شينحۋا اگەنتتىگىنىڭ ءتىلشىسى ۋاڭ چيبيڭ جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمى جۋىردا ەكى قۇجات جاريالاپ، دەنساۋلىق ساقتاۋ – سالاماتتىق ماسەلەسىن كليمات جاعىنداعى ارەكەتتەردىڭ كولەمىنە ەنگىزۋدىڭ ماڭىزدىلىعىن باسا دارىپتەپ، ءار ەلدى مەملەكەتتىڭ دەربەس ۇلەسىن تياناقتاندىرۋعا، تاسقا اينالعان قازىندىلاردان تۋىنداعان جانار زاتتارعا يەك سۇيەپ الۋدى اياقتاتىپ، لاستانۋعا قاتىستى اۋرۋ – سىرقاۋلاردى ازايتۋعا ۇندەگەن.
«بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى سۇلبالىق شارتىنا» قول قويعان جاقتاردىڭ 29 – رەتكى ءماجىلىسى (COP29) اشىلۋ قارساڭىندا، دۇنيە جۇزىلىك دەنساۋلىق ساقتاۋ ۇيىمى 11 – ايدىڭ 7 – كۇنى تىلشىلەردى قابىلداۋ ءماجىلىسىن اشىپ، « COP29 كليمات جانە دەنساۋلىق ماسەلەلەرى تۋرالى ەرەكشە مالىمەتىن» جانە «سالاماتتىق جاعىنداعى مەملەكەتتەردىڭ دەربەس ۇلەسى» تاقىرىبىنداعى تەحنيكالىق جەتەكشى قۇجاتتى جاريالاپ، ءار ەل باسشىلارىن COP29 ماجىلىسىندە كليمات وزگەرىسى مەن سالاماتتىق جاعىنداعى سىناقتارعا جەكە – دارا توتەپ بەرۋ تاسىلىنەن ارىلۋعا قۋزاپ، سالاماتتىقتى، ءسوزسىز، كليماتقا قاتىستى بارلىق كەلىسسوزدەردىڭ، ستراتەگيالاردىڭ، ساياساتتاردىڭ جانە ارەكەت جوسپارلارىنىڭ وزەكتى ورنىنا قويۋ كەرەكتىگىن، تىرشىلىكتى قۇتقارىپ، بۇدان بىلايعى ۇرپاقتاردىڭ اناعۇرلىم سالاماتتى بولاشاققا قول جەتكىزۋىنە كەپىلدىك ەتۋىن باسا دارىپتەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
