بۇل قاراجات جوعارىلادى، 11 – ايدىڭ سوڭىنان بۇرىن تولىقتاپ تاراتىلادى
جۋىردا ءتىلشىنىڭ شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنەن ۇعىسۋىنشا، شينجياڭ ۇيعۇر اۆتونوميالى رايوندىق حالىق ۇكىمەتى ۇنەمىلىك ىستەر ءماجىلىسىنىڭ زەرتتەپ ماقۇلداۋى بويىنشا، 2024 – جىلى 7 – ايدىڭ 1 – كۇنىنەن باستاپ، اۆتونوميالى رايون بويىنشا قالا – اۋىل تۇرعىندارىنىڭ ەڭ تومەنگى تۇرمىس دەڭگەيىن قامتاماسىزداندىرۋ مەن اۋىل – قىستاقتاعى بىتىراڭقى كۇتىمدەلەتىن ەرەكشە قيىنشىلىعى بار ادامداردىڭ نەگىزدىك تۇرمىسىن قامتاماسىزداندىرۋ ولشەمى جوعارىلاتىلاتىنى ۇيعارىلعان.
شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنىڭ قوعامدىق قۇتقارۋ مەكەمەسىنىڭ قاتىستى جاۋاپتىسىنىڭ تانىستىرۋىنشا، وسى رەتكى ولشەمدى جوعارىلاتۋدا قالاداعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى ايىنا 678 يۋاننان ايىنا 712 يۋانعا جوعارىلاتىلعان؛ اۋىل – قىستاقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى ايىنا 507 يۋاننان ايىنا 568 يۋانعا جوعارىلاتىلعان؛ اۋىل – قىستاقتاعى بىتىراڭقى كۇتىمدەلەتىن ەرەكشە قيىنشىلىعى بارلاردىڭ نەگىزدىك تۇرمىسىن قامتاماسىزداندىرۋ ولشەمى ايىنا 690 يۋاننان ايىنا 820 يۋانعا جوعارىلاتىلعان. وسى رەتكى ولشەمدى جوعارىلاتۋ پارتيا 18 – قۇرىلتايىنان بەرى اۆتونوميالى رايوننىڭ قوعامدىق قۇتقارۋ – كومەكتەسۋ، قامتاماسىزداندىرۋ ولشەمىن 14 – رەت جوعارىلاتۋى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
