كەلەر جىلعى دەمالىستار جونىندەگى ورنالاستىرۋ

شينحۋا اگەنتتىگىنىڭ 11 – ايدىڭ 12 – كۇنى بەيجيڭنەن بەرگەن حابارى. مەملەكەتتىك كەڭەستىڭ كەڭسە مەڭگەرمەسىنىڭ 2025 – جىلعى ءىشىنارا مەرەكەلىك دەمالىستاردى ورنالاستىرۋ جونىندەگى ۇقتىرۋىنىڭ تولىق مازمۇنى مىناداي:

ولكەلىك، اۆتونوميالى رايوندىق، توتە قاراستى قالالىق حالىق ۇكىمەتتەرى، مەملەكەتتىك كەڭەستىڭ مينيسترلىك – كوميتەتتەرى مەن ولارعا توتە قاراستى قۇرىلىمدار:

پارتيا ورتالىق كوميتەتى مەن مەملەكەتتىك كەڭەستىڭ بەكىتۋىمەن، «مەملەكەت بويىنشا مەرەكە جانە ەسكە ءتۇسىرۋ كۇندەرىندە دەمالىسقا تاراتۋ ادىسىنە» 2024 – جىلى 11 – ايدا ەنگىزىلگەن وزگەرىسكە ساي، 2025 – جىلى 1 – ايدىڭ 1 – كۇنىنەن باستاپ، بارلىق ازاماتتاردى دەمالىسقا تاراتاتىن دەمالىستاردىڭ سانى 2 كۇن ارتادى، مۇندا، كوكتەم مەرەكەسى مەن ەڭبەكشىلەر مەرەكەسىنىڭ اربىرەۋىندە ءبىر كۇن دەمالىس قوسىلادى. وسىعان بايلانىستى دەمالىس بەرۋ جانە دەمالىستى رەتتەۋ پرينسيبى اناعۇرلىم جاقسارتىلادى جانە كەمەلدەندىرىلەدى، ءىشىنارا ەرەكشە جاعدايلاردان سىرت، كوكتەم مەرەكەسىندە ەسكىشە كالەندار بويىنشا جاڭا جىلعا قاراعان تۇننەن باستاپ، دەمالىس بەرۋ جانە دەمالىستى رەتتەۋ ءتاسىلى بويىنشا 8 كۇن دەمالىس بەرىلەدى، مەملەكەت مەرەكەسى مەزگىلىندە 10 – ايدىڭ 1 – كۇنىنەن باستاپ دەمالىس بەرۋ جانە دەمالىستى رەتتەۋ ءتاسىلى بويىنشا 7 كۇن دەمالىس بەرىلەدى، ەڭبەكشىلەر مەرەكەسىندە دەمالىس بەرۋ جانە دەمالىستى رەتتەۋ ءتاسىلى بويىنشا 5 كۇن دەمالىس بەرىلەدى، جاڭا جىل، چيڭميڭ، دۋان – ۋ، جۇڭچيۋ مەرەكەلەرىندە دەمالىس بەرۋ جانە دەمالىستى رەتتەۋ نەمەسە جالعاستىرىپ دەمالۋ ءتاسىلى بويىنشا 3 كۇن دەمالىس بەرىلەدى (ەگەر سارسەنبى كۇنگە ءدال كەلسە، سول كۇنى عانا دەمالىس بەرىلەدى)، مەملەكەت مەرەكەسىنىڭ دەمالىسى جۇڭچيۋ مەرەكەسىمەن بىرگە كەلسە، ەكى دەمالىس بىرىكتىرىلىپ، 8 كۇندىك دەمالىس بەرىلەدى.

اتالعان پرينسيپ بويىنشا، 2025 – جىلعى جاڭا جىل، كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، دۋان – ۋ مەرەكەسى، جۇڭچيۋ مەرەكەسى جانە مەملەكەت مەرەكەسى مەزگىلىندە دەمالىس بەرۋ جانە دەمالىستى رەتتەۋ جونىندەگى ناقتى ورنالاستىرۋ ۇقتىرۋى مىناداي:

ءبىرىنشى، جاڭا جىل: 1 – ايدىڭ 1 – كۇنى (سارسەنبى) ءبىر كۇن دەمالىس بەرىلەدى، دەمالىس رەتتەلمەيدى.

ەكىنشى، كوكتەم مەرەكەسى: 1 – ايدىڭ 28 – كۇنىنەن (ەسكىشە كالەندار بويىنشا جاڭا جىلعا قاراعان ءتۇن) 2 – ايدىڭ 4 – كۇنىنە دەيىن (ەسكىشە كالەندار بويىنشا ءبىرىنشى ايدىڭ جەتىنشى كۇنى، سەيسەنبى) دەمالىس بەرۋ جانە دەمالىستى رەتتەۋ ءتاسىلى بويىنشا 8 كۇن دەمالىس بەرىلەدى. 1 – ايدىڭ 26 – كۇنى (جەكسەنبى) جانە 2 – ايدىڭ 8 – كۇنى (سەنبى) قالىپتى قىزمەت كۇنى سانالادى.

ءۇشىنشى، چيڭميڭ مەرەكەسى: 4 – ايدىڭ 4 – كۇنىنەن (جۇما) 4 – ايدىڭ 6 – كۇنىنە (جەكسەنبى) دەيىن 3 كۇن دەمالىس بەرىلەدى.

ءتورتىنشى، ەڭبەكشىلەر مەرەكەسى: 5 – ايدىڭ 1 – كۇنىنەن (بەيسەنبى) 5 – ايدىڭ 5 – كۇنىنە (دۇيسەنبى) دەيىن دەمالىس بەرۋ جانە دەمالىستى رەتتەۋ ءتاسىلى ارقىلى 5 كۇن دەمالىس بەرىلەدى. 4 – ايدىڭ 27 – كۇنى (جەكسەنبى) قالىپتى قىزمەت كۇنى سانالادى.

بەسىنشى، دۋان – ۋ مەرەكەسى: 5 – ايدىڭ 31 – كۇنىنەن (سەنبى) 6 – ايدىڭ 2 - كۇنىنە (دۇيسەنبى) دەيىن 3 كۇن دەمالىس بەرىلەدى.

التىنشى، مەملەكەت مەرەكەسى مەن جۇڭچيۋ مەرەكەسى: 10 – ايدىڭ 1 – كۇنىنەن (سارسەنبى) 10 – ايدىڭ 8 – كۇنىنە (سارسەنبى) دەيىن دەمالىس بەرۋ جانە دەمالىستى رەتتەۋ ءتاسىلى بويىنشا جيىنى 8 كۇن دەمالىس بەرىلەدى. 9 – ايدىڭ 28 – كۇنى (جەكسەنبى) جانە 10 – ايدىڭ 11 – كۇنى (سەنبى) قالىپتى دەمالىس كۇنى سانالادى.

مەرەكەلىك دەمالىس مەزگىلىندە، وڭىرلەر مەن تاراۋلار كەزەكشىلىك پەن حاۋىپسىزدىك، اماندىق قورعاۋ، ىندەتتەن ساقتانۋ – تىزگىندەۋ قاتارلى قىزمەتتەردى ۇيلەسىمدى ورنالاستىرۋى، توساتتان ءىرى وقيعا تۋىلعان جاعدايدا، بەلگىلەمە بويىنشا دەر كەزىندە مالىمدەۋى ءارى ۇيلەسىمدى ءبىرجاقتى ەتۋى، حالىق جۇرتشىلىعىنىڭ مەرەكەلىك دەمالىستى بەرەكەلى دە جايلى وتكىزۋىنە كەپىلدىك ەتۋى كەرەك.

مەملەكەتتىك كەڭەستىڭ كەڭسە مەڭگەرمەسى

2024 – جىلى 11 – ايدىڭ 1 – كۇنى