جۋىردا شينجياڭ ءوندىرىس – قۇرىلىس بيڭتۋانى 12 – شىسى سانپيڭ تىڭ يگەرۋ رايونى حالىق سوتى مەكەمەسى جالپىلىق تەرگەۋ سوتى قىلمىستىق ىستەرگە بايلانىستى تەرگەۋ توبى سوتتى 12 – شى سانپيڭ ەگىنشىلىك الاڭىندا ”اپارىپ“ اشىپ، بيىكتەن زات لاقتىرۋ دەلوسىنا اشىق سوت اشىپ تەرگەۋ جۇرگىزدى، تۋان الاڭىنداعى كادرلار مەن تۇرعىنداردان 200 نەشە ادام سوتتى سىرتتاي تىڭدادى.
2023 – جىلى 8 – ايدىڭ 25 – كۇنى ساعات 10 دا، ايىپكەر ان XX سالماعى شامامەن 3 كيلوگرام كەلەتىن جارىم قاربىزدى الىپ، كورشىسى جيا XX تىڭ وتباسىنا بارادى، ول قاربىزدى جيا XX كە ۇسىنباق بولعاندا، جيا XX ونىڭ بۇل جاقسى نيەتىن دەرەۋ تويتارادى. اشۋلانعان ان XX سول جەردە البىرتتىققا سالىنىپ، اشۋعا باسىپ، قاربىزدى 11 – قاباتتىڭ تەرەزەسىنەن سىرتقا لاقتىرىپ جىبەرەدى، قاربىز عيماراتتىڭ ەسىك الدىنا ءتۇسىپ، پارشا – پاراسى شىعادى، باقىتقا جاراي، سول كەزدە قاباتتى ۇيلەرگە كىرىپ – شىققان ادام جوق بولاتىن، ادامنىڭ جارالانۋى، مال – مۇلىكتىڭ زيانعا ۇشىراۋى تۋىلماعان.
سوت ۇستىندە تەرگەۋ بارىسىندا، الەۋمەتتىك ايىپتاۋشى ارىز – شاعىمداعى ايىپتاما فاكتتەرى جانە ىسپاتتاردى توڭىرەكتەي وتىرىپ، ايىپكەر مەن سىرتتاي تىڭداۋشىلارعا بايسالدى دا قۇنتتى تۇردە زاڭدى ءتۇسىندىرىپ، بيىكتەن زات لاقتىرۋدىڭ زيانى تۋرالى تۇسىنىك جاساپ، ءجون – جوسىق پەن زاڭدى ۇشتاستىرا وتىرىپ، بيىكتەن زات لاقتىرۋ ارەكەتىن وتكىزگەن ادامنىڭ ارقالاۋعا ءتيىستى قىلمىستىق ىستەر جاۋاپكەرشىلىگى مەن ۇقىققا قول سۇعۋ جاۋاپكەرشىلىگىن ءتۇسىندىردى.
ايىپكەر ان XX سوت ۇستىندە ءوزىنىڭ وتكىزگەن قاتەلىگىنىڭ زيانىن تولىق تانىپ، قاتتى وكىنەتىنىن ءبىلدىردى ءارى ءوز ەركىمەن قىلمىسىن مويىنداپ، جازاعا مويىنسال بولدى
.
ەڭ جوعارى حالىق سوتى مەكەمەسىنىڭ بيىكتەن زات لاقتىرۋعا، زات قۇلاتۋعا قاتىستى دەلولار جونىندە زاڭ بويىنشا ۇيلەسىمدى تەرگەۋ جۇرگىزۋ جونىندەگى پىكىرىنە ساي، ارەكەت وتكىزۋشىنىڭ ماقساتى، زات لاقتىرعان ورنى، لاقتىرعان زاتى قاتارلى جاعدايلاردى، سونداي – اق، ونىڭ جەتكىزگەن زالالى قاتارلى فاكتورلاردى جان – جاقتى ويلاستىرا وتىرىپ، سانپيڭ تىڭ يگەرۋ رايوندىق حالىق سوتى مەكەمەسى زاڭ بويىنشا ايىپكەر ان XX بيىكتەن زات لاقتىرۋ قىلمىسىن وتكىزگەن دەپ ۇكىم شىعارىپ، ءتورت اي قاماۋعا الۋ جازاسىن بەرىپ، جەتى اي كەشەۋىلدەتىپ اتقاراتىن بولعان ءارى حالىق اقشاسى بويىنشا ەكى مىڭ يۋان اقشالاي ايىپ سالعان؛ قىلمىستىق ىستەرگە قوسىمشا ازاماتتىق ىستەر بويىنشا الەۋمەتتىك ارىز – شاعىم كوتەرۋ بولىمىنە باعىتتاي وتىرىپ، سوت مەكەمەسى ان XX تى شى، قالا دارەجەلىدەن جوعارى گازەت – جۋرنالدار مەن اقپارات قۇرالدارى، تۇرعىندار اۋماعىنداعى اشىق جاريالاۋ تاقتاسى ارقىلى اشىق كەشىرىم سۇراۋعا بۇيىرعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
