حالىق گازەتىنىڭ ءتىلشىسى جاڭ تيانپەي 11 – ايدىڭ 12 – كۇنى بەيجيڭنەن حابارلايدى. جۋىردا قوعام حاۋىپسىزدىگى مينيسترلىگى ينتەرنەتتە ۇقىققا قول سۇعىپ، باسقالاردىڭ اتىن جامىلۋ قىلمىسىنا قاتىستى كوپ رەتكى تيپتىك دەلونى جاريالاپ، بارشا تۇتىنۋشىلارعا زاڭمەن جونگە سالۋ تانىمى مەن ساقتىق تانىمىن شىنايى ارتتىرۋدى، تاۋاردى وتىمدىلەندىرۋشىلەردىڭ ايلاسىنان ساق بولۋدى، جالعان – جارامسىز تاۋار ساتىپ الۋدان ساقتانۋدى ەسكەرتتى.
جىل باسىنان بەرى، ەلىمىز بويىنشا قوعام حاۋىپسىزدىگى ورگاندارى ”كۇنلۇن 2024“، ”پاكتىك سامالى“ قاتارلى ارناۋلى ارەكەتتەردى ىلگەرىلەتىپ، ينتەرنەت سالاسىنداعى ۇقىققا قول سۇعىپ، باسقالاردىڭ اتىن جامىلۋ قىلمىستىق ارەكەتتەرىنە زاڭ بويىنشا قاتاڭ سوققى بەرىپ، ”تىكە تاراتىلىمدا زات ساتۋ“، ”ينتەرنەت ارقىلى زات ساتىپ الۋ تەكشەسى“ قاتارلى ارنالاردان پايدالانىپ جالعان تاۋار ءوندىرۋ – ساتۋعا قاتىستى ءبىر توپ دەلونى انىقتاپ، بارشا تۇتىنۋشىلار مەن تيجارات نەگىزگى تۇلعالارىنىڭ زاڭدى ۇقىق – مۇددەسىن كۇش سالا قورعاپ، ينتەرنەتتەگى تاماشا زات ساتىپ الۋ ورتاسىن جاراتۋعا كۇش سالعان. قازىرگە دەيىن، قاتىستى دەلولاردان جيىنى 1900 دەن استام دەلونى انىقتاعان. سونىمەن بىرگە، قوعام حاۋىپسىزدىگى ورگاندارى قاتىستى اكىمشىلىك جاقتان باسقارۋ تاراۋلارىمەن بىرگە تاراۋلار اراسىنداعى سايكەسۋ مەحانيزمىن ورناتىپ ءارى كەمەلدەندىرىپ، پروكۋراتۋرا ورگاندارى مەن اكىمشىلىك ورگاندار اراسىنداعى سايكەسۋ، دەرەكتەردى ورتاقتاسۋ، سايكەسە جونگە سالۋ، كاسىپتىك تىرەك ازىرلەۋ قاتارلى جاقتاردا سايكەسۋدى ۇزدىكسىز كۇشەيتىپ، ينتەرنەتتەگى تۇتىنۋ ورتاسىن جان – جاقتى جونگە سالۋدى شىنايى كۇشەيتكەن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
