەتتە، بۇ ئاپتوموبىلغا رازمېرى نىسبەتەن چوڭ ھاۋا بۆلۈش تاختىسى ھەمدە تورمۇز چىرىغى سەپلەنگەن، قارىدالغان قۇيرۇق چىراغ گۇرۇپپىسىغا كېسىپ ئۆتكەن شەكىلدىكى لايىھە قوللىنىلغان بولۇپ، ئاپتوموبىل قۇيرۇقىنىڭ كۆرۈش ئۈنۈمىنى ئۈنۈملۈك ئۇزارتقان، تىراپېتسىيە شەكىللىك نومۇر تاختا رايونى ئىچىگە پېتىنقى لايىھە قوللىنىلغان بولۇپ، ئاپتوموبىل قۇيرۇقىنىڭ قاتلام تۈسىنى ئاشۇرغان، ئاستىنقى ئورالما قىسىمىنىڭ ياسىلىش شەكلى نىسبەتەن سىپتا بولۇپ، كېسىپ ئۆتكەن شەكىلدىكى خىروم يالىتىلغان تاياقچە ۋە نۇر قايتۇرۇش تاياقچىسى سەپلەنگەن.
رازمېرى جەھەتتە، يېڭى ئاپتوموبىلنىڭ ئۇزۇنلۇق، كەڭلىك ۋە ئېگىزلىكى ئايرىم-ئايرىم ھالدا 5126/1990/1730mm، ئوق ئارىلىقى 3088mm بولۇپ، چوڭ تىپتىكى SUV سەۋىيەسىگە يەتكەن.
ئىچكى بېزەك جەھەتتە، ئۈچ شادىلىق كۆپ ئىقتىدارلىق رول، لەيلىمە شەكىلدىكى پۈتۈن سۇيۇق كىرىستاللىق ئۆلچەش سائىتى تەخسىسى، لەيلىمە شەكىلدىكى ئوتتۇرا كونترول ئېكران ھەمدە ئېلېكتىرونلۇق خوت تۇتقۇچى قاتارلىقلار تەمىنلەنگەن.
ھەرىكەتلەندۈرگۈچ كۈچ جەھەتتە، مەلۇم قىلىش ئۇچۇرىدا كۆرسىتىلىشىچە، خاۋبو HL ساپ توكلۇق نۇسخىسى يەككە ئېلېكتىر موتور ۋە قوش ئېلېكتىر موتور نۇسخىسى بىلەن تەمىنلەيدىكەن، يەككە ئېلېكتىر موتور نۇسخىسىنىڭ ئەڭ چوڭ قۇۋۋىتى 250kW، قوش ئېلېكتىر موتور نۇسخىسىغا ئەڭ چوڭ قۇۋۋىتى 130kWلىق ئېلېكتىر موتور قوشۇلغان، باتارېيە گۇرۇپپىسىنىڭ سىغىمى 108.35kWh بولۇپ، ماس ھالدىكى CLTC خىزمەت ھالىتىدىكى ئۇدا يۈرۈش مۇساپىسى ئايرىم-ئايرىم ھالدا 750km ۋە 700km، 800km بولۇپ، 5Cلىق تېز زەرەتلەشنى قوللايدىكەن، بەش مىنۇت توك قاچىلىسا 265 كىلومېتىرلىق ئۇدا يۈرۈش مۇساپىسىنى تولۇقلىغىلى بولىدۇ.
