دۇنيە جۇزىلىك استىق جوسپارى باسقارماسى: 2025 – جىلعا بارعاندا اش قالعاندارعا كومەكتەسۋگە 16 ميلليارد 900 ميلليون ا ق ش دوللارىندىق قاراجات قاجەت بولادى
شينحۋا اگەنتتىگىنىڭ ءتىلشىسى جاڭ شينۋىن 11 – ايدىڭ 22 – كۇنى ريمنەن حابارلايدى. بىرلەسكەن مەملەكەتتەر ۇيىمىنىڭ دۇنيە جۇزىلىك استىق جوسپارى باسقارماسى 11 – ايدىڭ 22 – كۇنى جاريالاعان «دۇنيە جۇزىلىك استىق جوسپارى باسقارماسىنىڭ 2025 – جىلعى دۇنيە جۇزىنە نازار سالۋى» اتتى مالىمەتىندە ايتۋىنشا، 2025 – جىلى اش قالعاندارعا كومەكتەسۋگە 16 ميلليارد 900 ميلليون ا ق ش دوللارىندىق قاراجات قاجەت بولادى.
مالىمەتتە دۇنيە جۇزىلىك استىق جوسپارى باسقارماسى ورىستەتكەن مەملەكەتتەر مەن رايوندارداعى استىق حاۋىپسىزدىگىنىڭ ەڭ جاڭا جاعدايى تۋرالى قيمىلداعى ەڭ جاڭا جاعدايلار جونىندە ساراپتاما جاساعان. مالىمەتتە ايتىلۋىنشا، قازىرگە دەيىن، 74 مەملەكەتتە 34 ميلليارد 300 ميلليون ادام توساتتان تۋىلاتىن استىق جەتىسپەۋ حاۋپى ماسەلەسىنە ءدوپ كەلۋدە، بۇل بىلتىرعىدان %10 ارتقان، ىندەتتىڭ الدىنداعىدان 200 ميلليون ادام ارتقان. دۇنيە جۇزىلىك استىق جوسپارى باسقارماسى ارەكەت ورىستەتكەن كوپتەگەن مەملەكەتتەردە قورشاعان ورتانىڭ وزگەرىسى كۇننەن – كۇنگە كۇردەلىلەنىپ، كومەكتەسۋ ارەكەتىن اتقارۋ بارعان سايىن قيىنشىلىققا ءدوپ كەلىپ، وزىندىك قۇنى اناعۇرلىم جوعارىلاعان.
مالىمەتكە قاراعاندا، 2024 – جىلى قاراجاتتىڭ جەتىسپەۋى دۇنيە جۇزىلىك استىق جوسپارى باسقارماسىن كومەكتەسۋ كولەمىن كىشىرەيتۋگە ماجبۇرلەگەن، ءىشىنارا ەڭ ءالسىز توپتاردىڭ كومەككە يە بولۋى ۇنەمى قيىن بولۋدا. 2025 – جىلى اش قالعاندارعا كومەكتەسۋگە 16 ميلليارد 900 ميلليون ا ق ش دوللارى قاجەت بولادى، بۇل سان شامامەن دۇنيە ءجۇزى بويىنشا ەكى اپتا ىشىندە كوفە ساتىپ الۋعا كەتەتىن شىعىممەن بارابار.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
