سىرتقى ىستەر مينيسترلىگىنىڭ مالىمدەمەشىسى لين جيان 11 - ايدىڭ 19 - كۇنى كەزەكتى تىلشىلەردى قابىلداۋ ءماجىلىسىن باسقاردى.
تىلشىلەردى قابىلداۋ ماجىلىسىندە ءبىر ءتىلشى باتىس ەلدەرىنىڭ شياڭگاڭداعى سوت مەكەمەسىنىڭ «شياڭگاڭ مەملەكەت حاۋىپسىزدىگى زاڭى» نەگىزىندە شىعارعان قاتىستى ۇكىمى تۋرالى ءسوز جاريالاعانى تۋرالى سۇراۋ سۇرادى.
مالىمدەمەشى لين جيان بىلاي دەدى: شياڭگاڭ — زاڭمەن باسقارىلاتىن قوعام، زاڭ بولادى ەكەن وعان ءسوزسىز بويسۇنۋ، زاڭعا قايشى ىستەردىڭ جاۋاپكەرشىلىگىن قۋزاستىرۋ — نەگىزگى پرينسيپ، ءارقانداي ادامنىڭ ”دەموكراتيانى“ جەلەۋ ەتىپ، زاڭعا قايشى ارەكەتتەرمەن شۇعىلدانۋىنا ءارى زاڭنىڭ جازاسىنان قۇتىلىپ كەتۋگە ۇرىنۋىنا بولمايدى. ءىشىنارا باتىس ەلدەرى، ءبىر جاعىنان، ءوز مەملەكەتتەرىنىڭ قاتىستى ءادىليالىق تارتىپتەر ارقىلى مەملەكەت حاۋىپسىزدىگىن قورعايتىنى سىندى فاكتتى كاپەرىنە الماي، ەندى ءبىر جاعىنان، شياڭگاڭداعى سوت مەكەمەسىنىڭ شياڭگاڭ مەملەكەت حاۋىپسىزدىگى زاڭىن ءادىل اتقارعانىن قيسىنسىز جازعىرعان، مۇنداي ارەكەت زاڭمەن جونگە سالۋ رۋحىن اۋىر دارەجەدە قورلاۋ جانە اياققا تاپتاۋ. جۇڭگونىڭ ورتالىق ۇكىمەتى شياڭگاڭ ەرەكشە اكىمشىلىك رايونىنىڭ مەملەكەتتىڭ حاۋىپسىزدىگىن قورعاپ، مەملەكەت حاۋىپسىزدىگىنە زيان جەتكىزەتىن ارەكەتتەردى زاڭ بويىنشا جازالاپ جونگە سالعانىن باتىل قولدايدى، ءىشىنارا باتىس ەلدەرىنىڭ ءادىليالىق جەكەلەگەن دەلولاردان پايدالانىپ، جۇڭگونىڭ ىشكى ىستەرىنە كيلىگۋىنە، شياڭگاڭدى زاڭمەن جونگە سالۋعا كۇيە جاعۋىنا جانە ونى بۇلدىرۋىنە باتىل قارسى تۇرادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
