جۇڭگو ونەركاسىپ ـ ساۋدا بانكەسى شەكتى جارنا سەرىكتەستىگى پارتكومىنىڭ بۇرىنعى مۇشەسى، ورىنباسار بانكە باستىعى جاڭ حۇڭليدىڭ پارا الۋ دەلوسىنا ءبىرىنشى سوت اشىلدى
شينحۋا اگەنتتىگىنىڭ 11 – ايدىڭ 14 - كۇنى حاڭجوۋدان بەرگەن حابارى. 11 – ايدىڭ 14 –كۇنى، جىجياڭ ولكەسى حاڭجوۋ قالالىق ورتا دارەجەلى حالىق سوت مەكەمەسى جۇڭگو ونەركاسىپ ـ ساۋدا بانكەسى شەكتى جارنا سەرىكتەستىگى پارتكومىنىڭ بۇرىنعى مۇشەسى، ورىنباسار بانكە باستىعى جاڭ حۇڭليدىڭ پارا الۋ دەلوسىنا ءبىرىنشى سوتتا اشىق سوت اشتى.
حاڭجوۋ قالالىق حالىق پروكۋراتۋراسى بىلاي دەپ ايىپتادى: 2011 ـ جىلدان 2022 ـ جىلعا دەيىن ايىپكەر جاڭ حۇڭلي جۇڭگو ونەركاسىپ ـ ساۋدا بانكەسى شەكتى جارنا سەرىكتەستىگى پارتكومىنىڭ مۇشەسى، ورىنباسار بانكە باستىعى مىندەتىن وتەۋ قولايلىلىعىنان پايدالانىپ، قاتىستى ورىندار مەن جەكەلەردىڭ قارىز اقشا الىپ قارجى قۇراۋ، قىزمەت مىندەتىن ورنالاستىرۋ سياقتى ىستەرىنە كومەك كورسەتىپ، جوعارىدا ايتىلعان ورىندار مەن جەكەلەردىڭ بەرگەن مال - مۇلكىن تىكەلەي نەمەسە باسقالار ارقىلى زاڭسىز قابىلداعان، جالپى سوماسى حالىق اقشاسىنا سىندىرعاندا 177 ميلليون يۋاننان اسقان. پروكۋراتۋرا ورگاندارى پارا الۋ قىلمىسى بويىنشا جاڭ حۇڭليدىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
پروكۋراتۋرا ورگاندارى قاتىستى دالەل - سىپاتتاردى كورسەتتى، ايىپكەر جاڭ حۇڭلي مەن ونىڭ اقتاۋشىلارى فاكت كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، جاڭ حۇڭلي سوڭعى ءسوزىن سويلەدى ءارى سوت ۇستىندە قىلمىسىن تانىپ، وكىنەتىندىگىن ءبىلدىردى. ەڭ سوڭىندا سوت ءۇزىلىس جاساعانىن، ۇكىمدى ارتىنان شىعاراتىندىعىن جاريالادى.
حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالاداعى بۇقارادان 30 نەشە ادام سوت تەرگەۋىن سىرتتاي تىڭدادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
