سىرتقى ىستەر مينيسترلىگى: جۇڭگو پاكيستاننىڭ لاڭكەستىككە قارسى تۇرۋ ارەكەتىن ىلگەرىلەتۋىن ۇزدىكسىز قولدايدى
11 – ايدىڭ 11 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەر جينالىسىن باسقاردى. ءبىر ءتىلشى جۇڭگو ازاماتتارىنىڭ پاكيستاندا شابۋىلعا ۇشىراعاندىعى جونىندە سۇراۋ قويدى. بۇل جونىندە لين جيان بىلاي دەدى: جۇڭگو جاق لاڭكەستىكتىڭ بۇكىل ادامزاتتىڭ ورتاق جاۋى ەكەندىگىن قايتالاي دارىپتەيدى. لاڭكەستىككە سوققى بەرىپ، تراگەديانىڭ قايتا ٴجۇز بەرۋىنەن ساقتانۋ حالىقارالىق قوعامنىڭ ورتاق جاۋاپكەرشىلىگى. جۇڭگو جاق پاكيستان جاقتىڭ لاڭكەستىككە قارسى تۇرۋ ارەكەتىن ىلگەرىلەتۋىن ۇزدىكسىز قولداپ، شەتەلدەگى جۇڭگو ازاماتتارىنىڭ، نىساندارىنىڭ جانە قۇرىلىمدارىنىڭ حاۋىپسىزدىگىن باتىل قورعايدى. جۇڭگو مەن پاكيستان ەكى جاق جۇڭگو ـ پاكيستان قاتىناسىن بۇلدىرەتىن ءارقانداي قاسكۇنەمدىكتى تالقانداپ، لاڭكەستەرگە ءتيىستى بوداۋ بەرگىزۋگە بەل بايلادى.
لين جيان بىلاي دەپ اتاپ كورسەتتى: جۇڭگو مەن پاكيستان بارلىق جاعدايدا بىردەي ستراتەگيالىق سەلبەستىك سەرىكتەر، اينىماس دوستىق ەكى ەلدىڭ جۇرت جۇرەگىنە تەرەڭ ۇيالاعان. جۇڭگو مەن پاكيستاننىڭ ءوزارا سەنىمدىلىگىن جانە ەكى ەلدىڭ سەلبەستىگىن بۇلدىرۋگە ۇرىنعان ءارقانداي ارەكەت ىسكە اسپايدى. جۇڭگو پاكيستاننىڭ ەكونوميكالىق، قوعامدىق دامۋىن جانە حالىق تۇرمىسىن جاقسارتۋىن ۇزدىكسىز قولداپ، جۇڭگو مەن پاكيستاننىڭ ءار سالاداعى سەلبەستىگىن تاباندىلىقپەن ورىستەتىپ، ەكى ەل حالقىنا باقىت جاراتادى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
