ەلىمىز عالىمدارى تۇڭعىش رەت جوتادان مەتەوريت شۇڭقىرىن بايقادى
ءتىلشىنىڭ بەيجيڭ جوعارى قىسىم عىلىمىن زەرتتەۋ ورتالىعىنان ۇعىسۋىنشا، ەلىمىز عالىمدارى تۇڭعىش رەت جوتادان مەتەوريت شۇڭقىرىن بايقاعان، بۇل جەتىستىك جۋىردا ايگىلى اعىلشىنشا عىلىمي جۋرنال — «سۇركەيلى شارت – جاعدايداعى زاتتار جانە رادياتسيا» جۋرنالىندا جاريالانعان.
سۋرەتتە: ۇشقىشسىز ۇشاقپەن تۇسىرىلگەن حايلين مەتەوريت شۇڭقىرىنىڭ كورىنىسى. (زەرتتەۋ ۇجىمى بەرگەن سۋرەت)
جەر شارىنداعى مەتەوريت شۇڭقىرى دەگەنىمىز الەمدەگى كىشى قىدىرما جۇلدىزدار قاتارلى اسپان دەنەلەرى جەر شارىنا سوعىلعان كەزدە قالىپتاسقان ساقيناشا شۇڭقىرلاردى كورسەتەدى. مەتەوريت شۇڭقىرى تەك جاراتىلىستىق ورتاداعى ايرىقشا عاجايىپ جاعداي بولىپ قالماستان، عالىمداردىڭ عارىشتى زەرتتەۋدەگى ماڭىزدى نەگىزدەرىنىڭ ءبىرى.
قازىرگە دەيىن، دۇنيە جۇزىندە تابىلعان جانە راستالعان مەتەوريت شۇڭقىرىنىڭ سانى 200 دەن اسادى، مىسالى، ا ق ش – نىڭ اريزونا شتاتىنداعى باررينگەر مەتەوريت شۇڭقىرى، اۆسترالياداعى ۆولف سايى مەتەوريت شۇڭقىرى قاتارلىلار، الايدا، ەلىمىزدەن مەتەوريت شۇڭقىرىنىڭ بايقالۋى وتە سيرەك ۇشىرايدى.
جاڭادان بايقالعان حايلين مەتەوريت شۇڭقىرى حەيلۇڭجياڭ ولكەسىنىڭ حايلين قالاسىنىڭ سولتۇستىگىندەگى قالىڭ تاۋلاردىڭ اراسىندا. وزگەشەلىگى، بۇل مەتەوريت شۇڭقىرى تاۋلى وڭىردەگى جوتانىڭ ۇستىنەن بايقالعان، ديامەترى 1360 مەترگە جەتەدى، سوپاقشا ەلەككە ۇقسايدى. شۇڭقىر جيەگىنىڭ ەڭ بيىك جەرىنەن ەڭ الاسا جەرىنە دەيىنگى بيىكتىك پارقى ءجۇز نەشە مەترگە جەتەدى، بەينە الىپ ماي قۇيعىشتى چاڭبايشان تاۋىنىڭ تارامى جاڭگۋاڭساي شوقىسىنا ءىلىپ قويعان سياقتانىپ، ەرەكشە ايباتتى كورىنەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
