وقۋ – اعارتۋ مينيسترلىگى 11 – ايدىڭ 11 – كۇنى اقپار جاريالاۋ ءماجىلىسىن اشىپ، جاڭادان ورتاعا قويىلعان وقۋعا ءتۇسۋ الدىنداعى ءتالىم – تاربيە زاڭى تۋرالى تۇسىنىك بەردى. وقۋعا ءتۇسۋ الدىنداعى ءتالىم – تاربيە زاڭىندا وقۋعا ءتۇسۋ الدىنداعى ءتالىم – تاربيەنىڭ الەۋمەتتىك جالپىلىق تيىمدىلىك سيپاتى مەن ورنى ايقىن تۇراقتاندىرىلعان، مەملەكەتتىڭ وقۋعا ءتۇسۋ الدىنداعى ءتالىم – تاربيەنى جالپىلاستىراتىنى، جالپىلىق تيىمدىلىك سيپاتىنداعى وقۋ الدىنداعى ءتالىم – تاربيە بايلىق قاينارىمەن قامداۋدى كەڭەيتەتىنى، قالا مەن اۋىلدى قامتىعان، ۇيلەسىمدى ورنالاستىرىلعان، الەۋمەتتىك جالپىلىق تيىمدىلىك سيپاتىنداعى، حاۋىپسىز دە ساپالى وقۋعا ءتۇسۋ الدىنداعى ءتالىم – تاربيە جاعىندا الەۋمەتتىك قىزمەت وتەۋ جۇيەسىن قالىپتاستىراتىنى بەلگىلەنگەن.
اقپار جاريالاۋ ماجىلىسىندە، قاتىستى جاۋاپتى ادامنىڭ تانىستىرۋىنشا، جەرگىلىكتى ءار دارەجەلى حالىق ۇكىمەتى لايىقتى جاستاعى بالالاردىڭ ولاردىڭ اتا – اناسى نەمەسە باسقا قامقورشىلارى قىزمەت ىستەيتىن نەمەسە قونىستانعان ورىندا جاقىن جەردە قولايلى تۇردە وقۋعا ءتۇسۋ الدىنداعى ءتالىم – تاربيەنى قابىلداۋىن ىلگەرىلەتۋى كەرەك؛ وقۋ الدىنداعى بالالار بالالار باقشاسىنا كىرەتىن كەزدە، ءارقانداي فورماداعى ەمتيحاندى نەمەسە سىناقتى ۇيىمداستىرۋعا بولمايدى. تاربيەلەۋ قيمىلىن جۇيەگە ءتۇسىرۋ بارىسىندا، باۋلۋ مەن تاربيەلەۋدى ءوزارا ۇشتاستىرۋ پرينسيبىندە تاباندى بولۋدى دارىپتەپ، باۋلۋ مەن تاربيەلەۋ قيمىلىن عىلىمي ورىستەتۋ كەرەك، باستاۋىش مەكتەپ كەزەڭىندە وقيتىن مازمۇنداردى ۇيرەتۋگە بولمايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
