شينجياڭدا ەكىنشى دارەجەلىدەن جوعارى 428 شيپاحانا مەديتسينالىق تەكسەرۋ ـ ساراپتاۋ ناتيجەسىن ءوزارا مويىنداۋدى جۇزەگە اسىردى
ءتىلشىنىڭ شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتىنەن ۇعىسۋىنشا، قازىرگە دەيىن تۇتاس شينجياڭداعى 3A دارەجەلى 41 شيپاحانا 377 ءتۇرلى تەكسەرۋ، ساراپتاۋ نىسانىن ءوزارا مويىنداۋدى جاپپاي تياناقتاندىرعان ءارى باسقا 387 ەكىنشى دارەجەلى جانە ودان جوعارى ەمدەۋ قۇرىلىمدارىن بىرتىندەپ قامتىپ، ەمدەۋ بايلىعىنان پايدالانۋ مولشەرىن ءونىمدى جوعارىلاتىپ، بۇقارانىڭ ەمدەلۋ اۋىرتپالىعىن جەڭىلدەتىپ، بۇقارانىڭ ەمدەلۋ جاعىنداعى تابىس سەزىمىن اناعۇرلىم جوعارىلاتتى.
بيىل 8 ـ ايدا ”قايتالاي مەديتسينالىق تەكسەرۋ ـ ساراپتاۋ، بۇقارانىڭ اۋىرتپالىعىن ارتتىرۋ“ ماسەلەسىن شەشۋ ءۇشىن، شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتى «شينجياڭ ۇيعۇر اۆتونوميالى رايونىنىڭ مەديتسينالىق تەكسەرۋ ـ ساراپتاۋ ناتيجەسىن ءوزارا مويىنداۋ قىزمەتىن اتقارۋ جوباسىن» شىعارىپ، تۇڭعىش توپتاعى اۆتونوميالى رايوننىڭ تاجىريبەحانا ساپاسىن باعالاۋ كورسەتكىش تۇرىنە ۇيلەسەتىن 377 ءوزارا مويىنداۋ نىسانىن بەلگىلەدى. مۇنىڭ ىشىندە تەكسەرۋ ءتۇرى 40 ءتۇرلى، كەسكىن 297 ءتۇرلى، ۋلترا دىبىس 40 ءتۇرلى. بۇكىل شينجياڭداعى 14 ايماقتاعى (وبلىس، قالا) 3A دارەجەلى 41 شيپاحانانىڭ (ۇكىمەت باسقارۋىنداعى 39 شيپاحانا، حالىق باسقارۋىنداعى 2 شيپاحانا) جاپپاي ءوزارا مويىنداۋى نەگىزىندە، رايون، ايماق، اۋدان، اۋىل، قىستاق 5 دارەجەلى ەمدەۋ قۇرىلىمدارىنىڭ اراسىندا، بيڭتۋانمەن جانە 25 ولكە، اۆتونوميالى رايون، توتە قاراستى قالانىڭ 3A دارەجەلى شيپاحاناسىمەن ءوزارا مويىنداۋىن ىلگەرىلەتتى. 10 ـ ايدىڭ 30 ـ كۇنىنە دەيىن، بۇكىل رايونداعى ەكىنشى دارەجەلى جانە ودان جوعارى 428 شيپاحانا تەكسەرۋ، ساراپتاۋ نىساندارىن ءوزارا مويىنداۋدى جاپپاي تياناقتاندىرىپ، جيىنى 90 مىڭ ادام ـ رەت، 137 مىڭ پارشا ءوزارا مويىنداپ، 13 ميلليوننان ارتىق ەمدەۋ قاراجاتىن ۇنەمدەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
