11 – ايدىڭ 22 – كۇنى بەرىلگەن حابار. ورتالىق اۋا رايى ستانسياسى تورابىنىڭ حابارلاۋىنشا، ەرتەڭنەن باستاپ، سۋىق اعىستىڭ كىرۋىنە ءارى ەلىمىزگە بىرتىندەپ ىشكەرىلەي ەنۋىنە بايلانىستى، جەر – جەردەگى ءبىرشاما تۇراقتى اۋا تەمپەراتۋراسى ىلگەرىندى – كەيىندى وزگەرەدى. مەجەمەن 11 – ايدىڭ 23 – كۇنىنەن 27 – كۇنىنە دەيىن، كوپ ءبولىم وڭىرلەردە اۋا تەمپەراتۋراسى جاپپاي 6 – 10 گرادۋس تومەندەيدى، باتىس سولتۇستىكتەگى ءوڭىردىڭ شىعىس بولىگى، ىشكى موڭعۇل، سولتۇستىك جۇڭگونىڭ سولتۇستىك بولىگى، شىعىس سولتۇستىك قاتارلى جەرلەردىڭ ءىشىنارا جەرلەرىندە تەمپەراتۋرانىڭ تومەندەۋ مولشەرى 12 گرادۋستان اسادى؛ كوپ ءبولىم وڭىرلەردە وسىعان قوسا 4 – 6 بال جەل سوعادى، مەزەتتىك جەل كۇشى 7 – 9 بال بولادى. مۇندا، 11 – ايدىڭ 23 – كۇنى سۋىق اعىس ەڭ الدىمەن شينجياڭعا، باتىس سولتۇستىكتەگى وڭىرلەردىڭ شىعىس بولىگىنە ىقپال جاسايدى، 11 – ايدىڭ 24 – كۇنىنەن باستاپ، شىعىسقا قاراي ويىسىپ، وڭتۇستىككە قاراي بەتتەپ، ورتا – شىعىس بولىكتەگى وڭىرلەرگە ىقپال جاسايدى. سۋىق اعىستىڭ ىقپالىنان سوڭ، 11 – ايدىڭ 28 – كۇنىنىڭ الدى – ارتىندا اۋا تەمپەراتۋراسى 0 گرادۋستىق سىزىق وڭتۇستىككە بەتالىپ، چاڭجياڭ وزەنىنىڭ ورتا – تومەنگى اعارىنداعى وڭىرلەرگە قاراي ويىسادى.
سونىمەن بىرگە، 11 – ايدىڭ 23 – كۇنىنەن 27 – كۇنىنە دەيىن، ەلىمىزدىڭ كوپ ءبولىم وڭىرلەرىندە جاڭبىر نەمەسە قار جاۋادى، باتىس سولتۇستىكتەگى وڭىرلەردىڭ كوپ ءبولىمى، ىشكى موڭعۇل، سولتۇستىك جۇڭگونىڭ باتىس بولىگى جانە سولتۇستىك بولىگى، شىعىس سولتۇستىك جانە حۋاڭحى – حۋايحى الابىنىڭ شىعىس بولىگى قاتارلى جەرلەردە ىلگەرىندى – كەيىندى قار جاۋادى نەمەسە جاڭبىردىڭ سوڭى قار ارالاس جاڭبىرعا نەمەسە قارعا اينالادى، ءبىر ءبولىم وڭىرلەردە ەرەكشە قالىڭ قار دارەجەسىنە جەتەدى، مۇندا، ىشكى موڭعۇلدىڭ شىعىس سولتۇستىك بولىگىندە، حەيلۇڭجياڭنىڭ ءىشىنارا جەرلەرىندە توتەنشە قالىڭ قار جاۋادى؛ سولتۇستىك جۇڭگونىڭ ورتا – وڭتۇستىك بولىگى، حۋاڭحى – حۋايحى الابىنىڭ كوپ بولىمىندە جانە وڭتۇستىگىندەگى وڭىرلەردە از مولشەردە نەمەسە ورتاشا دارەجەدە جاڭبىر جاۋادى، ءىشىنارا جەرلەردە قالىڭ جاڭبىر نەمەسە نوسەر جاۋادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
