11 – ايدىڭ 10 – كۇنى، جۇڭگونىڭ دەنپاسارداعى باس كونسۋلحاناسى قۇجات جاريالاپ، جۇڭگو ازاماتتارىنا لەوتوبي جانار تاۋىنىڭ اتىلۋىنىڭ ىقپالىنا ءجىتى نازار اۋدارۋدى ەسكەرتكەن.
يندونەزيا شىعىس نۋسا تەڭگارا ولكەسى شىعىس فلورەس اۋدانىنداعى لەوتوبي جانار تاۋى جۋىردا كوپ رەت اتىلىپ، زور مولشەردە جانار تاۋ كۇلى قالىپتاسقان، بۇل توڭىرەگىندەگى اۋەجايداعى ۇشاقتارعا بەلگىلى دەڭگەيدە ىقپال جاساعان. 2024 – جىلى 11 – ايدىڭ 10 – كۇنى، شىعىس نۋسا تەڭگارا ولكەسىندەگى كومودو اۋەجايى ۋاقىتشا جابىلىپ، باتىس نۋسا تەڭگارا ولكەسىندەگى ماتارام حالىقارالىق اۋەجايى مەن بالي ولكەسىندەگى نۋگارا – راي اۋەجايىنا قوناتىن جانە ۇشاتىن ءىشىنارا ۇشاقتار كەشەۋىلدەگەن نەمەسە كۇشىنەن قالدىرىلعان.
جۇڭگونىڭ دەنپاسارداعى باس كونسۋلحاناسى كونسۋلدىق وڭىرىندەگى جۇڭگو ازاماتتارىنا يندونەزيانىڭ قاتىستى تاراۋلارى جولداعان ساقتىق دابىلىنا ءجىتى نازار اۋدارۋدى، حاۋىپسىزدىك تانىمىن جوعارىلاتىپ، ساقتىقتى كۇشەيتىپ، جانار تاۋ ماڭىنداعى وڭىرلەرگە بارۋدان ساقتانۋدى؛ ساپاردى ۇيلەسىمدى ورنالاستىرۋدى ءارى بەلەت العان اۆياتسيا سەرىكتەستىگىمەن نەمەسە ساياحات سەرىكتەستىگىمەن بايلانىستى ۇزبەۋدى ەسكەرتكەن. ساپارعا شىعار الدىندا قامسىزداندىرۋ سەرىكتەستىگىنەن كەڭەس الىپ، ۇشاق كەشەۋىلدەۋى مۇمكىن بولعان جاعدايعا قاتىستى قامسىزداندىرۋدى ساتىپ الۋ جونىندە ۇسىنىس بەرگەن. ەگەر شۇعىل جاعدايعا جولىقساڭىز، دەرەۋ ساقشىعا مالىمدەڭىز نەمەسە دەنپاسارداعى باس كونسۋلحانامەن حابارلاسىڭىز.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
