تيانشان تورابى – شينجياڭ گازەتىنىڭ ءتىلشىسى چىن چياڭ – ۋەي حابارلايدى. ءتىلشىنىڭ قورعاس حالىقارالىق شەكارالىق سەلبەستىك ورتالىعى كەدەن مەكەمەسىنەن ۇعىسۋىنشا، جۋىردا 720 توننالىق بولات ماتەريالى تولتىرا تيەلگەن پويەز قورعاس ۋنيۆەرسال ارزان باجىلى رايونىنداعى تەمىر جول ارناۋلى جەلىسىنەن دابىل بەرىپ جولعا شىعىپ، قورعاس تەمىر جول وتكەلى ارقىلى شەكارادان شىعىپ، قازاقستانعا جول تارتقان. بۇل قورعاس ۋنيۆەرسال ارزان باجىلى رايونىنان تاس جول مەن تەمىر جولدى ۇشتاستىرعان تاسىمال سىندى جاڭا فورما بويىنشا تۇڭعىش رەت جولعا شىققان پويەز سانالادى.
وسى توپتاعى ەكسپورت ەتىلگەن بولات ماتەريالدار اۆتوموبيلمەن تاسىمالداۋ ءتاسىلى ارقىلى قورعاس ۋنيۆەرسال ارزان باجىلى رايونىنا جەتكىزىلگەن سوڭ، تەمىر جول ارناۋلى جەلىسىنەن پايدالانىپ، ارزان باجىلى رايوندا ساقتالعان جانە جوتكەپ تيەلگەن، وسىدان سوڭ تەمىر جول وتكەلى ارقىلى شەكارادان شىعارىلعان. وسى رەتكى پويەزدىڭ ءساتتى جولعا شىعۋى، قورعاس ۋنيۆەرسال ارزان باجىلى رايونىنداعى ەكسپورت كاسىبىنىڭ تاعى دا ءبىر جاڭا تاسىمال فورماسى — تاس جول مەن تەمىر جولدى ۇشتاستىرىپ تاسىمالداۋ فورماسىنىڭ ىسكە قوسىلعانىن كورسەتەدى.
قورعاس ۋنيۆەرسال ارزان باجىلى رايونىنداعى تەمىر جول ارناۋلى جەلىسىندە جيىنى 6 تەمىر جول بار، مۇندا ولشەمدى رەلستى ارناۋلى جەلىدەن 3 جەلى، كەڭ رەلستى ارناۋلى جەلىدەن 3 جەلى بار، كەڭ رەلستى جەلى ارقىلى قازاقستان شەكاراسىنان توتە كىرۋگە بولادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
